එසැණ පුවත්

පීඩන අවපාතය සුළි කුණටුවක් වේ

ගිනිකොන දිග බෙංගාල බොක්ක මුහුදු ප්‍රදේශයේ පැවති පීඩන අවපාතය සුළි කුණටුවක් දක්වා වර්ධනය වී ඇති අතර, ’මෑන් ඩුවෝස්’ නම් එම සුළි කුණාටුව හෙට (9) වනවිට තමිල්නාඩු පුදුචෙරි සහ දකුණු ආන්ද්‍රා ප්‍රදේශ වෙරළ තීරය හරහා ගමන් කරනු ඇතැයි ඇතැයි කාලගුණ විද්‍යා දෙපාර්තමේන්තුව පවසයි.

කතගෙන් පලි ගන්න පාසල් කැන්ටිමේ කුඩු තියලා

මල්වතුහිරිපිටිය ප්‍රදේශයට නුදුරු මහ විදුහලක ආපනශාලාවක තිබිය දී ඉකුත් පස්වැනිදා සොයාගත් අයිස් මත්ද්‍රව්‍ය පැකට් 7 සහ මත් කරල් 37ක පමණ තොගය ආපනශාලාවේ සඟවා එය පවත්වාගෙන යන කාන්තාව පොලිසියට කොටුකර දීමට සැලසුම් කරන ලද්දක් බවට තොරතුරු පරීක්ෂණවලින් අනාවරණය වී ඇතැයි උසස් පොලිස් නිලධාරියෙක් ‘ලංකාදීප’යට පැවසීය.

ලක්ෂ 20 පැහැර ගන්න කොල්ලුපිටියේ ලොකු යුද්දයක්

විශේෂ කාර්ය බළකායේ නිලධාරීන් ලෙස පෙනී සිටි තිදෙනකු කොල්ලුපිටියේදී අද සවස රුපියල් ලක්ෂ 20 මුදලක් පැහැරගෙන යද්දී මුදල් රැගෙන ආ කැබ්රථයෙන් කොල්ලකරුවන් හප්පා එක් අයකු අල්ලා පොලිසිය බාරදී ඇත.

නැව් දෙකකින් යාලට ඩොලර් ඇදලා

අධි සුඛෝපභෝගී සංචාරක නෞකා දෙකෙන් පසුගිය නොවැම්බර් 30 සහ දෙසැම්බර් මස 5 මෙරටට පැමිණි සංචාරකයින් පිරිස නිසා වනජීවී දෙපාර්තමේන්තුවට වාර්තාගත ආදායමක් ලැබී ඇතැයි කෘෂිකර්ම වනජීවී හා වනසම්පත් සංරක්ෂණ අමාත්‍ය මහින්ද අමරවීර මහතා පවසයි.

දු. ස්ථානාධිපතිගේ හිත උණු නොවේ: පො. ස්ථානාධිපතිගේ හිත උණු වේ

උදුවප් පුන් පොහෝ දින මල් කඩාගෙන පන්සල් යාම සදහා ටිකට් පතක් නොගෙන දුම්රියෙන් අංගම්පිටියේ සිට පාදුක්කට ගමන් ගත් 70 හැවිරිදි වයෝවෘද්ධ මවකට රුපියල් රුපියල් 40 ක ටිකට්පත් වෙනුවෙන් පාදුක්ක දුමිරිය ස්ථානාධිපතිවරයා නිකුත් කර තිබු රුපියල 3600 ක දඩ මුදල පාදුක්ක පොලිසිය ගෙවා දමා එම වයෝවෘද්ධ කාන්තාව මුදාහැර හැරියේය.

විදුලි සේවක බෝනස් නවතී

විදුලිබල මණ්ඩලය පාඩු ලබන නිසා මෙම වසරේ කිසිඳු පාර්ශවයකට පාරිතෝෂිත ගෙවිය නොහැකි බව ලිපියකින් දැනුම් දී ඇති බවත් පාඩු ලබන ආයතනවල සේවකයන්ට බෝනස් ගෙවිය නොහැකි බවත් මහජන උපයෝගිතා කොමිසමේ සභාපති ජනක රත්නායක මහතා අද (7) පස්වරුවේ පැවසීය.

තිබ්බෙ බිත්තියට වැදුනෙ නැඟනියට

එකලොස් වයසැති අයියා වායු රයිෆලයකින් තැබූ වෙඩි උණ්ඩයක කැබැල්ලක් අවුරුද දෙකක් පමණ වසයැති ඔහුගේ නැගනියගේ උගුරට වැදී බරපතල තත්ත්වයෙන්ල රෝහල්ගත කර ඇතැයි නිට්ටඹුව පොලිසිය කියයි.

සහල් ජාවාරමක තොරතුරු රාගමින් එළියට

මෙරට ප්‍රධාන පෙළේ සමාගමක් මගින් නිෂ්පාදනය කරනු ලබන සහල් ඇසුරුම්වල කල් ඉකුත්වීමේ දින වෙනස් කරමින් විදේශයකට යැවීම සිදු කළ බව කියන රාගම ප්‍රදේශයේ ගබඩාවක් වටලා සහල් සහ එහි හිමිකරු අත් අඩංගුවට ගැනීමට අද රාගම මහජන සෞඛ්‍ය වෛද්‍ය නිලධාරී කාර්යාලය පියවර ගෙන ඇත.

ජනවාරියේ සිට ලයිට් බිලට වෙන්න යන දේ

සියලුම විදුලි පාරිභෝගිකයන් ලබන ජනවාරි සිට කඩදාසි විදුලි බිල්පත වෙනුවට විද්‍යුත් විදුලි බිල්පතක් හදුන්වාදීමට තීරණය කළ බව විදුලිබල හා බලශක්ති අමාත්‍ය කංචන විජේසේකර මහතා අද (7) පැවසීය.

සිසුන්ට මත් කරල් ගෙනා ඖෂධ සාහායකයා මාට්ටු

මහරගම පෞද්ගලික රෝහලක ඖෂධ මිළදී ගැනීම් සහායකයෙකු මත්කරල් 800 ක් සමග අද අත්අඩංගුවට ගත්බව දොඩංගොඩ පොලිසිය පවසයි.

14 දැරියට කැත වැඩක් කළ බැංකු කළමනාකරුවකු අල්ලයි

කොළඹ ප්‍රසිද්ධ පාසලක 14 හැවිරිදි දැරියක් සමග සබඳතාවයක් පවත්වාගෙන යමින් අඳුරු වීදුරු සහිත ජිප් රථයෙන් ප්‍රසිද්ධ රථගාල්වලට රැගෙන ගොස් ලිංගික අතවර කළ බව කියන 50 හැවිරිදි පෞද්ගලික බැංකු කළමනාකරුවකු අත්අඩංගුවට ගත් බව බම්බලපිටිය පොලිසිය කියයි.

මහපාරද උරුම ලේ කිර කළ මවට

උදුවප් පොහොය දින පානදුර නගරයේ අතරමංකර මහ මග දමා ගොස් සිටී මව්වරුන් තිදෙනකු හමුවූ බව පානදුර මූලස්ථාන පොලිස් පරීක්ෂක චාමින්ද පින්තු මහතා කීය.

මෙරට අහේනිය ටික ටික වැඩි වේ

ශ‍්‍රී ලාංකිකයන් හැට දෙලක්ෂයක් ආහාර අනාරක්ෂිතතාවයෙන් පෙළෙන බවත් ඉන් ලක්ෂ 29ක් ක් ළමුන් බවත් එක්සත් ජාතීන්ගේ ළමා අරමුදල නිකුත් කළ නවතම වාර්තාවේ දැක්වේ.

විදුලියෙන් පාඩු කීම මහා බොරුවක්

මේ වන විට විදුලිබල මණ්ඩලය ලාභ ලබමින් පවතින බවත්, විදුලිබිල යළි වැඩිකිරීමේ අවශ්‍යතාවයක් නොමැති බවත්, හිටපු විදුලිබල ඇමැති, 43 වන සේනාංකයේ නායක, පාර්ලිමේන්තු මන්ත්‍රී පාඨලී චම්පික රණවක මහතා පැවසීය.

අර්බුදයෙන් ගොඩ එන්න බිල වැඩි කළ යුතුයි

විදුලිබල මණ්ඩලය විශාල මූල්‍ය අර්බුදයකට ලක්ව සිටින බවත් එම මණ්ඩලයේ පිරිවැය ප්‍රතිපූර්ණ කරගැනීම සඳහා විදුලි ගාස්තු ඉහළ දැමීම අනිවාර්යෙන් කළ යුතු බවත් විදුලිබල මණ්ඩලයේ සභාපති නලින්ද ඉලංගකෝන් මහතා අද (7) පැවසීය.

දුරකතන කඩේ කැඩූ හොරා මාට්ටු

හංවැල්ල නගරයේ පිහිටි ජංගම දුරතන අලෙවි සැලක් බිඳ එහි තිබු රුපියල් ලක්ෂ 10 ට අධික වටිනා දුරකතන සොරාගත් සැකකරුවකු නුගේගොඩ කොට්ඨාස අපරාධ විමර්ශන අංශය මගින් අත්අඩංගුවට ගෙන ඇත.

මැති ඇමැති ’’පාටි’’ නවත්වා ජනතාවට සහන පැකේජයක් දෙන්න

ආණ්ඩුව පසුගිය දිනවල ප්‍රිය සම්භාෂණ, විවිධ සාජ්ජ පවත්වමින් නාස්තිකාර වියදම් ගණනාවක්ම කර ඇති බවට තොරතුරු අනාවරණයවන හෙයින් එවැනි උත්සව තවදුරටත් පැවැත්වීම වහාම නවත්වා ජනතාවට වසර අවසානයේදී අත්‍යවශ්‍ය භාණ්ඩ කිහිපයක් හෝ සහනදායි මිලට ලබා ගැනීම සඳහා ’’සහන පැකේජයක්’’ හඳුන්වා දෙන්නැයි රජයෙන් ඉල්ලීමක් කරන බව විපක්ෂයේ ප්‍රධාන සංවිධායක, මහනුවර දිස්ත්‍රික් පාර්ලිමේන්තු මන්ත්‍රී නීතිඥ ලක්ෂ්මන් කිරිඇල්ල මහතා පැවසීය.

ගල්වැව සිරිධම්ම හිමි රෝහල් ගත කරයි

අන්තර් විශ්ව විද්‍යාලයීය භික්ෂු බල මණ්ඩලයේ කැඳවුම්කරු ගල්වැව සිරිධම්ම හිමියන් යළිත් ඇතිවූ උණ රෝගී තත්වයක් හේතුවෙන් කොළඹ ජාතික රෝහලට ඇතුළත් කර ඇත.

පුතුගේ තෙමස් පින්කමට එතෙර සිට ආ කත මරා දමලා

මියගිය පුතුගේ තෙමස් පිංකමට සහභාගි වීමට පිටරටක සිට පැමිණි තම බිරිඳ මන්නයකින් කපා කොටා ඝාතනය කළ පුද්ගලයෙකු ඔහුද සියදිවි හානි කරගෙන ඇතැයි ගොකරැල්ල පොලිසිය පවසයි.

ආණ්ඩුවේ තීරණාත්මක ඡන්දය හෙට

ඉඩම් බැංකුවක් හදයි

නාගරික සංවර්ධන අධිකාරිය සතු සියලුම ඉඩම් ඒකරාශි කර ගනිමින් කඩිනමින් ඉඩම් බැංකුවක් සකස් කරන ලෙසට නාගරික සංවර්ධන හා නිවාස අමාත්‍ය ප්‍රසන්න රණතුංග මහතාගෙන් නිලධාරීන්ට උපදෙස් දුන්නේය.

බූස්සේ රැඳවියන් ළඟ ඡංගම දුරකතන පහක් අල්ලයි

දරුණු ගණයේ අපරාධකරුවන් රඳවා සිටින අධි ආරක්ෂිත බුස්ස බන්ධනාගාරයේ සඟවා තිබු ජංගම දුර කතන පහක් චාජර් පහක් සහ සිම්කාඩ් පහක් සොයාගත් බව බන්ධනාගාරය පවසයි.

ඇමෙරිකන් චිත්‍රපට නැරැඹූ ගැටවරයන්ට මරණය

ඇමෙරිකන් හොලිවුඩ් චිත්‍රපට සහ දකුණු කොරියානු රූපවාහිනී කතා නැරැඹූ උතුරු ගැටවරයන් දෙදෙනකුට මරණ දඩුවම හිමිවී ඇතැයි දකුණු කොරියානු මාධ්‍ය වාර්තා කර තිබේ.

සිරිපා වන්දනා සමය ඇරැඹෙයි

මෙවර ශ්‍රීපාද වන්දනා සමය (2022/2023) උඳුවප් පුන් පෝය (07) දින වූ අද දින විශාල බැතිමතුන් පිරිසකගේ සහභාගීත්වයෙන් අති උත්සවත්වශ්‍රීයෙන් ආරම්භ කෙරිණි.

පළාත් කීපයකට සුළං සහිත වැසි

ගිනිකොන දිග බෙංගාල බොක්ක ආශ්‍රිතව පවතින පීඩන අවපාතය අද (7) සවස් වන විට සුළි කුණටුවක් දක්වා වර්ධනය වනු ඇතැයි කාලගුණ විද්‍යා දෙපාර්තමේන්තුව පවසයි.

ගිය වසරේ 76973ක් මහඋළුගෙදර ගාටලා

2021 වසර තුළ අධිකරණ මගින් බන්ධනාගාර ගත කර ඇති පුද්ගලයන්ගේ වැඩි ප්‍රවනතාවක් දක්නට ලැබෙන බවත්, එම පිරිස 76973 දෙනකු බව බන්ධනාගාර මුලස්ථානය පවසයි.

සැහැල්ලු දුම්රියෙන් කෝටි 597ක් වතුරේ

කොළඹ මාර්ග තදබදය අවම කිරිම හා මගී ජනතාවට වඩාත් යහපත් ප්‍රවාහන සේවාවක ලබාදීමේ අරමුණ ඇතිව ජපන් ණය ආධාර යටතේ ගිවිසුම් ගතව ආරම්භ කරන ලද සැහැල්ලු දුම්රිය ව්‍යාපෘතිය ශ්‍රී ලංකා රජය ඒක පාර්ශ්විකව අවලංගු කිරිම නිසා ඒ වන තෙක් දරන ලද රුපියල් කෝටි 597. 8ක මුදල අපතේ ගොස් ඇතැයි එම ව්‍යාපෘතිය අවලංගු කිරිම සම්බන්ධයෙන් කරන ලද විශේෂ විගණනයකදී අනාවරණය වී ඇති බව විගණකාධිපති දෙපාර්තමේන්තුව පවසයි.

විපක්ෂ නායකගෙන් අභියෝගයක්

පුළුවන් නම් ආණ්ඩු බලයක් නැතිව ජනතාවට වැඩ කර පෙන්වන්නැයි විපක්ෂයේ සිට තමන් ජනතාව වෙනුවෙන් සිදුකරන සේවයට සමච්චල් කරන පිරිසට අභියෝග කරන බව විපක්ෂ නායක සජිත් ප්‍රේමදාස මහතා පැවසීය.