එසැණ පුවත්

ආණ්ඩුව රටේ ප්‍රජාතන්ත්‍රවාදය විනාශ කරනවා

රටේ බංකොලොත් භාවයත් ආර්ථික කඩා වැටීමටත් මුවා වී ප්‍රජාතන්ත්‍රවාදය විනාශ කිරීමට ජනාධිපතිවරයා ඇතුළු රජය කටයුතු කරමින් සිටින බව සමගි ජන බලවේගයේ මහලේකම් පාර්ලිමේන්තු මන්ත්‍රී රංජිත් මද්දුමබණ්ඩාර මහතා කොළඹ දී අද (6) ප්‍රකාශ කළේය.

බදුල්ල - ගාල්ල - කළුතර තව දුරටත් නායයෑමේ අවදානම

බදුල්ල, ගාල්ල සහ කළුතර දිස්ත්‍රික්කවලට පැන වූ නායයෑමේ පූර්ව අනතුරු ඇඟවීම තවදුරටත් ක්‍රියාත්මක බව ජාතික ගොඩනැගිලි පර්යේෂණ සංවිධානය අද (6) පස්වරුවේ පැවසීය.

අයිස් මතින් බස් පැදවූ රියැදුරන්ට 81,000 ක් දඩ

අයිස් මත්ද්‍රව්‍ය භාවිත කර බස්රථ ධාවනය කළ පෞද්ගලික බස්රථ රියැදුරන් දෙදෙනකුට රුපියල් 81,000ක දඩයක් සහ මාස හයක බරපතල වැඩ සහිත සිරදඩුවමක් කොළඹ රථවාහන මහේස්ත්‍රාත් අධිකරණය අද (06) නියම කළේය.

සාපෙළ විභාග වංචා තුනක් වාර්තා වේ

අධ්‍යාපන පොදු සහතික පත්‍ර සාමාන්‍ය පෙළ විභාගය මධ්‍යස්ථාන තුනක වංචා සිද්ධීන් තුනක් වාර්තා වී ඇතැයි විභාග කොමසාරිස් ජනරාල් අමිත් ජයසුන්දර මහතා පවසයි.

රුපියල් කෝටි 35 ක වාහන රේගු භාරයට

පාවිච්චි කරන ලද අමතර කොටස් යැයි රේගුවට ප්‍රකාශ කරමින් ඩුබායි සිට නීති විරෝධීව මෙරට ආනයනය කළ රුපියල් කෝටි 35 කට අධික වටිනාකමින් යුත් සුඛෝපභෝගි වාහන තුනක් ඇතුළු භාණ්ඩ තොගයක් භාරයට ගත් බව රේගු දෙපාර්තමේන්තුව අද (6) පස්වරුවේ පැවසීය.

මෙරට විදුලි පද්ධතිය නංවන්න GCl එක්වෙයි

රුපියල් කෝටි 6000ක පමණ මුදලක් යොදවා මෙරට ජාතික විදුලි පද්ධතියට මෙගාවොට් 200ක ධාරිතාවයක් එක්කළ හැකි මහා පරිමාණ විදුලි ව්‍යාපෘතියක් ආරම්භ කිරීමට ලෝකප්‍රකට පුනර්ජණනීය බලශක්ති සමාගමක් වන GCl ආයතනය කටයුතු යොදා තිබේ.

සාගල ආසියාවේ ප්‍රමුඛතම ආරක්ෂක සමුළුව අමතයි

ගුවන් යානා ගොඩ බැස්සවීමේ ගාස්තු අඩකින් බස්සයි

ගුවන් යානා කටුනායක ගුවන් තොටුපොළට ගොඩබෑමේ ගාස්තු වසරක් දක්වා සියයට 50 කින් අඩු කිරීමට රජය තීරණය කර ඇතැයි වරාය නාවික සහ ගුවන් සේවා අමාත්‍ය නිමල් සිරිපාල ද සිල්වා මහතා පාර්ලිමේන්තුවේදී අද (6) පැවසීය.

රට යන අයගේ පොලිස් සහතිකය ලිහිල් වේ

විදේශ රැකියා අපෙක්ෂකයන්ට පොලිස් වාර්තා නිකුත් කිරීමේදි ලිහිල් ප්‍රතිපත්තියක් අනුගමනයකිරීමට රජය තීරණය කර ඇත.

හතරැස් කොටුවේ අනතුරින් දෙකක් මරුට:දෙකක් රෝහලට

කටුනායක සිට ත්‍රිකුණාමලය බලා ගමන් ගත් වැන් රථයක් හා ත්‍රිකුණාමලය සිට කොළඹ බලා ගමන් ගත් සිමෙන්ති කුඩු පැටවු ටැංකි රථයක් කිතුල් උතුව සිංහපුර ප්‍රදේශයේදී මුහුණට මුහුණ ගැටිමෙන් දෙදෙනකු මිය ගොස් තවත් දෙදෙනකු තුවාල ලබා ඇතැයි හතරැස් කොටුව පොලිසිය කියයි.

හිටපු ජනපති ශ්‍රීලංකන් පතුරු ගහයි

ශ්‍රී ලංකා ගුවන් සේවයේ බත් පැකට් එකේ ඉදල තියෙන්නෙ ගැහිල්ල බව හිටපු ජනාධිපති පොළොන්නරු දිස්ත්‍රික් මන්ත්‍රී මෛත්‍රිපාල සිරිසේන මහතා පාර්ලිමේන්තුවේදී අද (6) පැවසීය.

සිනමාවට, රූපවාහිනියට ස්වාධීන නියාමන ආයතනයක්

සිනමා හා රූපවාහිනී කර්මාන්තයේ අභිවෘද්ධිය සඳහා ස්වාධීන නියාමන ආයතනයක් ස්ථාපිත කිරීමට කැබිනට් මණ්ඩලයේ තීරණය කළේය.

මිලියන ගානක ඉඩම රුපියල් 33 ට දීලා

හන්තානේ අක්කර 25ක ඉඩමක් පර්චසය රුපියල් තිස් තුනක මුදලකට පෞද්ගලික සමාගමකට ලබාදී ඇතැයි සමගි ජන බලවේගයේ කොළඹ දිස්ත්‍රික් මන්ත්‍රී එස්.එම් මරික්කාර් මහතා පාර්ලිමේන්තුවේදී පැවසීය.

මන්ත්‍රී ගජේන්ද්‍ර කුමාර්ට රට යාම තහනම් කරයි

දෙමළ ජාතික ජනතා පෙරමුනේ නායක පාර්ලිමෙන්තු මන්ත්‍රී ගජේන්ද්‍ර කුමාර් පොන්නම්බලම් මහතාට විදෙස් ගත වීම තහනම් කරමින් කිලිනොච්චිය අධිකරණය නියෝගයක් නිකුත් කළේය

දූෂණ පනත ගැන ශ්‍රේෂ්ඨාධිකරණ මතය මැතිසබයට

දූෂණ විරෝධී පනත් කෙටුම්පතෙහි සමහර වගන්ති ආණ්ඩුක්‍රම ව්‍යවස්ථාවට අනුකූල නොවන බව ශ්‍රේෂ්ඨාධිකරණය දැනුම්දී ඇතැයි කතානායක මහින්ද යාපා අබේවර්ධන මහතා පාර්ලිමේන්තුවට අද (6)දැනුම් දුන්නේය.

බම්බලපිටියේ ඩ්‍රෝන යැවු සරසවි සිසුවෙකු අල්ලයි

බම්බලපිටිය දුම්රිය පොළ ආසන්නයේ ඊයේ (5) රාත්‍රියේ ඩ්‍රෝන යානාවක් අනවසරයෙන් ගුවන් ගත කළ සරසවි සිසුවෙකු ගුවන් හමුදාව විසින් අත්අඩංගුවට ගෙන ඇත.

තරංග එල්.පී.එල්. තාක්‍ෂණික කමිටුවට පත්කරයි

ලංකා ප්‍රීමියර් ලීග් (එල්.පී.එල්.) ක්‍රිකට් තරගාවලියේ තාක්‍ෂණික කමිටුවේ සාමාජිකයෙක් ලෙස හිටපු ටෙස්ට් ක්‍රීකයෙක් වන තරංග පරණවිතාන මහතා පත්කර තිබේ.

ඉන්දියා සහ ශ්‍රී ලංකා විදුලිබල ජාල 2030දී ඒකාබද්ධ වෙයි

ඉන්දියා සහ ශ්‍රී ලංකා අතර විදුලිබල ජාල 2030 වසරේ ඒකාබද්ධ කරන බව විදුලිබල හා බලශක්ති අමාත්‍ය කංචන විජේසේකර මහතා අද (6) පැවසීය.

සාපෙළ සිසුන්ට අගුලේ පිහිට

කළුතර ප්‍රදේශ බල පෑ වර්ෂාව හේතුවත් සමග ඇති වූ ගංවතුර හේතුවෙන් අපොස සාමාන්‍ය පෙළ විභාගයට යෑමට නොහැකිව සිටි සිසුන් පිරිසක් බෝට්ටු මගින් ගමන් පහසුව ලබාදීමට කටයුතු කළේය.

ඡන්දෙ කල් දැම්මොත් ඉල්ලන් කන්න වෙනවා

පළාත් පාලන මැතිවරණය දිගටම කල් දැම්මොත් ඉල්ලන් කන්න වෙන බව පොදු ජන පෙරමුණේ කළුතර දිස්ත්‍රික් මන්ත්‍රී රෝහිත අබේගුණවර්ධන මහතා පාර්ලිමේන්තුවේ දී පැවසීය.

ඩයනාට එරෙහි පෙත්සමේ තීන්දුව කල් යයි

රාජ්‍ය අමාත්‍ය ඩයනා ගමගේ මහත්මිය බ්‍රිතාන්‍ය පුරවැසිභාවය දරන විදේශිකයකු බැවින් ඇයගේ මෙරට පාර්ලිමේන්තු මන්ත්‍රී ධුරය දැරීම බල රහිත කරන රිට් ආඥාවක් නිකුත් කරන ලෙස ඉල්ලා සමාජ ක්‍රියාකාරිකයෙක් වන ඕෂල හේරත් මහතා ගොනුකර ඇති රිට් පෙත්සමේ තීන්දුව ප්‍රකාශය පත් කිරීම ජූලි මස 25 වැනිදා දක්වා කල් තැබීමට අභියාචනාධිකරණය තීරණය කළේය.

පොලිසිය තුළදී දෙපිරිසක් ගුටි ඇණ ගෙන

හික්කඩුව පොලිසිය ලැබුණු පැමිණිල්ලක් විභාග කිරීම සඳහා කැඳවූ දෙපිරිසක් කලහකාරි ලෙස හැසිරීමෙන් හේතුවෙන් කාන්තාවන් පස් දෙනකු ඇතුලු 19 දෙනකු අත්අඩංගුවට ගත් බව හික්කඩුව පොලීසිය පවසයි.

න්‍යෂ්ටික පරීක්ෂණ තහනම බලාත්මක කරන්න කැබිනට් අවසර

ශ්‍රී ලංකාව විසින් විස්තීරණ න්‍යෂ්ටික පරීක්ෂණ තහනම් ගිවිසුමෙි විධි විධාන බලාත්මක කිරීම සඳහා නීති සම්පාදනය කිරීමට අවශ්‍ය පියවර ගැනීමට කැබිනට් අනුමැතිය ලැබී තිබේ.

අපිට නොදෙන බදු සහන චීනාට දෙන්නේ ඇයි?

ලංකාවෙි වැඩ කරන මිනිස්සුන්ගෙන් බදු අයකරන ආණ්ඩුව චීනෙන් එන අයට බදු සහන දෙන බව සමගි ජන බලවේගයේ කෑගල්ල දිස්ත්‍රික් මන්ත්‍රී කබීර් හෂීම් මහතා පාර්ලිමේන්තුවේදී පැවසීය.

මිහින්තලේ නා හිමිගෙන් කෝටියක කප්පම් ඉල්ලලා

මිහින්තලේ රජ මහා විහාරාධිපති වලවාහැංගුණවැවේ ධම්මරතන හිමියන්ගෙන් රුපියල් කෝටියක මුදලක් කප්පම් වශයෙන් ඉල්ලා තර්ජනය කළ පුද්ගලයකු සැකපිට අත්අඩංගුවට ගැනීමට අනුරාධපුර මූලස්ථාන පොලීසිය පුළුල් පරීක්ෂණ පවත්වාගෙන යයි.

බදු ක්‍රම දෙකක් ගැන කැබිනට් තීරණයක්

එකතු කළ අගය මත බදු (vat) ක්‍රමය ප්‍රතිසංස්කරණය කිරීමටත් සරල කරන ලද එකතු කළ අගය මත බදු ක්‍රමය අහෝසි කිරීමටත් කැබිනට් අනුමැතිය ලැබී තිබේ.

නිමල්, බ්‍රහ්මවංශ හිමියන්ගෙන් සමාව ඉල්ලයි

අජාන් බ්‍රහ්මවංස හිමියන්ට කටුනායක ගුවන්තොටුපොළේදී මුහුණ දීමට සිදුවූ අපහසුතාව ගැන උන්වහන්සේගෙන් සමාව අයැද සිටින බව වරාය නාවික හා ගුවන් සේවා අමාත්‍ය නිමල් සිරිපාල ද සිල්වා මහතා පාර්ලිමේන්තුවේදී අද (6) පැවසීය.

ඇහැලේපොළ වලව්ව දළදා මාලිගාවට

‍‍ඓතිහාසික ඇහැලේපොල වලව්ව මහනුවර ශ්‍රී දළදා මාලිගාව වෙත පවරාදීමට අදාළ කැබිනට් පත්‍රිකාව අමාත්‍ය මණ්ඩලයට ඉදිරිපත් කර තිබෙි.