එසැණ පුවත්

අපුරේ පාසල් බස් 106කින් 65 කබල් ඒවා

අනුරාධපුර නගරයේ පාසල් සඳහා ළමුන් ප්‍රවාහනය කෙරෙන බස් රථ පරීක්ෂාවකදී පාසල් බස් රථය 106ක ප්‍රමාණයකින් බස් රථ 65ක් ප්‍රවාහනයට නුසුදුසු බව අනාවරණය විය.

25 May 2023

නැනෝ පොහොර දූෂණ හොයන්න කමිටුවක්

2021 මහ කන්නයේ වී වගාවට නැනෝ දියර පොහොර ආනයනය නිසා යම් දූෂණයක් සිදුවී ඇත්දැයි සොයා බැලීම සඳහා අමාත්‍ය මණ්ඩලයේ අනුමැතිය මත උසස් නිලධාරීන්ගෙන් සමන්විත කමිටුවක් පත් කිරීමට තීරණය කර තිබෙි.

25 May 2023

නිව්යොක් නගරය ගිලා බසිනවා

ඇමෙරිකා එක්සත් ජනපදයේ නිව් යෝර්ක් නගරය වසරකට සාමාන්‍යයෙන් මිලිමීටර් 1 ත් 2 ත් අතර ප්‍රමාණයකින් ගිලා බසිමින් තිබෙන බවත් ඇතැම් ප්‍රදේශ වසරකට මිලිමීටර 4.5 කින් ගිලා බසින බවත් නවතම අධ්‍යනයකින් හෙළි වී ඇත.

25 May 2023

දුරකතන කනේ ගහගෙන ගිය තරුණයෝ දෙකක් දුම්රිය බිලි

විනෝද චාරිකාවක යාමට සූදානම් ව දුරකතන ඇමතුමක යෙදෙමින් දුම්රිය මාර්ගය දිගේ ගමන් කළ තරුණයන් දෙදෙනකු වදුරව දුම්රිය ස්ථානය ආසන්නයේදී අද අලුයම දුම්රියක ගැටීමෙන් මරණයට පත්ව ඇති බව වේයන්ගොඩ පොලිසිය පවසයි.

25 May 2023

මහවැලියට කෝප් කමිටුවෙන් දොස්

මහවැලි අධිකාරියේ සේවා කාර්යක්ෂමව සහ ගුණාත්මකව ඉටු කිරීමට අපොහොසත්වීම පොදු ව්‍යාපාර පිළිබඳ පාර්ලිමේන්තු කාරක සභාවේ සභාපති ( කෝප් කමිටුව) මහාචාර්ය රංජිත් බණ්ඩාර මහතා දැඩි ලෙස දෝෂ දර්ශනයට ලක් කළේය.

25 May 2023

ෂාෆ්ටර් ගේ සිරුර ගොඩ ගනී

ජනශක්ති රක්ෂණ සමූහ ව්‍යාපාරයේ අධ්‍යක්ෂ දිනේෂ් ෂාෆ්ටර් මහතාගේ දේහය අද පෙරවරුවේ ගොඩ ගනු ලැබීය.

25 May 2023

ජනපති ආසියාවේ අගය ගැන ලෝකයට කියයි

ගෝලීය ජනගහනයෙන් 60%කගේ නිවහන සහ ගෝලීය වර්ධනයට ප්‍රධාන දායකත්වය සපයන ලෝකයේ විශාලතම ආර්ථිකය ලෙස ආසියාව ලෝකයට ඉතා වැදගත් කාරයභාරයක් කරන බව ජනාධිපති රනිල් වික්‍රමසිංහ මහතා පැවසීය.

25 May 2023

ජනපති ජපන් අගමැති හමුවෙයි

ජනාධිපති රනිල් වික්‍රමසිංහ මහතා මීට සුළු මොහොතකට පෙර ජපාන අග්‍රාමාත්‍ය ෆුමියෝ කිෂිඩා මහතා හමුවී ද්විපාර්ශ්වික සාකච්ඡා පැවැත්වීය.

25 May 2023

සජිත් කර්මාන්තකරුවන්ගේ දුක මැතිසබයට කියයි

මහා පරිමාණ ඇඟලුම් කර්මාන්ත මෙන්ම සුළු හා මධ්‍ය පරිමාණ කර්මාන්තකරුවන්ට රජය සහන නොසැලසීම නිසා ඒවා වැසී ගොස් ලක්ෂ සංඛ්‍යාත පිරිසකගේ රැකියා අහිමිවීමේ අවදානමක් මතුව ඇතැයි විපක්ෂ නායක සජිත් ප්‍රේමදාස මහතා පැවසීය.

25 May 2023

අධිකරණ තීන්දුවට පිටුපා පොලිසිය මාධ්‍යයට බාධා කරයි

ජනශක්ති රක්ෂණ සමූහ ව්‍යාපාරයේ අධ්‍යක්ෂ දිනේෂ් ෂාෆ්ටර් මහතාගේ දේහය ගොඩගැනීම විවෘතව සිදුකරන ලෙසට අධිකරණය දැනුම් දී තිබියදීත් පොලිසිය මාධ්‍යයට අවහිර කළ බව මාධ්‍යවේදීහු චෝදනා කරති.

25 May 2023

නැගෙනහිර , ඌව තැනින් තැනට වැස්ස

නැගෙනහිර සහ ඌව පළාත්වලට සවස් කාලයේ දී හෝ රාත්‍රී කාලයේ දී ස්ථාන කීපයක වැසි හෝ ගිගුරුම් සහිත වැසි ඇති වේ.

25 May 2023

අලි සබ්රි රහීම් ආණ්ඩුව ගැන කලකිරිලා

තමා අමාරුවේ වැටුණු වෙලාවේ ආණ්ඩුව තමා බේරා නොගත් නිසා ආණ්ඩුවට විරුද්ධව ඡන්දය ප්‍රකාශ කළ බව පුත්තලම දිස්ත්‍රික් මන්ත්‍රී අලි සබ්රි රහීම් මහතා පැවැසීය.

24 May 2023

පොසොන් දා මිහින්තලාවට විදුලිය නෑ

මෙවර පොසොන් ජාතික උත්සවය පැවැත්වෙන මිහින්තලා පුදබිමට විදුලි ආලෝකය ලබාදිය නොහැකි බව අනුරාධපුර විදුලි ඉංජිනේරු ධම්මික ජයවර්ධන මහතා පොසොන් කමිටු රැස්වීමේදී දැනුම් දුන්නේය.

24 May 2023

කසිප්පු සමග ඇල්ලූ කත හදිසියේ මිය යයි

පානදුර උතුර පොලිසිය අද රාත්‍රි අත්අඩංගුවට ගත් කාන්තාවක හදිසියේ අසනීපව මරණයට පත්ව ඇති බව පානදුර උසස් පොලිස් නිළධාරීයෙක් පොලිසිය පැවසීය.

24 May 2023

දෙමළ ජන සංහාර අනුස්මරණ ස්මාරකයට මුල්ගල් තබයි

කැනඩාවේ බ්‍රැම්ප්ටන් නගර සභාව විසින් දෙමළ ජන සංහාර අනුස්මරණ ස්මාරකයක් සෑදීම සඳහා කටයුතු ආරම්භ කර ඇත. ඊට මුල්ගල් තැබීම පසුගිය දා සිසුව තිබේ.

24 May 2023

සමාජ මාධ්‍ය අනුකරණය කළ සිසුවාට පොලිසියෙන් අවවාද

පාසල නිමවී නිවස බලා යන අතරේ වෑන් රථයකින් පිරිසක් පැහැර ගැනීමට තැත් කළ බවත්, ඔවුන්ගේ ගෙන් බේරී පලා ගිය බවත් නාරාහේන්පිට පොලිසියට අසත්‍ය පැමිණිල්ලක් කළ 11 හැවිරිදි පාසල් සිසුවාට අවවාද කර මාපින්ට බාර දුන් බව පොලිසිය කියයි.

24 May 2023

ලොව ධනවතාගේ වත්කම් හිටිහැටියේ පහළට

ලෝකයේ ධනවත්ම පුද්ගලයා ලෙස සැලකෙන බර්නාඩ් ආර්නෝල්ට්ගේ වත්කම දවසක් තුළ ඇමෙරිකානු ඩොලර් බිලියන 11.2 කින් අඩු වී ඇතැයි විදෙස් මාධ්‍ය පෙන්වා දී ඇත.

24 May 2023

පාසල් සිසුවියට කැත වැඩ කළ තරුණයෙක් මාට්ටු

12 හැවිරිදි දැරියක් රවටා පාසල් සිසුවියක රවටා ඥාතියකුගේ නිවසට රැගෙන ගොස් අපහරණය කර බන්ඩාරගම බස් නැවතුම්පොළ අසළ දමා ගිය 19 හැවිරිදි තරුණයකු සහ ඊට ආධාර අනුබල දුන් අඹු සැමි යුවළක් අත්අඩංගුවට ගත් බව බණ්ඩාරගම පොලීසිය කියයි.

24 May 2023

තීන්දු ගත යුත්තේ ජනතාව තේරුම් ගෙනයි

පාර්ලිමේන්තුව තීන්දු ගත යුත්තේ ජනතා උවමනාවන් තේරුම්ගෙන බව සමගි ජන බලවේගයේ මන්ත්‍රී ඉමිතියාස් බාකීර් මාකර් මහතා පාර්ලිමේන්තුවේදී පැවසීය.

24 May 2023

ඇස් කාච ඉස්සූ රෝහල් සේවකයා මාට්ටු

කොළඹ ප්‍රදේශයේ පිහිටි ප්‍රධාන පෙළේ පෞද්ගලික රෝහලක ශල්‍යාගාරයේ තිබූ ඇස් කාච දහයක් සොරාගෙන ගියේ යැයි කියන එම රෝහලේ ශල්‍යාගාර සහායකයකු සැකපිට අත්අඩංගුවට ගත් බව කොම්පඤ්ඤ වීදිය පොලීසිය පවසයි.

24 May 2023

ජනක රත්නායක කතා කරයි

තමා ධුරයෙන් ඉවත් කිරීමට කටයුතු කිරීමෙන් මහජනතාව වෙනුවෙන් කතා කරන නිලධාරීන්ට අත්වන ඉරණම පිළිබඳ සත්‍ය අවබෝධ කරගැනීමට ජනතාවට අවස්ථාවක් ලැබුණ බව මහජන උපයෝගිතා කොමිසමේ සභාපති ජනක රත්නායක මහතා ප්‍රකාශ කළේය.

24 May 2023

පොසොන් උළෙලට සල්ලි සොයන්න මහ සඟරුවන පිඬු සිඟා වඩිති

ජාතික පොසොන් උත්සවයට අවශ්‍ය මුදල් සොයාගැනීම සඳහා මිහින්තලා විහාරාධිපති වලවාහැංගුණවැවේ ධම්මරතන නා හිමියෝ පෙරටු කර ගත් මහා සංඝවහන්සේ අද මිහින්තලේ පොදු වෙළෙඳපොළේ පිඬුසිඟා වැඩියහ.

24 May 2023

‘‘ආණ්ඩුව ස්වාධීන කොමිසන් නැති කරනවා‘‘

මැතිවරණ කොමිසමට ඇඟිලි ගසමින් මැතිවරණ සියල්ලම කල් දැමූ ආණ්ඩුව මහජන උපයෝගීතා කොමිසමේ සභාපතිවරයාව ඉවත් කර ස්වාධීන කොමිෂන් සභා අකර්මණ්‍ය කරමින් ප්‍රජාතන්ත්‍ර විරෝධි දූෂිත වැඩපිළිවලක නිරත වන බව පාර්ලිමේන්තු මන්ත්‍රී අශෝක් අබේසිංහ මහතා කොළඹ දී ප්‍රකාශ කළේය.

24 May 2023

අලි සබ්රි රහීම් යෝජනාවට විරුද්ධ වෙයි

මහජන උපයෝගීතා කොමිසමේ සභාපති ජනක රත්නායක මහතා ඉවත් කිරීමේ යෝජනාවට විරුද්ධව පුත්තලම දිස්ත්‍රික් මන්ත්‍රී අලි සබ්රි රහීම් මහතා ඡන්දය පාවිච්චි කළේය. නීතිවිරෝධී ලෙස මෙරටට රත්තරන් කිලෝ තුන හමාරකට ආසන්න ප්‍රමාණයක් රැගෙන එද්දී අලි සබ්රි රහීම් මහතා ඊයේ රේගු අත්අඩංගුවට පත්වූ අතර ඊට අදාල දඩය ගෙවීමෙන් පසු අද පාර්ලිමේන්තුවට පැමිණ සිටියේය.

24 May 2023

ආණ්ඩුව ජනක පන්නයි

ශ්‍රී ලංකා මහජන උපයෝගීතා කොමිෂන් සභාවේ සභාපති ජනක රත්නායක මහතා එම තනතුරින් ඉවත් කිරීමේ යෝජනාව වැඩි ඡන්ද. 46 කින් පාර්ලිමේන්තුවේදී අද (24) සම්මතවිය.

24 May 2023

අරක්කු ආදායම පහළට

සුරාබදු ආදායම ඉකුත් මාර්තු මාසයේදී සියයට 40කින් පමණ පහළ බැස ඇති නමුත් කිසිසේත් අරක්කු මිල අඩුකිරීමේ තීන්දුවක් ගෙන නැතැයි මුදල් අමාත්‍යාංශය සඳහන් කරයි.

24 May 2023

ආර්ථික ගමනට ’’බකට්’’ පෙරලන අය ඉවත් කරනවා

රටෙි ආර්ථික ප්‍රතිසංස්කරණ කරනවා මෙන්ම දේශපාලන අරමුණු වලින් එම ප්‍රතිසංස්කරණ විරුද්ධ වන පුද්ගලයන් ද ඉවත් කිරීමට රජයට සිදුවෙන බව මුදල් රාජ්‍ය අමාත්‍ය ෂෙහාන් සේමසිංහ මහතා පාර්ලිමේන්තුවේ දී පැවසීය.

24 May 2023

ඡන්දෙට ආ රජයේ සේවකයන්ට යළිත් සේවයට ඉඩ දෙන්න

පළාත් පාලන මැතිවණයට ඉදිරිපත් වු රාජ්‍ය සේවකයින්ට නැවත තමන් රාජකාරී කළ ස්ථානවලම සේවයට වාර්තා කිරිමට ඉඩ දෙන ලෙස ඉල්ලමින් ශ්‍රී ලංකා නිදහස් පක්ෂය රාජ්‍ය පරිපාලන අමාත්‍යංශයට අද (24) සංදේශයක් භාර දුන්නේය.

24 May 2023