එසැණ පුවත්

පොලිසියෙන් පැන්න සැකකරුට වෙඩි

පොලිස් අත්අඩංගුවෙන් මිදි පලාගිය සැකකරුවෙකුට වෙඩි තබා මෙල්ල කිරීමෙන් පසු අත්අඩංගුවට ගෙන අද (18) අලුයම රෝහල් ගත කළ බව අම්පාර පොලීසිය කියයි.

අණ නොතැකූ රියේ ගමන් කළ වින්ග් කමාණ්ඩ‍ර් අත්අඩංගුවට

කුරුඳුවත්ත පොලිස් ස්ථානයේ නිලධාරීන් කණ්ඩායමක් රථ වාහන රාජකාරියේ යෙදීසිටියදී කොළඹ 07, විද්‍යාමාවත ප්‍රදේශයේදී පොලිස් අණ නොතකා පලා ගිය මෝටර්රථයක් පසුපස හඹා ගොස් නවතා පරීක්ෂා කිරීමට යාමේදී කුරුඳුවත්ත පොලිසි ස්ථානයේ පොලිස් කොස්තාපල් වරයෙකුට පහර දුන් බවකියන ගුවන් හමුදා වින්ග් කමාන්ඩර්වරයකු ඇතුළු දෙදෙනෙකු අත්අඩංගුවට ගත් බව කුරුඳුවත්ත පොලිසිය පවසයි.

විජයග්‍රහී සැමරුමට අද වසර 17යි

තිස්වසරක කුරිරු යුද්දය පරාජයට පත්කර අදට (18) වසර 17ක් සපිරේ.

ව්‍යාජ ඩොලර් -‘අයිස්‘ සමඟ පුද්ගලයෙක් අල්ලයි

ව්‍යාජ ඩොලර් නෝට්ටු ඇතුළු ව්‍යාජ මුදල් නෝට්ටු මුද්‍රණය කරමින් සිටි පුද්ගලයකු අයිස් මත්ද්‍රව්‍ය මිලිග්‍රෑම් 1,100 ක් සමඟ එඬේරමුල්ල ප්‍රදේශයේදී අත්අඩංගුවට ගත් බව පොලිස් විශේෂ කාර්ය බළකාය පවසයි.

ඉන්දීය මගී දුම්රියක ගින්නක්

ඉන්දියාවේ සීග්‍රගාමී මගී දුම්රියක ගින්නක් හට ගැනුණි. ගින්න හට ගැණුනේ අද (18) අලුයම 5.15 ට පමණ යැයි පැවැසෙයි.

ඇමෙරිකාව - ඊශ්‍රායලය ඉරානයට යළි ගහන්න මාන බලයි

ඇමෙරිකාව සහ ඊශ්‍රායලය නැවත වතාවක් ඉරානයට ප්‍රහාර එල්ල කිරීමට සූදානම් වන බවත් එම ප්‍රහාර මාලාව බොහෝ දුරට මෙම සතියේදී ආරම්භ වනු ඇති බවත් නිව්යෝර්ක් ටයිම්ස් පුවත්පත පසුගියදා වාර්තා කළේය.

කෝච්චිපාරේ ඇණ ගැලවූ තරුණයාත් ව්‍යාපාරිකයාත් රිමාන්ඩ්

දුම්රිය මාර්ගයේ යකඩ සොරාගෙන දුම්රිය පිළිපැනීමට සලස්වා රජයට පාඩුවක් හා මගීන් දස දෙනෙකුට බරපතල තුවාල සිදු කළ වනවාසල තරුණයා සහ යකඩ මිලට ගත් ව්‍යාපාරිකයා ලබන 29 දින තෙක් රක්ෂිත බන්ධනාගාර ගත කිරීමට කොළඹ අතිරේක මහේස්ත්‍රාත් නුවන් කෞශල්‍ය මහතා 17නියෝග කළේය.

බස්නාහිර ආණ්ඩුකාර ධුරයෙන් යන්න සූදානම්

තමා බස්නාහිර පළාත් ආණ්ඩුකාර ධුරයෙන් ඉල්ලා අස්වීමට කැමති බව ජනාධිපති අනුර කුමාර දිසානායක මහතාට දැනුම් දුන් බව බස්නාහිර පළාත් ආණ්ඩුකාර හනීෆ් යූසුෆ් මහතා පවසයි.

‘‘ඉබොලා ගැන අවධානයෙන් සිටිය යුතුයි‘‘

කොංගෝ ප්‍රජාතන්ත්‍රවාදී ජනරජයේ සහ උගන්ඩාවේ පැතිර යන ඉබෝලා වෛරස වසංගත තත්වය ජාත්‍යන්තර අවධානයට ලක්විය යුතු මහජන සෞඛ්‍ය හදිසි අවස්ථාවක් ලෙස සළකා කටයුතු කළ යුතු බව ලෝක සෞඛ්‍ය සංවිධානය පසුගියදා ප්‍රකාශ කළේය.

වත්කම් ප්‍රකාශ ජුනි 30ට පෙර ඉල්ලයි

මෙම වසරට අදාළ වත්කම් බැරකම් ප්‍රකාශ ලබන ජුනි මස 30 වැනිදාට පෙර බාර දෙන ලෙස අල්ලස් කොමිසම රාජ්‍ය නිලධාරීන්ට දැනුම් දී ඇත.

පොදු රද මඬුලු සෞඛ්‍ය සම්බන්ධීකරණ සමුළුවට සුව ඇමැති

ස්විට්සර්ලන්තයේ ජිනීවා හි මේ දිනවල පැවැත්වෙන 79වන ලෝක සෞඛ්‍ය සමුළුවට සමඟාමීව පොදු රාජ්‍ය මණ්ඩලීය රටවල සෞඛ්‍ය අමාත්‍යවරුන් සහ සෞඛ්‍ය ක්ෂේත්‍රයේ ඡේෂ්ඨ නිලධාරීන්ගේ සහභාගීත්වයෙන් පොදුරාජ්‍ය මණ්ඩලීය රටවල සෞඛ්‍ය සම්බන්ධීකරණ සමුළුව (Common Wealth Health Coordination Forum) පැවැත්විණි.

තරුණයින් දෙදෙනා දිය රකුසාට බිලි

කොස්ගම තාවල්ගොඩ ප්‍රදේශයේ සොරොව්වක දිය නාමින් සිටි තරුණයන් දෙදෙනෙක් දිය සුළියකට ගසාගෙන ගොස් මිය ගොස් ඇතැයි කොස්ගම පොලිසිය සඳහන් කරයි.

පක්ෂ විපක්ෂ මන්ත්‍රීවරියෝ ඉන්දියාවේ සංචාරයක

ශ්‍රී ලංකා පාර්ලිමේන්තු මන්ත්‍රීවරියෝ පිරිසක් ඉන්දියාවේ නිල සංචාරයක නිරත වී සිටිති.

රුධිර පිළිකා ලෙඩුන්ට කෝටි පහක ප්‍රතිකාර යන්ත්‍ර දානයක්

ලෙප්ටොස්පයිරෝසිස් සහ රුධිරගත පිළිකා රෝගී ප්‍රතිකාර සේවා සඳහා ප්‍රධාන වශයෙන් යොදා ගනු ලබන අතිනවීන රුධිර ප්ලස්මා හුවමාරු කිරීම සඳහා භාවිතා කරනු ලබන යන්ත්‍ර දෙකක් ප්‍රිමියම් ඉන්ටර්නැෂනල් පුද්ගලික සමාගම මඟින් සෞඛ්‍ය සේවා පද්ධතියට එක් කිරීම සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස මහතාට පරිත්‍යාග කළේය.

මේ සතියේ අප කොමිසමට යන්න පටන් ගන්නවා

ගල් අඟුරු කොමිසමට යන්න සියලු ලියකියවිලි සූදානම් කරමින් සිටින බව සමගි ජන බලවේගයේ මැද කොළඹ ප්‍රධාන සංවිධායක පාර්ලිමේන්තු මන්ත්‍රී මුජිබුර් රහුමාන් මහතා පැවසීය.

ජනතාව ආණ්ඩුවට බනින්නේ ආදරේට

නිධන් හෑරු 7ක් අල්ලයි

සියබලාගහගම ප්‍රදේශයේ පුද්ගලික ඉඩමක නිදන් හාරමින් සිටි ජාතික ජල සම්පාදන මණ්ඩලයේ සේවකයන් දෙදෙනෙකු ඇතුළු පුද්ගලයන් හත් දෙනෙකු අත්අඩංගුවට ගත්බව ගාලදිවුල්වැව පොලිසිය පැවසිය.

වංචනික ගනුදෙනුවක් ගැන ශ්‍රී ලංකන් ගුවන් සේවයෙන් නිවේදනයක්

එක්සත් අරාබි එමීර් රාජ්‍යයේ සේවා සම්පාදකයෙකුගේ ඊමේල් ගිණුමක් බාහිර බලපෑමකට ලක් වීම හේතුවෙන් වංචනික ගනුදෙනුවක් සිදුවීම සහ ඉන්දියාවේදී සිදු වූ මුදල් වංචාව නිසා සිදු වූ අලාභය පියවා ගැනීමට අවශ්‍ය පියවර ගැනීමට නියමිත බව ශ්‍රී ලංකන් ගුවන් සේවය නිවේදනයක් නිකුත් කරමින් පවසයි.

සරසවි සිසුව‍ා මෝටර් රථයට බිලි

බණ්ඩාරවෙල බදුල්ල මාර්ගයේ ත්‍රීමයිල් ප්‍රදේශයේදි සරසවි සිසුවෙකු පැදවූ යතුරුපැදියක් මෝටර් රථයක ගැටීමෙන් රුහුණු විශ්ව විද්‍යාලයේ ඉංජිනේරු පීඨයේ සිසුවෙකු මියගොස් තවත් සරසවි සිසුවෙකු බරපතළ තුවාල ලබා ඊයෙ (16) රාත්‍රි දියතලාව මූලික රෝහලට ඇතුළත් කළ බව බණ්ඩාරවෙල පොලිසිය පවසයි .

දුම්කොලේට එරෙහිව ලොකු එකතුවක්

දුම්කොළ භාවිතය හා දුම්පානය නැවැත්වීමේ ක්‍රියාමාර්ග ඉදිරියට ගෙන යාමට ශ්‍රී ලංකා විශ්ව විද්‍යාල සහ ගෝලීය සෞඛ්‍ය සංවිධාන එක් වී තිබේ.

රටේම ගැබිනි මවුවරුන්ගේ රුධිර පරීක්ෂාවක්

හෙපටයිටීස් - බී (Hepatitis -B) රෝගය තිබේදැයි පරීක්ෂා කිරීම ඇතුළු ගැබිණි මව්වරුන්ගේ රුධිරය පරීක්ෂා කිරීමේ ත්‍රිත්ව (Triple Eliminayion) තුරන් කිරීමේ වැඩසටහනක් ජුනි පළමුවැනිදා සිට ශ්‍රී ලංකාවම ආවරණයවන පරිදි ක්‍රියාත්මක කරන බව සෞඛ්‍ය අමාත්‍යාංශය පවසයි.

මුදල් කොල්ලකෑ බව කියන පොලීසියේ දෙන්නෙක් අත්අඩංගුවට

රත්මලාන ගුවන්තොටුපළ මාර්ගයේදී ධාවනය වෙමින් තිබූ ත්‍රිරෝද රථයක් නවතා එහි රියදුරු සන්තකයේ තිබූ රුපියල් 380,000ක මුදලක් කොල්ලකෑ බව කියන ගල්කිස්ස මූලස්ථාන පොලිසියේ කොස්තාපල්වරුන් දෙදෙනෙකු අත්අඩංගුවට ගත් බව ගල්කිස්ස කොට්ඨාස අපරාධ විමර්ශන කාර්යාංශය සඳහන් කරයි.

අඩුවට කාර් දෙන්න ආපු ආණ්ඩුව අමතර බද්දකුත් දාලා

විට්ස් කාර් එකක් ලක්ෂ 12කට ලබා දෙන බවට වත්මන් රජයේ මැති ඇමතිවරුන් පසුගිය මැතිවරණ සමයේ පොරොන්දු වුවත් අද වන විට වාහන මත අමතර 50%ක බද්දක් පැනවීමට කටයුතු කර ඇති බව විපක්ෂ නායක සජිත් ප්‍රේමදාස මහතා පැවැසීය.

අඩු පීඩන තත්වය දැක් ක්‍රමයෙන් දුර්වල වේ

ශ්‍රී ලංකාවට උතුරු දෙසින් පිහිටා ඇති අඩු පීඩන කලාපය ක්‍රමයෙන් දුර්වල වෙමින් පවතින බව කාලගුණ විද්‍යා දෙපාර්තමේන්තුව පවසයි.

මල්වානේ නිවාස සිද්ධියට දෙදෙනෙක් පොලිසි යති

හිටපු අමාත්‍ය බැසිල් රාජපක්ෂ මහතාට අයත් බවට රාවයක් තිබූ දොම්පේ මල්වාන පිහිටි අක්කර 16 කින් යුත් ඉඩමට බලහත්කාරයෙන් ඇතුලු වී එහි ඉදිකර තිබූ නිවසෙහි මේ වන විට පදිංචිව සිටින අන්තර් විශ්ව විද්‍යාලයීය ශිෂ්‍ය බල මණ්ඩලයේ සිසුන් එම නිවසින් ඉවත් කර පොදු දේපලකට හානි සිදු කිරීමේ චෝදනාව යටතේ එම සිසුන් අත්අඩංගුවට ගන්නා ලෙසය නව ජනතා පෙරමුණ විසින් අද (16) දින දොම්පේ පොලිසිය වෙත පැමිණිල්ලක් සිදු කරන ලදී.

වනවාසල දුම්රිය පාරේ ඇණ ගැලවූ තරුණයා මාට්ටු

කැළණිය වනවාසල දුම්රිය මාර්ගයේ ඇණ ගලවා දුම්රියක් පීලි පැනීමට ලක්කර අනතුරට ලක් කිරීමේ සිද්ධියේ ප්‍රධාන සැකකරු වනවාසල ප්‍රදේශයේදී අත්අඩංගුවට ගත් බව පෑලියගොඩ මූලස්ථාන පොලිසියේ වැඩ බලන ස්ථානාධිපති ප්‍රධාන පොලිස් පරික්ෂක මංගල අජිත් මහතා පැවසීය.

මහින්දගේ ආරක්ෂාව ලොකු අනතුරක

හිටපු ජනාධිපති මහින්ද රාජපක්ෂ මහතාගේ ආරක්ෂාව දැඩි අනතුරක පවතින බවත් ඔහුට කිසියම් හෝ අනතුරක් සිදුවුවහොත් එහි වගකීම රජය බාරගත යුතු බවත් හිටපු ජනාධිපතිවරයාගේ මාධ්‍ය ප්‍රකාශක නීතිඥ මනෝජ් ගමගේ මහතා පැවසීය.

වනවාසල දුම්රිය අනතුරට හේතුව හෙළිවෙයි

අද උදෑසන වනවාසල ප්‍රදේශයේදී දුම්රියක් පීලි පැනීමට හේතුව කිසියම් අයකු දුම්රිය මාර්ගයේ පීලි මාරු වන ස්ථානයේ යකඩ කොටසක් ගලවාගෙන යෑම බව මූලික විමර්ශනවලදී තොරතුරු අනාවරණය වී ඇත