එසැණ පුවත්

පාසල් සිසුන්ට මහ බැංකුවෙන් පුහුණුවක්

ලබන වසරේ සිට ශ්‍රී ලංකා මහ බැංකුවේ පූර්ණ සහාය ඇතිව වාර්ෂික මහබැංකු වාර්තා පාසල්වල සාකච්ඡා කෙරෙන වැඩසටහනක් ක්‍රියාත්මක කරන බව ජනාධිපති රනිල් වික්‍රමසිංහ මහතා පැවසීය.

31 August 2023

කොළඹ උද්ධමනය සියයට 4 ට බසී

කොළඹ නාගරික ප්‍රජාවගේ උද්ධමනය මෙම මස (අගෝස්තු) සියයට 4 ක් දක්වා පහත වැටී ඇති බවත් කොළඹ නාගරික ප්‍රජාවගේ උද්ධමනය ජූලි මාසය සියයට 6.3 ක පැවතුණු බවත් ජනලේඛන හා සංඛ්‍යාලේඛන දෙපාර්තමේන්තුව පවසයි.

31 August 2023

රජය තොරතුරු පනතේ නියාමනයට පිටුපාලා - වෙරිටේ

පසුගිය වසරේ සහ මෙම වසරේ ක්‍රියාත්මක වූ රුපියල් ට්‍රිලියන 3 ආසන්න වටිනාකමින් යුත් ව්‍යාපෘති 83 ක ප්‍රසිද්ධ කළ යුතු තොරතුරුවලින් වැඩි ප්‍රමාණය රජය විසින් ප්‍රසිද්ධ කර නොමැති බව වෙරිටේ රිසර්ච් ආයතනය පවසයි.

31 August 2023

හොරෙන් ගෙනා ජිප් විකුණන්න බැරි වෙලා

කුරුණෑගල කෝටිපති ව්‍යාපාකයකු විදේශ රටවලින් නීති විරෝධී ලෙස මෙරටට ගෙන්වා කහතුඩුව ප්‍රදේශයේ නිවසක සඟවා වටිනා සුඛෝපභෝගී ජිප් රථ දෙකක් පානදුර වලාන දුෂණ මර්දන ඒකකය අද (31) අත්අඩංගුවට ගත් බව පොලිසිය කියයි.

31 August 2023

වගා හානි නහුතෙට නගී

නියඟය නිසා වී හා අතිරේක බෝග වගා හානි කුඹුරු අක්කර ප්‍රමාණය 59,073. 98ක් දක්වා ඉහළ ගොස් ඇතැයි කෘෂිකර්ම අමාත්‍යාංශය පවසයි.එයින් හානි සිදුවී ඇති ගොවීන් ප්‍රමාණය 54,152කි.

31 August 2023

කොරළවැල්ලේදී දුම්රියක් ගිනිගනී

වෙරළබඩ දුම්රිය මාර්ගයේ කොරළවැල්ල දුම්රිය ස්ථානයේදී අද (31) පස්වරුවේ බඩු දුම්රියක එන්ජිම ගිනිගෙන සිදුවීමට ගිය විනාශයක් එහි නියාමකවරයා ක්‍ෂණිකව ක්‍රියාත්මක වී නිවාදැමීමෙන් වැගකී ඇති බව වාර්තා වේ.

31 August 2023

ප්‍රභූ රකින්න ඇවිත් පවුලක්ම කුසගින්නේ තියලා

රටේ ඉහළම ප්‍රභූවරයකු ගමන් ගන්නා මාර්ගයක පෙරමඟට කොස්ගෙඩියක් ද කරේ තබාගෙන ආ පියකු සහ කුඩා දරුවකු එම ප්‍රභූවරයා යන තෙක් අතුරුමාර්ගය රඳවා ගත් පුවතක් ගම්පොළ වාරියගල ප්‍රදේශයෙන් වාර්තා වේ.

31 August 2023

විශේෂ කටයුතු සඳහා වාහන 6900 ක් ගෙන්වයි

වාහන ආනයනය තහනම තිබියදී විශේෂ කටයුතු සඳහා වාහන 6900 ක් ගෙන්වීමට අවසර දුන් බව මුදල් රාජ්‍ය අමාත්‍ය රංජිත් සියඹලාපිටිය මහතා පැවසීය.

31 August 2023

හෙට සිට ගාලු පාරේ වාහනවලට සීමාවක්

සීනිගම දේවාලයේ මහා පෙරහර හේතුවෙන් හෙට (1) සිට ලබන 4 වැනිදා දක්වා ගාලු පාරේ රථවාහන ධාවනය සීමා කරන බවත් එම දිනවල විකල්ප මාර්ග භාවිතා කළ යුතු බවත් පොලිස් දෙපාර්තමේන්තුව පවසයි.

31 August 2023

මොරටුව - පිටකොටුව බස් වර්ජනයක්

මොරටුව - පිටකොටුව මාර්ග අංක 100 පෞද්ගලික බස් රථ වර්ජනයක් ආරම්භ කර ඇතැයි බස්නාහිර පළාත් මාර්ගස්ථ මගී ප්‍රවාහන අධිකාරිය පැවසීය.

31 August 2023

‍පනත් කෙටුම්පත් තුනකට පණ දෙයි

පසුගිය කාලය තුළ පාර්ලිමේන්තුවේදී සම්මත කරන ලද පනත් කෙටුම්පත් කිහිපයකට කථානායක මහින්ද යාපා අබේවර්ධන මහතා සිය සහතිකය සටහන් කළේය.

31 August 2023

‘ජනාධිපතිවරණයට රනිල් ආවොත් සජිත් එන්නේ නෑ

රනිල් වික්‍රමසිංහ ජනාධිපතිවරණයට ඉදිරිපත් වෙනවා නම් විපක්ෂ නායක සජිත් ප්‍රේමදාස මහතා ඊට ඉදිරිපත් නොවන බව තමා කැට තබා පවසන්නේ යැයි එක්සත් ජාතික පක්ෂ මහලේකම් පාලිත රංගේ බණ්ඩාර මහතා කීය.

31 August 2023

හොර යතුරු පැදියෙන් හොරකම් රැසක් එළියට

ව්‍යාජ අංක තහඩු සහිත යතුරු පැදියක් ලඟ තබා ගැනීමේ සිද්ධියක් සම්බන්ධයෙන් සිදු කළ වැඩි දුර විමර්ශනයකදී සොරකම් කරන ලද තවත් යතුරු පැදියක් සහ යතුරු පැදි 9ක අංක තහඩු තොගයක් සමග සැකකරුවකු අත්අඩංගුවට ගත් බව නොච්චියාගම පොලීසිය පවසයි.

31 August 2023

අරක්කු බෝතල්වලට ජිල්මාට් දාන සමාගම්වල බලපත් තහනම්

ව්‍යාජ ආරක්ෂිත ස්ටිකර් සහිත මත්පැන් බෝතල් වෙළෙදපොලේ පවතින අතර ඒවා නීතියේ රැහැනට හසුකර ගැනීමෙන් පසුව එම මත්පැන් නිෂ්පාදන සමාගම්වල බලපත්‍ර තහනම් කරන බව සුරාබදු කොමසාරිස් ජනරාල් සමන් ජයසිංහ මහතා පැවැසීය.

31 August 2023

වන නිලධාරියාට පාට් දමා ගස් කැපු සැරයන් අත්අඩංගුවට

හැටන් වතුයායක ක්ෂේත්‍ර නිලධාරියෙකුට පහර දී එම වතුයායේ තිබු ටර්පන් ටයින් ගස් 6 ක් කපා සොරකම් කිරීම සම්බන්ධයෙන් ඩයගම පොලිසියට අනුයුක්තව නුවරඑළිය පොලිස් අධිකාරී කාර්යාලය සේවය කරමින් සිටී සිටි පොලිස් සැරයන් වරයකු වූ අත්අඩංගුවට ගත් බව හැටන් පොලීසිය පවසයි.

31 August 2023

දරුවන් රැගෙන යාමට ආ තාත්තාට අම්බලන්ගොඩදී වෙඩි

අම්බලන්ගොඩ නගර මධ්‍යයේ ප්‍රධාන පාසලකට සිය දරුවන් රැගෙන යාමට පැමිණ සිටි අයකුට නාදුනන තුවක්කුකරුවන් අද (31) දහවල් තැබූ වෙඩි පහරකින් ඔහු බරපතල තුවාල ලබා රෝහල් ගත කළ බව අම්බලන්ගොඩ පොලීසිය කියයි.

31 August 2023

උණ්ඩ ප්‍රවාහනය කළ කෝප්‍රල්- සාජන් මේජර් මාට්ටු

විවිධ ගිනි අවි වලට යොදන උණ්ඩ සහ හිස් පතුරම් කොපු ත්‍රිරෝද රථයකින් ප්‍රවාහනය කරමින් සිටි යුද හමුදා සාමාජිකයන් දෙදෙනෙකු ඇතුළු තිදෙනකු අකුරණ නගරයේ දී අත්අඩංගුවට ගත් බව අලවතුගොඩ පොලිසිය පවසයි.

31 August 2023

ඌරන්ට ඇටවූ විදුලි රැහැනට මව බිලි:පුතා දියණිය රෝහලේ

නාගොල්ලාගම තිඹිරිවැව ප්‍රදේශයේ ගෙවත්තක වල් ඌරන් දඩයම් කිරීම සඳහා නීති විරෝධී ලෙස ඇඳ තිබූවිදුලි රැහැනක පැටලී මවක් මියගොස් මිය ගොස් ඇයගේ දියණිය හා පුතාටද විදුලි සැර වැදී ඇති බව කළ කුරුණෑගල, තලමල්ගම පොලීසිය පවසයි.

31 August 2023

රටින් පැන්න වෙඩික්කරු යළි ගෙන්වා ගනී

බත්තරමුල්ල දකුණු තලංගම කොරාව ප්‍රදේශයේ දී පුද්ගලයෙකුට වෙඩි තබා ඝාතනය කර මෙරටින් සිංගප්පූරුවට පලා ගිය සැකකරුවෙකු නැවත ගෙන්වාගෙන කටුනායක ගුවන් තොටුපලදී අත් අඩංගුවට ගත් බව අතුරුගිරිය පොලිසිය පවසයි.

31 August 2023

සිනොපෙක් මත්තේගොඩින් අරඹයි

රජය චීනයේ සිනොපෙක් ආයතනය සමඟ ගිවිසුම් ගත වීමෙන් අනතුරුව මෙරට ආරම්භ කළ පළමු ඉන්ධන පිරවුම්හල මත්තේගොඩ C & A ඉන්ධන පිරවුම්හල සිනොපෙක් නමින් සිය සේවා කටයුතු ආරම්භ කළ බව එහි හිමිකරු චන්දිම නාලක කපුරුගේ මහතා පැවසීය.

31 August 2023

පකිස්තාන- නේපාල ක්‍රිකට් කණ්ඩායම් කටුනායකට

ආසියානු ක්‍රිකට් තරගාවලියට සහභාගී වීම සදහා පකිස්තාන සහ නේපාල ක්‍රිකට් කණ්ඩායම් දෙක අද(31) උදෑසන කටුනායක ගුවන් තොටුපොළට පැමිණියහ .

31 August 2023

හලාවත -මීගමුව පෞද්ගලික බස් වර්ජනය අවසන්

මාර්ග අංක 907 හලාවත මීගමුව පෞද්ගලික බස් රථ සේවකයින් ආරම්භ කර තිබූ වර්ජනය අවසන්කි රීමට සීමාසහිත හලාවත මගී ප්‍රවාහන සමාගම තීරණය කර තිබේ.

31 August 2023

ඊශ්‍රායල් තරුණියට කැත වැඩක් කළ තෙරපිවරයා අත්අඩංගුට

සංචාරයක් සඳහා පැමිණ සිටි ඊශ්‍රායල් ජාතික අවුරුදු විසි තුනක් වයසැති තරුණියකට පොතුවිල් සංචාරක කලාපයේ සම්භාහන මධ්‍යස්ථානයක් තුළදී සම්බාහනය කරන මුවාවෙන් ලිංගික අතවරයක් කළේ යැයි කියන එම සම්බාහනය සිදුකළ පුද්ගලයා පොතුවිල් පොලිසිය විසින් සැකපිට අත්අඩංගුවට ගෙන ඇත.

31 August 2023

​සැක ලොරියෙන් උණ්ඩ හමු වේ

විවිධ ගිනි අවිවලට භාවිතා කරන ජීව උණ්ඩ 11 ක් සහ හිස් උණ්ඩ කොපු පහක් සමඟ සැකකරුන් තිදෙනකු අලවතුගොඩ දී අත්අඩංගුවට ගත් බව අකුරණ පොලිසිය කියයි.

31 August 2023

දරුවා ඇපයට ගෙන පවුම් 12 පැහැර ගනි

යාපනය මාණිප්පායි සන්දිලිප්පායි ප්‍රදේශයේදී නිවසකට ඇතුලු වූ කොල්ල කල්ලියක් කුඩා දරුවකු ප්‍රාණ ඇපයට තබා රණ් පවුම් 12ක් කොල්ල කා පළා ගොස් ඇතැයි පොලීසිය පවසයි.

31 August 2023

අලි පාසලට එති: ළමයි ගෙදර යති

ආරච්චිකට්ටුව, කුරුක්කුලිය ප්‍රදේශයට හය දෙනෙකුගෙන් පමණ සමන්විත වල් අලි රංචුවක් අද (31) උදෑසන පැමිණීම නිසා කුරුක්කුලිය මහා විද්‍යාලය තාවකාලිකව වසා දැමූ බව ආරච්චිකට්ටුව පොලීසිය පවසයි.

31 August 2023

අල්ලස් ගත් කොස්තාපල්-සැරයන් මාට්ටු

රථවාහන වරදක් සම්බන්ධයෙන් නීති මගින් කටයුතු නොකිරීමට රුපියල් 15,000ක මුදලක් අල්ලස් වශයෙන් ලබා ගත්තේ යැයි කියන යාපනය, මල්ලාවි පොලිසියේ පොලිස් කොස්තාපල්වරයෙකු සහ ඊට ආධාර අනුබල දුන්නේයැයි කියන පොලිස් සැරයන් වරයකු සැකපිට අත්අඩංගුවට ගත් බව අල්ලස් හෝ දූෂණ විමර්ශන කොමිසම පවසයි.

31 August 2023

ඉදිරි දිනවල වැසි තත්වයේ වර්ධනයක්

දිවයිනේ නිරිත දිග කොටසේ පවතින වැසි තත්වව සැප්තැම්බර් 01, 02, ස්හ 03 දිනවල තවදුරටත් වැඩි වීමේ හැකියාවක් පවතින බව කාලගුණ විද්‍යා දෙපාර්තමේන්තුව කියයි.

31 August 2023