(ඉන්දිකා  රාමනායක)

පිස්තෝලයක් සමග පැදියකින් ගමන් කරමින් සිටි සංවිධානාත්මක  අපරාධ කරුවෙකු වන "ආමි සුරංග" නැමැත්තා සහ ඔහුගේ ගෝලයකු මුල්ලේරියාව වල්පොල ප්‍රදේශයේ දී ඊයේ (27) රාත්‍රියේ අත්අඩංගුවට ගත් බව මුල්ලේරියාව පොලිසිය පවසයි.

සැකකරු  කිසියම් අපරාධයක් සඳහා යමින් සිටියදී ලද තොරතුරු මත රාත්‍රි 8.30 ට පමණ මෙලෙස අත්අඩංගුවට ගෙන ඇත.

ගිනි අවියක් ළඟ තබා ගැනීම සම්බන්ධයෙන් 2020 වසරේ දී ආමි සුරංග නැමැත්තා පෑලියගොඩ අපරාධ කොට්ඨාශය මගින් අත්අඩංගුවට ගෙන ඇත, ව්‍යාජ පොලිස් හැදුනුම් පතක් සකස්කර   භාවිතා කිරීම සම්බන්ධයෙන් 2018 වසරේ කොට්ඨාශ අපරාධ විමර්ශන අංශය විසින් අත්අඩංගුවට ගෙන ඇත, 2014 වසරේ ජනාධිපතිවරණ සමයේ වැල්ලම්පිටිය උමගිලිය ක්‍රීඩාංගණයේ පැවැති  මෛත්‍රීපාල සිරිසේන මහතාගේ මැතිවරණ වේදිකාවට වෙඩි තැබීමේ සිද්ධිය සම්බන්ධයෙන් ද මොහුට චෝදනා එල්ල වන බව පොලිසිය කියයි 

සැකකරු අද(28) අධිකරණයට  ඉදිරිපත් කිරීමට නියමිතයි.