IMG-LOGO

2024 ජුලි මස 15 වන සඳුදා


වරප්‍රසාදවලට මුවාවී ඇමැති උසාවිය හෑල්ලු කරනවා

(විමුක්ති එස්. රුද්‍රිගු සහ ඩී.ජි.සුගතපාල)

පාර්ලිමේන්තුවේ පසුගිය 19 වැනිදා පැවැති විවාදයක් අතරතුරදී අධිකරණ අමාත්‍ය ආචාර්ය විජයදාස රාජපක්ෂ මහතා පාර්ලිමේන්තු වරප්‍රසාදවලට මුවාවී අධිකරණ පද්ධතිය විවේචනයට ලක් කරමින් ඉදිරිපත් කරන ලද වගකීම් විරහිත ප්‍රකාශවලින් අධිකරණයේ ස්වාධීනත්වය ප්‍රසිද්ධියේ අභියෝගයට ලක්වී ඇතැයි ශ්‍රී ලංකා අධිකරණ සේවා සංගමය නිවේදනයක් නිකුත් කරමින් ප්‍රකාශ කළේය.

එම විවේචන අසත්‍යයෙන් සත්‍ය වෙන්කර නොගෙන අමාත්‍යවරයාගේ දේශපාලන පැවැත්ම අභියෝගයට ලක්කර ඇති නඩුකරවලදී අදාළ අධිකරණය නීත්‍යානුකූලව ලබාදුන් තීන්දු සහ නියෝගවලින් අතෘප්තියට පත්වීම මත සැලසුම් සහගතව සිදු කරන ලද්දක් බව අධිකරණ සේවා සංගමය පැවැසුවේය.

සම්ප්‍රදායයිකව අධිකරණ අමාත්‍යවරයා අධිකරණයේ ගෞරවය ආරක්ෂා කරන පුද්ගලයා බවත් ඔහු අධිකරණය ඉදිරියේ විනිශ්චයට භාජනය වී ඇති නඩුවක පාර්ශ්වකරුවකු වී එහි තීරණයෙන් අතෘප්තියට පත්වීම හේතුවෙන් පාර්ලිමේන්තු සභාව තුළදී අධිකරණ පද්ධතිය හෑල්ලුවන ප්‍රකාශ සිදු කිරීමෙන් ව්‍යවස්ථාදායක හා අධිකරණය අතර අනවශ්‍ය ගැටුමක් ඇති කිරීමට හේතුවිය හැකි බවත් එවැනි තත්වයන් කොන්දේසි විරහිතව පරාජය කළ යුතු බවත් අධිකරණ සේවා සංගමය ප්‍රකාශ කළේය.

අපක්ෂපාති විනිශ්චයකාරවරුන් අපකීර්තියට පත් කිරීම සඳහා නිශ්චිත ඉලක්කගත ව්‍යාපෘතියක් කොටස් වශයෙන් දිග හැරෙමින් පවතින බව සිය සංගමයට නිරීක්ෂණය වී ඇති බවත් එහිදී කොළඹ හිටපු ප්‍රධාන මහේස්ත්‍රාත්වරයා සහ ගල්කිස්ස හිටපු මහේස්ත්‍රාත්වරයා ඉලක්ක කර ඇති බවට අනාවරණය වී ඇති බවත් පසුගිය මැයි 7 වැනිදා ලිඛිතව අධිකරණ සේවා කොමිෂන් සභාවට වාර්තා කළ බව ශ්‍රී ලංකා අධිකරණ සේවා සංගමය ප්‍රකාශ කළේය.

අධිකරණ පද්ධතියේ යහ පැවැත්ම උදෙසා වැදගත් තීරණ ගනු ලබන විනිශ්චයකාරවරුන් ස්ථාන මාරු වී ගිය පසු ඔවුන්ට පෞද්ගලිකව අපකීර්තියක් ඇතිවන මතවාද නිර්මාණය කිරීම එහි එක් පියවරක් වශයෙන් සිදුවෙමින් පවතින බව අධිකරණ සේවා සංගමය පැවැසුවේය.

එහි අවසාන අරමුණ විනිශ්චයකාරවරුන් නිර්භීතව සහ අපක්ෂපාතීව අධිකරණවේ ස්වාධීනත්වය වෙනුවෙන් බලවත් ලෙස පෙනී සිටීම වළක්වා බාහිර බලවේගවලට අවශ්‍ය ආකාරයට මෙහෙයවිය හැකි දුර්වල තත්වයකට පත් කිරීම බව ද අධිකරණ සේවා සංගමය ප්‍රකාශ කළේය.

අධිකරණ සේවා සංගමය දිසා විනිශ්චයකාරවරුන්ගෙන් හා මහේස්ත්‍රාත්වරුන්ගෙන් සමන්විත වේ.

 



අදහස් (9)

වරප්‍රසාදවලට මුවාවී ඇමැති උසාවිය හෑල්ලු කරනවා

චන්දිම Monday, 24 June 2024 10:56 PM

දේසපාලනයට මහරගම පැත්තේ ඉඳලා මුලින්ම එනකොට කවුරුත් රැවටුනේ හරි අවංක ප්‍රතිපත්ති ගරුක පුද්ගලයා කියලා. ටික ටික යනකොට තමයි පෙනුනේ කොකාගේ පාට මොකද්ද කියලා. වාසි පැත්තට පනිනවා නෙමෙයි හෙමිහිට හින් නුලෙන් මාරුවෙනවා, හරි උගතා නිතිය පරතෙරට දන්න සාන්තුවරයා වගේ තමයි කථා පොජ්ජ දාන්නේ. කරන තරමක් කරන්නේ මිනිස්සුන්ට මොන හෙන ගෙඩිය පාත් වුනත් තමන්ගේ එදාට එදාට ඉන්න බොස්ලට උවමනා විදියට එක එක නීති පනත් හදලා දෙන එක.

:       2       1

අරවින්ද මොනරවිල Tuesday, 25 June 2024 01:43 AM

දූෂිතයන්ට අපරාධකරුවන්ට හා සල්ලාලයන්ට නීතියේ ආධිපත්‍යය හො ප්‍රජාතන්ත්‍රවාදය රකින්න සැබෑ උවමනාවන් හො කැමැත්තක් නැහැ. රටේ ජනතාව රවටන්න ප්‍රජාතන්ත්‍රවාදය හා නීතියේ ආධිපත්‍යය සුරකිනවා යයි බෙරිහන් දුන්නාට තමන්ට හා තමන්ගේ අමන මුග්ධ ක්‍රියාවන්ට නීතිය හරස්වෙන විට නීතිය කරවන ආයාතන වලට හා පුද්ගලයන්ට විරුද්ධව අවි අමෝරා ගන්න කිසිම පැකිලීමකින් හෝ බියක් දක්වන්නේ නැහැ.

:       2       1

නිලුපුලී ලංකාපුර Tuesday, 25 June 2024 02:02 AM

විශිෂ්ඨ මාධ්‍ය ප්‍රතිචාරයක්

:       2       1

Johe Austin Tuesday, 25 June 2024 06:12 AM

මට නම් අධිකරණ ඇමැති පාර්ලිමේන්තුවේ ප්‍රකාශයේ කිසිදු වරදක් දෑක්කෙ නෑ. විනිසුරුවන් ස්වභාවික නිතියේ මුලධර්ම දැන ගන්න ඕනි. එයාට බෑ නිති උපදෙශ දෙන්න නඩු අහන ගමන්. තමන් කලින් වෑඩ කල උසාවියේ බඩු නෑති වෙලා නම් අපිද වග කියන ඔනි. හරියට බාරදිම් බාර ගෑනිම් වෙන්න ඔනි. හොරෙන් විදුලිය අරන් නම් අපි වගෙ සිවිල් අයට දෙන දඩුවම මොකද්ද ? නිකන් බබාල වෙන්න එපා. නිතියට අනුව වෑඩ කරන්න

:       1       7

Lalla Tuesday, 25 June 2024 07:38 AM

එතකොට අනිත් කරුණු? මහේස්ත්‍රාත්වරු හොරකම් කරපු කථා. එක්තරා ප්‍රසිද්ධ නීතිඥවරයකු ගැන සහ සමහර නඩු තීන්දු කලින් දැනගත හැකිය කියලා. ඒවත් ප්‍රතික්ෂේප කරනවද?

:       0       4

dasun Tuesday, 25 June 2024 08:50 AM

100% ක් එකඟයි.. විජයදාස එම ප්‍රකාශය කිසිදු පදනමක් නැති ප්‍රකාශයක් බව පේනවා. ව්‍යවස්ථාදායක අධිකකරණය විවේචනය කිරිම පාර්ලිමේන්තු වරප්‍රසාද වලින් වහාම ඉවත් කළ යුතුයි. කොළඹ මහේස්ත්‍රාත් අධිකරණය නීතිඥ සංගමය මේ සම්බන්ධයෙන් ඊයේ විශේෂ රැස්වීමක් පැවැත්වුවා.

:       5       2

John Austin Tuesday, 25 June 2024 01:39 PM

මට නම් අධිකරණ ඇමැති පාර්ලිමේන්තුව ප්‍රකාශයේ කිසිදු වරදක් දැක්කෙ නෑ. විනිසුරුවන් ස්වභාවික නිතියේ මුලධර්ම දැනගන්න ඕනෑ. එයාට බෑ නිති උපදේශ දෙන්න නඩු අහන ගමන්. තමන් කලින් වැඩ කළ උසාවියේ බඩු නැති වෙලා නම් අපිද වග කියන ඕනි. හරියට බාරදිම් බාර ගැනීම් වෙන්න ඕනෑ. හොරෙන් විදුලිය අරන් නම් අපි වගේ සිවිල් අයට දෙන දඩුවම මොකද්ද ? නිතියට අනුව වැඩ කරන්න

:       0       6

swene Tuesday, 25 June 2024 12:11 PM

ඇමැති විතරක් නෙවෙයි, ජනාධිපතිත් ආණ්ඩුවේ ඇතැම් මන්ත්‍රී ගොල්ලොත් කරන්නේ ඒකම නේද ?

:       0       6

රෝයි ෆෙඩ්රික්ස් Tuesday, 25 June 2024 01:35 PM

මේ වගේ කාලකන්ණි රට පාලනය කරවන්න පත්කර යැවු අයට වැහි නැති හෙන ගහන්න ඕනේ . මේ ජූතකයා ඕනෑම භූතයෙක් යටතේ ඇමැතිකම් කරනවා. ඕනෑම වේලාවක එහාට පනිනවා ,මෙහාට පනිනවා.කාණුකට ඇරලා අරයට මෙයාට අපහාස කරනවා ,කාට හරි කියන්න පුලුවන්ද කිසිම පලදායී වැඩක් කළා කියලා .

:       4       4

ඔබේ අදහස් එවන්න

එසැණ පුවත්

එන්නතක් විසවී දරුවන් 11කට අසාධ්‍යයි
2024 ජුලි මස 15 501 0

පාසල් දරුවන් පිරිසකට මිහින්තලේ රෝහලෙන් ලබාදුන් එන්නතක් හේතුවෙන් පාසල් සිසුන් එකළොස් දෙනකු ආසාධ්‍ය තත්වයට පත්ව අනුරාධපුර ශික්ෂණ රෝහලට ඇතුලත් කොට ති


නාම යෝජනා කැඳවන දිනය මේ මස අග
2024 ජුලි මස 14 304 0

ජනාධිපතිවරණයට නාම යෝජනා කැඳවන දිනය මෙම මස අගදී මැතිවරණ කොමිසම ප්‍රකාශයට පත් කරනු ඇතැයි එම කොමිසමේ සභාපති එන්.එම්.ආර්.එල්. රත්නායක මහතා ප්‍රකාශ කළේය.


පාතාලය මර්දනය කරනු- මැති ඇමැතිවරු ඉල්ලති
2024 ජුලි මස 14 501 0

පාතාලය මර්දනය කිරීමට දැඩි වැඩපිළිවෙළක් ක්‍රියාත්මක කළ යුතු බවට මැති ඇමතිවරුන් පිරිසක් ජනාධිපතිවරයාගෙන් දැඩිව ඉල්ලීමක් කර ඇතැයි වාර්තා වේ.


තනතුරුවලින් මාව ඉවත් කරන්න කාටවත් බෑ
2024 ජුලි මස 14 557 0

සමඟි ජන බලවේගයේ සභාපති ධූරයෙන් සහ කැලණිය ආසනයේ සංවිධායක ධුරයෙන් තමන් ඉවත් කිරීමට කිසිවෙක්ට නොහැකි බවත් එසේ කළනොහැකි ලෙස අධිකරණය පැනවූ වාරණ නියෝගය මේ


පොහොට්ටුව ජනපතිට සති 2 ක් කල් දෙයි
2024 ජුලි මස 14 773 0

සමග ජන බලවේගය ඇතුළු විපක්ෂයේ දේශපාලන පක්ෂ වලින් මන්ත්‍රීවරුන් විසිපස් දෙනෙකු කැඳවාගැනීම සඳහා ශ්‍රී ලංකා පොදු ජන පෙරමුණ ජනාධිපති රනිල් වික්‍රමසිංහ ම


මැකෝ මුදල් ලොක්කෝ කැඳවයි
2024 ජුලි මස 14 281 0

ජනාධිපතිවරණයේ කටයුතු සඳහා අවශ්‍ය මුදල් පිළිබඳව විමසීම සඳහා මහා භාණ්ඩාගාරයේ ප්‍රධානීන් මැතිවරණ කොමිෂන් සභාවට 17 වැනිදා කැඳවූ බව එහි සභාපති ආර්. එම්.ඒ


මේවාටත් කැමතිවනු ඇති

වැලිබල් ෆිනෑන්ස්, ශක්තිමත් මූල්‍ය ප‍්‍රතිඵලයක් වාර්තා කරයි 2024 ජුලි මස 13 59 0
වැලිබල් ෆිනෑන්ස්, ශක්තිමත් මූල්‍ය ප‍්‍රතිඵලයක් වාර්තා කරයි

වැලිබල් ෆිනෑන්ස් ගෙවුණු වසර 17ක කාලය පුරාවට ශ‍්‍රී ලංකාවේ මූල්‍ය ආයතනයන් අතර ප‍්‍රමුඛස්ථානයක් හිමි කර ගනිමින් 2023/24 මූල්‍ය වර්ෂයේදී සිය මූල්‍ය විශිෂ්ටත

ශ්‍රී පාද අඩවිය සුපිරිසිදු කරන්නට සියපත ෆිනෑන්ස් වෙතින් “නැමදුමෙන් පසු ඇමදුම” 2024 ජුනි මස 20 918 0
ශ්‍රී පාද අඩවිය සුපිරිසිදු කරන්නට සියපත ෆිනෑන්ස් වෙතින් “නැමදුමෙන් පසු ඇමදුම”

බුදුරජාණන්වහන්සේගේ, ශිව දෙවියන්ගේ, ආදම්ගේ සහ ශාන්ත තෝමස් අපෝස්තුළුතුමාගේ පා සටහන යනාදී වශයෙන් විවිධ ආගමික සම්ප්‍රදායන් මුල් කරගනිමින් ශ්‍රී පාද ස්ථ

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 1801 1
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

Our Group Site