(කේ බුද්ධික කුමාරසිරි)

කොස්ගමදී "කොටහැර පොඩ්ඩා" නමැති සංවිධානාත්මක අපරාධකරුවකු බව කියන තැනැත්තාට වෙඩි තැබීමට සහ රථවාහන මංකොල්ලකෑමේ සිද්ධි කිහිපයක් සම්බන්ධයෙන් සැකකරුවන් සිව් දෙනකු අත්අඩංගුවට ගත් බව මීගොඩ පොලිසිය පවසයි.

සැකකරුවන් සංවිධානාත්මක අපරාධකරුවකු වන ඩුබායිහී සැඟව සිටින ලලිත් කන්නංගර නමැති පාතාල ක්‍රියාකාරියකයාගේ සංවිධානාත්මක අපරාධ කරනු ලබන පිරිසක් බවට අනාවරණය වී ඇතැයි ද පොලිසිය පවසයි.

කඩවත ප්‍රදේශයේ දී වැගන් ආර්  වර්ගයේ මෝටර් රථයක් මංකොල්ල කා මීගොඩ ප්‍රදේශයට රැගෙන විත් තිබීයදී එම කොල්ලකෑමට සම්බන්ධ සැකකරුවන් සිව්දෙනා අත්අඩංගුවට ගෙන ඇති අතර එම සැකකරුවන්ගෙන් ප්‍රශ්න කිරීමේදී සැකකරුවන් දෙදෙනෙකු කොස්ගම වෙඩි තැබීමට අනුබලදීමට සම්බන්ධ බවට අනාවරණය වූ බවද පොලිසිය පවසයි.