(සුජිත් හේවාජුලිගේ සහ  අංජුල මහික වීරරත්න )

මැණික් හා ස්වර්ණාභරණ අධිකාරියේ පාලක මණ්ඩලය 2023 වසරේදී ලක්ෂ 61ක මුදලක් වියදම් කර ලාස් වේගාස්හි මැණික් ප්‍රදර්ශනයකට යාම පිළිබඳව කෝප් කාරක සභාව කරුණු විමසා ඇත

මෙතරම් මුදලක් වැය කොට මෙම  ප්‍රදර්ශනයට සහභාගී  වීමේ පරමාර්ථය කුමක්දැයි කාරක සභා සභාපතිවරයා එම අධිකාරියේ හිටපු  සභාපතිවරයාගෙන් ප්‍රශ්න කර ඇත.

කාරක සභා සමාජික මන්ත්‍රීවරුද  ඒ හරහා  මෙරටට යම් ප්‍රතිලාභයක් ලැබුනේද යන්න පිළිබඳව කරුණු විමසූහ.

ලස් වේගාස් මැණික් ප්‍රදර්ශනයට සහභාගී වී ලබාගත් දැනුම සහ අත්දැකීම් ඔස්සේ ප්‍රථමවරට අන්තර්ජාතික  ප්‍රමිතීන්ට අනුව රත්නපුර  මැණික් ප්‍රදර්ශනයක් සාර්ථක ලෙස සංවිධානය කිරීමට හැකි වූ බවත්, එවන් විදේශ අත්දැකීම් ඔස්සේ මෙරට මැණික් ව්‍යාපාරය දියුණු කළ හැකි ක්‍රමවේද සැකසීම සිය අරමුණු  වූ බවත්  ඊට ප්‍රතිචාර දක්වමින් හිටපු සභාපතිවරයා පැවසීය.