පාර්ලිමේන්තුවේ ලේකම් මණ්ඩලයේ අනෙක් නෝනයි මහත්තයත් පරිස්සමෙන් ඉන්න

(සුජිත් හේවාජුලිගේ සහ අංජුල මහික වීරරත්න)

පාර්ලිමේන්තුවේ වෙන දේවල් බැලුවම ලේකම් මණ්ඩලයේ මේ නෝනයි මහත්තයත් (මහ ලේකම් සහ සහකාර මහලේකම්) එලවයිද දන්නේ නැහැ. පරිස්සමෙන් ඉන්න යැයි සමගි ජන බලවේගයේ කුරැණෑගල දිස්ත්‍රික් මන්ත්‍රී නලින් බණ්ඩාර ජයමහ මහතා පාර්ලිමේන්තුවේදී අද (6) පැවසීය.

ඔහු මෙසේ පැවසුවේ දිට්වා සුළි කුණාටුවෙන් පසු පැනවූ හදිසි නීති තත්වය දීර්ඝ කිරීම පිළිබද විවාදයේදීය.

නලින් බණ්ඩාර මහතා මෙසේද පැවසීය.

චමින්ද කුලරත්න මහත්තයට කරපු දේ බැලුවම මේ පාර්ලිමේන්තුව නෙමෙයි මුළු රාජ්‍ය සේවයේම කලකිරීමක් තියෙනවා. මේක පෞද්ගලික පලිගැනීමක්. ලේකම් මණ්ඩලයේ මේ ඉන්න නෝනයි මහත්තයත් එලවයිද දන්නේ නෑ. බලාගෙන ඔබතුමාලා පරිස්සමෙන් ඉන්න. එතුමා කරපු දේවල් අපි පිළිගන්නේ නැහැ. එතුමාට වෙන වෙන දේවල් ඇති. අපිට කමක් නෑ ඒවා. කතානායකතුමා ලේකම් මණ්ඩලයේ සේවකයන්ගේ  ගෞරවය රකිමින් කටයුතු කරන්න ඕන. පෞද්ගලික කෝන්තර  අනුව කටයුතු කළහොත් ඒක හරියන්නෙ නෑ. එහෙම කරන ඒක පාර්ලිමේන්තුවට ගැලපෙන්නෙ නෑ.