IMG-LOGO

පියුමි හංසමාලිගේ පුතා ඇප මත මුදා හරියි

(රෝෂන් තුෂාර)

වැලිකඩ පොලිසිය මගින් අත්අඩංගුවට ගත් නිරූපණ ශිල්පිණී පියුමි හංසමාලිගේ පුත්‍රයා ඇප මත මුදාහරින ලෙස කොළඹ අතිරේක මහෙස්ත්‍රාත් මොහොමඩ් රිශ්වාන් මහතා අද (13) නියෝග කළේය.

රාජගිරිය කලපලුවාව ප්‍රදේශයේ සිදුවූ රිය අනතුරකින් අනතුරුව ත්‍රීරෝද රථ රියදුරකුට පහරදුන් බව කියන සිද්ධියක් සම්බන්ධයෙන් අත්අඩංගුවට ගත්  සැකකරු මෙසේ ඇප මත මුදා හැරුණු අතර රුපියල් ලක්ෂ පහක ශරීර ඇපයක් නියම කෙරුණි.

සැකකරුගේ අද අළුයම් කාලයේ යතුරුපැදියක නැගී රාජගිරිය ප්‍රදේශයේ යමින් සිටියදී ත්‍රී රෝද රථයක ගැටී අනතුරක් සිදුව ඇති බවත් සිද්ධියෙන් පසු එම ස්ථානයට පැමිණි සැකකාර පුද්ගලයා ඇතුළු තවත් පිරිසක් ත්‍රීරෝද රථ රියදුරුට පහරදී ඇති බවට මූලික විමර්ශනවලදී කරුණු අනාවරණය වන බවද පොලිසිය අධිකරණයට දැන්වීය.

පහර කෑමට ලක්වූූ පුද්ගලයා කොළඹ ජාතික රෝහලට ඇතුළත්ව ප්‍රතිකාර ලබන බවද සිද්ධිය සම්බන්ධයෙන් තවත් පිරිසක් අත්අඩංගුවට ගැනීම සඳහා විමර්ශන සිදුකරමින් සිටින බවද පොලිසිය අධිකරණයට දැන්වීය.

පැමිණිල්ල මෙහෙයවූ පොලිසිය හා සැකකරු වෙනුවෙන් පෙනී සිටි නීතිඥවරයා අධිකරණයට දැක්වූ කරුණු සලකා බැලූ මහේස්ත්‍රාත්වරයා සැකකරු එසේ ඇප මත මුදා හරින ලෙසට නියෝග කළේය.

 



අදහස් (3)

පියුමි හංසමාලිගේ පුතා ඇප මත මුදා හරියි

Fernando Monday, 14 July 2025 04:30 AM

රූපවාහිනීයේ ප්‍රවෘත්ති බලද්දී දැකපු සැකකරු සමග සිටි පිරිසේ අයගේ හැටියට ඔවුන් මැර කල්ලියක්ද කියල හිතෙනවා

:       0       8

Bunny Preena Monday, 14 July 2025 10:37 AM

කාගේ හයිය අතට අරගෙනද මෙහෙම හැසිරෙන්නේ? කතාකරලා විසඳ ගන්න පුළුවන් ප්‍රශ්න වලට මොකට ගහ ගන්නවද මන්ද?

:       0       8

Neel Monday, 14 July 2025 12:06 PM

පහර කෑමට ලක්වු පුද්ගලයා තවම ඉස්පිරිතාලේ , තව සැක සහිත පුද්ගලයන් අත්අඩංගුවට ගැනීමට නියමිතයි. ප්‍රධාන පුද්ගලයාට තවම වයස අවුරුදු 15 යි. ඒ කියන්නේ ලයිසන් නැහැ. ඉන්සුවරන්ස් නැත. හැබැයී, පොලිසියේන්ම ඇප දීලා ගෙදර යන්න දීලා. ගොඩක් මුදල් වියදම් කරලා තියේන පාටයි නේද කියල හිතේනව. නමුත් ආණ්‌ඩුව කියන්නේ නීතිය සැමොටම එක සමානයි කියල. අතිවිශිෂ්ටයි ඡය වේවා.

:       0       4

ඔබේ අදහස් එවන්න

 

 
 

මේවාටත් කැමතිවනු ඇති

අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්. 2025 ජුලි මස 15 308 0
අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්.

ඔබේ දරුවාට සංජානනය වන හෘද දෝෂයක් (CHD) තිබේ නම් සහ ඔබට ප්‍රතිකාර සඳහා මුදල් වැය කිරීමට නොහැකි නම්, අපි ඔබේ දරුවා වෙනුවෙන් ඒ මහැඟි සත්කාරය ඉටු කර දීමට කැප වී

පාසල් දරුවන්ට හිස්වැසුම් බෙදා දීම 2025 ජුලි මස 14 489 0
පාසල් දරුවන්ට හිස්වැසුම් බෙදා දීම

ශ්‍රී ලංකාවේ පැරණිතම සහ විශාලතම මෝටර් රථ සංවිධානය වන ලංකා ඔටෝමොබයිල් සංගමය (AAC), ’’මෝටර් රථ හිමියන්ගේ හඬ’’ සහ ’’මෝටර් රථ හවුල්කරු’’ ලෙස ප්‍රසිද්ධය. රට තු

සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය 2025 ජුලි මස 14 194 0
සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය

ශ්‍රී ලංකාවේ ප්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී සිය දීප ව්‍යාප්ත ශාඛා ජාලයේ 54 වැනි ශාඛාව පසුගියදා කඩුවෙල නගරයේදී විවෘත කෙරිණ.

Our Group Site