(රංජිත් රාජපක්ෂ )            

තලවකැලේ නගර මධ්‍යයේ රතිඤ්ඤා දල්වමින් සිටි තරුණයන් දෙදෙනෙකු යට කර පලා ගොස් සැඟව සිටි බොලරෝ ලොරි රථයේ රියදුරා අද (20) දින සැකපිට අත්අඩංගුවට ගත් බව තලවකැලේ පොලිසියේ ස්ථානාධිපතිවරයා පැවසිය.

අද (20) අලුයම 12:30 ට පමණ අනතුරින් තුවාල ලැබූ තරුණයන් දෙදෙනා තලවකැලේ නගර මධ්‍යයේ රතිඤ්ඤා දල්වමින් සිටියදී නගර මධ්‍යයේන් අධික වේගයෙන් ධාවනය වූ ලොරි රථය තරුණයන් දෙදෙනා යට කර සැකකාර රියදුරා තලවකැලේ ග්‍රෙඩ් වෙස්ටන් වතුයායේ නිවසේ සැගව සිටියදී අත්අඩංගුවට ගත් බවත්, සැකකාර රියදුරා අධික ලෙස බීමත්ව සිටි බව පොලිස් ස්ථානාධිපතිවරයා කියා සිටියේය.

අනතුරින් තුවාල ලැබූ තරුණයින් දෙදෙනා බරපතල තුවල සහිතව ලිදුල රෝහලට ඇතුලත් කිරිමෙන් පසු තුවාලකරුවන් වැඩිදුර ප්‍රතිකාර සදහා නුවරඑලිය දිස්ත්‍රික් මහ රෝහලට ඇතුලත් කළ බවද  පොලිස් ස්ථානාධිපතිවරයා වැඩි දුරටත් කියා සිටියේය.