(අමිල සම්පත් ශ්‍රී,චන්ද්‍රසේන ගමගේ සහ ගයාන් සූරියආරච්චි)

මුහුද හරහා ගෙන එන ලද බවට සැක කෙරෙන මත්ද්‍රව්‍ය අඩංගු පොහොර උර 19 ක ආසන්න වශයෙන් මත් කුඩු කිලෝ 350ක් පමණ ඇතැයි  බස්නාහිර උතුර අපරාධ විමර්ශන කොට්ඨාසය කියයි.  

තිස්සමහාරාම කිරින්ද නිදන්ගල ප්‍රදේශයේ සඟවා තිබියදී මෙම මත් කුඩු අත්අඩංගුවට ගෙන ඇති අතර එම කුඩු රැගෙන ඒමට ආ බව කියන හත් දෙනකු ලොරි, මෝටර් රථ ඇතුළු වාහන හයක් පොලිබාරයට ගෙන ඇත.

එම වාහන කොළඹ අවට ප්‍රදේශවල ඒවා බවය අනාවරණය කරගෙන ඇත. 

බස්නාහිර උතුර අපරාධ විමර්ශන කොට්ඨාසයට ලැබී තිබූ තොරතුරකට අනුව මෙම මත්ද්‍රව්‍ය තොගය අත්අඩංගුවට ගෙන ඇත. 

(ඡායා අමිල සම්පත් ශ්‍රී)

-------------------------------------------------

තිස්සමහාරාම කිරින්දෙන් මත්ද්‍රව්‍ය තොගයක් අත්අඩංගුවට

පෙරවරු 6.44

(චන්ද්‍රසේන ගමගේ)

මුහුද හරහා ගෙන එන ලද බවට සැක කෙරෙන මත්ද්‍රව්‍ය අඩංගු පොහොර උර 18 ක් පමණ තිස්සමහාරාම කිරින්ද නිදන්ගල ප්‍රදේශයේ සඟවා තිබියදී බස්නාහිර උතුර අපරාධ විමර්ශන කොට්ඨාසයේ නිලධාරීන් විසින් අත්අඩංගුවට ගෙන තිබේ.

බස්නාහිර උතුර අපරාධ විමර්ශන කොට්ඨාසයට ලැබී තිබූ තොරතුරකට අනුව මෙම මත්ද්‍රව්‍ය තොගය අත්අඩංගුවට ගෙන ඇති අතර මේ වන විට ඔවුන් විසින් වැඩිදුණු විමර්ශන ආරම්භ කොට තිබේ.