එසැණ පුවත්

වැලිකඩ බන්ධනාගාරයේ වහල උඩ රැඳවියෝ විරෝධතාවක

වැලිකඩ රිමාන්ඩ් බන්ධනාගාරයේ රඳවා සිටින කාන්තා රැදවියන් පිරිසක් බන්ධනාගාර වහලය මත නැගී මේ වන විට විරෝධතාවක නියැලෙමින් සිටිති.

හජ් උත්සවය අගෝස්තු 22 දා

නව සඳ දැකීම හේතුවෙන් හජ් උත්සව මේ මස 22 වැනිදා පැවැත්වෙන බව කොළඹ මහ පල්ලිය අද (12) නිවේදනය කළේය.

විසුරුවා හරින ලද බුද්ධි අංශය වෙනුවට බන්ධනාගාරයට නව පොලිස් ඒකකයක්

විසුරුවාහරින ලද බන්ධනාගාර බුද්ධි හා ආරක්ෂණ ඒකකය වෙනුවට විශේෂ පොලිස් ඒකකයක් පිහිටුවීමට අධිකරණ හා බන්ධනාගාර ප්‍රතිසංස්කරණ අමාත්‍යංශය තීරණය කර තිබේ.

ඥානසාර හිමිට බන්ධනාගාර නීතියට අනුව සිර ඇඳුමක්

සිරදඬුවම් නියම වී ශ්‍රී ජයවර්ධනපුර රෝහලේ ප්‍රතිකාර ලබමින් සිටින ගලගොඩඅත්තේ ඥානසාර හිමියන්ට බන්ධනාගාර නීතිය යටතේ සැහැල්ලු සිර ඇඳුමක් නිකුත් කර ඇතැයි බන්ධනාගාර ආරංචි මාර්ග පවසයි.

මහනුවර දිස්ත්‍රික්කයටම ඉන්නේ හීලෑ අලි 15 දෙනයි

මහනුවර ඓතිහාසික ඇසළ පෙරහර මංගල්‍ය සදහා අලි ඇතුන්ගේ හිඟය මකා ගැනීම සදහා සතර මහා දේවාල වල නිලමේ වරුන් සමඟ සාකච්ඡා කර ක්‍රියාමාර්ග ගත් බවත් මහනුවර ඇසළ පෙරහර සමයේදී රට තුළ වෙනත් පෙරහර නොමැති නිසා ප්‍රශ්නය විසඳාගත හැකි වු බවත් මහනුවර ශ්‍රී දළදා මාළිගාවේ දියවඩන නිළමේ ප්‍රදීප් නිලංග දැල මහතා පවසයි.

දුම්රිය වර්ජනයෙන් ලංගමයටත් කෝටියක පාඩුවක්

වර්ජනය පැවැති දිනවල දුම්රිය දෙපාර්තමේන්තුව පමණක් නොව ලංගමයද රුපියල් මිලියන දහයකට අධික මුදලක් පාඩු ලබා ඇතැයි ලංගම සභාපති රමාල් සිරිවර්ධන මහතා පැවසීය.

ශ්‍රී ලංකාවට ලකුණු 178 ක දැවැන්ත ජයක්

ශ්‍රී ලංකාව සහ දකුණු අප්‍රිකාව අතර කොළඹ ආර්. ප්‍රේමදාස ක්‍රීඩාංගණයේදී අද (12 වැනිදා) පැවැති පස්වැනි සහ අවසන් එක්දින තරගයේදී ශ්‍රී ලංකා කණ්ඩායම ලකුණු 178 ක දැවැන්ත ජයක් අත්කර ගත්තේය. මෙය ශ්‍රී ලංකා කණ්ඩායමක් දකුණු අප්‍රිකානු පිල හමුවේ පැවැති එක්දින තරගයකදී ලබාගත් දෙවැනි විශාලතම ජයග්‍රහණයයි.

දුම්රිය වාර ප්‍රවේශපත්‍රයෙන් බසයේ යන්න ගිය මගීහු කොන්දොස්තරවරු ගැටෙති

දුම්රිය වාර ප්‍රවේශපත් පෙන්වා ලංගම බස්රථ වල නොමිලේ ගමන් කිරීමට අද (12) දහල් සිට නතර කිරීම නිසා ලංගම බස් රථවල ගමන් කිරීමට පැමිණි දුම්රිය මගීන්ට ටිකට්පත් ගෙන බස් රථ වල ගමන් කිරීමට සිදු වී තිබේ.

උප පොලිස් පරීක්ෂකවරියගේ කාමරයට අනවසරයෙන් ගිය කොස්තාපල් අත්අඩංගුවට

මිරිහාන පොලිස් කාන්තා තනිකඩ භට නිවාසයේ උප පොලිස් පරික්ෂිකාවක් නිදා සිටි කාමරයකට රාත්‍රියේ ජනේලයෙන් ඇතුළු වු පොලිස් කොස්තාපල්වරයෙකු අත්අඩංගුවට ගත් බව පොලීසිය පවසයි.

අමාත්‍යංශ අධික්ෂණ මන්ත්‍රීවරු 55 දෙනාගේ ලක්ෂ දෙකේ දීමනාව ගැන තව විස්තර ඕනෑ‘

අමාත්‍යංශවල කටයුතු සොයා බැලීමට අධීක්ෂණ මන්ත්‍රීවරු ලෙස පත් කළ ආණ්ඩු පක්ෂයේ 55 දෙනා වෙනුවෙන් ගෙවනු ලබන්නේ යැයි කියන රුපියල් ලක්ෂ දෙකේ දීමනාව ගැන තවත් තොරතුරු දෙන්නැයි ඒකාබද්ධ විපක්ෂයේ පාර්ලිමේන්තු මන්ත්‍රී ගාමිණි ලොකුගේ මහතා පාර්ලිමේන්තු කටයුතු අමාත්‍යංශයේ ලේකම්වරයාට දෙවැනිවරටත් ලිපියක් යවමින් ඉල්ලීමක් කර තිබේ.

‘රජය ගැන කලකිරුණු පිරිසක් විපක්ෂයට එක් වීමට සුදානම්‘

ශ්‍රී ලංකාව කඩුලු 8 ට 299 යි

ශ්‍රී ලංකාව සහ දකුණු අප්‍රිකාව අතර කොළඹ ආර්. ප්‍රේමදාස ක්‍රීඩාංගණයේදී අද (12 වැනිදා) පැවැත්වෙන පස්වැනි සහ අවසන් එක්දින තරගයේදීත් පළමුවෙන් පන්දුවට පහර දුන් ශ්‍රී ලංකා කණ්ඩායම ඕවර 50 ක් අවසානයේදී කඩුලු 8 ක් දැවී ලකුණු 299 ක් ලබාගත්තේය.

‘යහපාලන රජය පිහිට වුයේ පොඩි මිනිහාට උපකාර කිරීමටයි‘

යහපාලන රජය පිහිට වුයේ පොඩි මිනිහාට උපකාර කිරීමට යැයි අගමැති රනිල් වික්‍රමසිංහ මහතා නුවරඑළිය පුඩළුඔයදී අද (12) පැවසිය.

කුරුණෑගල මහ රෝහලට කුඩම්මාගේ හැන්දෙන් බෙදීමට විරෝධය

මේ වසරේ සිට අලුතින් ආරම්භ කළ වයඹ විශ්ව විද්‍යාලීය වෛද්‍ය පීඨයට ශික්ෂණ රෝහල ලෙස කුලියාපිටිය රෝහල භාවිත කිරීම සම්බන්ධයෙන් කුරුණෑගල රෝහලේ විශේෂඥ වෛද්‍යවරු දැඩි විරෝධය පළ කරති.

දුම්රිය වර්ජනයෙන් කෝටි 7 ක පාඩුවක්

දුම්රිය රියදුරු නියාමක,ස්ථානාධිපති හා දුම්රිය පාලකවරුන්ගේ වැඩ වර්ජනය හේතුවෙන් දුම්රිය දෙපාර්තමේන්තුවට රුපියල් මිලියන 70 ක්ට වඩා වැඩි පාඩුවක් සිදු වී ඇතැයි දුම්රිය සාමාන්‍යාධිකාරී ආචාර්ය විජය සමරසිංහ මහතා පැවසීය.

ට්‍රම්ප් අත්සන් කිරීමට නියමිත ඇමෙරිකා ආරක්ෂක අයවැයෙන් ලංකාවටත් අරමුදල්

ඇමරිකානු ජනාධිපති ඩොනල් ට‍්‍රම්ප් මහතා විසින් හෙට (13) අත්සන් කිරීමට නියමිත ඇමරිකානු ඩොලර් බිලියන 700 ක ඇමෙරිකානු ආරක්ෂක අයවැයෙන් ශ්‍රී ලංකාව වැනි රටවල් කිහිපයක් සඳහා අරමුදල් සැපයීම පිළිබඳව අවධානය යොමුවී ඇතැයි චීනයේ සී.ජී.ටී.එන් ප‍්‍රවෘත්ති සේවය අද (12) වාර්තා කළේය.

ශ්‍රී ලංකාවෙන් විකිරණශීලිතාව අධික කලාප 12 ක්

විකිරණශීලිතාව අධික කලාප දොළහක් මෙරටින් හඳුනාගෙන ඇතැයි භූ විද්‍යා සමීක්ෂණ හා පතල් කාර්යාංශය පවසයි.

ඌව පළාත් සභාවේ වාර්තා සිංහලෙන් - දෙමළෙන් ඉල්ලයි

ඌව පළාතේ සියළුම පළාත් පාලන ආයතනවල සභා සැසිවාරයන්හිදී නියෝජිතයින් අතට ලබාදෙන වාර්තා ඇතුළු සියළුම ලිපි ලේඛන සිංහල හා දෙමළ භාෂා ද්විත්වයෙන්ම නිකුත් කරන ලෙසට ඌව පළාත් ආණ්ඩුකාරවර ආරිය බී කේ මහතා පළාත් පාලන කොමසාරිස් මංගල විජේනායක මහතා වෙත උපදෙස් දී තිබේ.

යාපනයේ ප්‍රචණ්ඩකාරී ක්‍රියාවලට හේතුව ආවා-ධනු රොක් කල්ලියයි‘

යාපනය අර්ධද්වීපය ආශ්‍රිතව සිදුවන ප්‍රචණ්ඩ හා සමාජ විරෝධී අපරාධ වලට ප්‍රධාන හේතුව ආවා සහ ධනු රොක් නැමති කල්ලි ද්විත්වය අතර පවතින ගැටුම්කාරී තත්වය යැයි පොලිසිය තමන් හා පැවසූ බව උතුරු පළාත් ප්‍රධාන අමාත්‍ය සී.වී.විග්නේෂ්වරන් මහතා පැවසීය.

විභාග රාජකාරීවල යෙදී සිටින විදුහල්පති-ගුරු දීමනා වැඩි කරන්න’යි ඉල්ලති

විභාග රාජකාරීවල නිරතව සිටින විදුහල්පතිවරු හා ගුරුවරුන්ට ගෙවන දීමනා වැඩි කරන්නැයි ලංකා ගුරු සංගම ඉල්ලා සිටී.

පාතාල නායක ‘මතුගම ශාන්‘ ඇතුළු තිදෙනෙක් අල්ලයි

බදුරලිය කුරුලුබැද්ද පැණිගල පදිංචිව සිටි පුද්ගලයකු පහරදී ඝාතනය කිරීමේ සිද්ධිය සම්බන්ධයෙන් පාතාල නායක‘මතුගම ශාන් ‘ඇතුලු පුද්ගලයින් තිදෙනෙකු අත්අඩංගුවට ගත් බව මතුගම කොට්ඨාස නීතීය බල ගැන්වීමේ ඒකකය කියයි.

රටවල් 10 ක් සඳහා නව තානාපතිවරු

ශ‍්‍රී ලංකාව නියෝජනය කරමින් රටවල් 10 ක් සඳහා නව තානාපතිවරු සහ මහ කොමසාරිස්වරු පත් කර ඇත.

ශ්‍රී ලංකාව-ස්විට්සර්ලන්තය අතර අවබෝධතා ගිවිසුමක්

ශ්‍රී ලංකා රජය සහ ස්විට්සර්ලන්ත ෆෙඩරල් රජය අතර සංක්‍රමණික හවුල්කාරීත්වයක් පිළිබඳ නව අවබෝධතා ගිවිසුමකට එලැඹි බව විදේශ කටයුතු අමාත්‍යාංශය පවසයි.

‘පලාත් පාළන ප‍්‍රතිපාදන කප්පාදු කළොත් මහ ඇමති කාර්යාල වටලනවා‘

පළාත් පාළන ක්ෂේත‍්‍රය සම්පූර්ණයෙන්ම අතුගා දැමීමේ උත්සාහයක වත්මන් ආණ්ඩුව නිරත වෙමින් සිටින බව සමස්ථ ලංකා පළාත් පාළන සංසදයේ සභාපති උදේනි අතුකෝරළ මහතා කොළඹදී අද(12) පැවසීය.

පේරාදෙණිය සරසවියේ පීඨ තුනක් හෙට සිට විවෘතයි

පේරාදෙණිය විශ්ව විද්‍යාලයේ වෛද්‍ය පීඨය, දන්ත පීඨය සහ කෘෂි පීඨය හෙට (13) වැනිදා සිට යළි විවෘත කෙරෙන බව පේරාදෙණිය විශ්ව විද්‍යාලයේ උපකුලපති මහාචාර්ය උපුල් පී දිසානායක මහතා පැවසීය.

අතුරුදන් වු දරුවා පැහැරගත්තේ ඔහුගේ මාමා දැයි සැකයක්

මීට සති තුනකට පෙර බළන්ගොඩ සමනලවත්තේ කැලෑවේදී අතුරුදන්වූ බවට සැකසිතූ සහන් කුමාර ධර්මසිරි නැමැති දස හැවිරිදි දරුවාගේ අතුරුදන්වීම සම්බන්‍ධයෙන් කුරුණැගල ප‍්‍රදේශයේ පදිංචි දරුවාගේ මාමා කෙනෙකු ඇතුලූ පසමීප ඥාතීන් කිහිප දෙනෙකුගෙන් වැදගත් තොරතුරු රැසක් අනාවරණය කරගත හැකි වෙතයි පොලිස් විමර්ශකයෝ කියති.

විදේශිකයින්ගේ මුදල්-භාණ්ඩ සොරකම් කළ කල්ලියක තිදෙනෙක් අල්ලයි

දිවයින පුරා සංචාරක හෝටල්වල ලැගුම් ගෙන සිටින විදේශීය සංචාරකයන්ගේ බඩු භාණ්ඩ හා මුදල් සොරා ගන්නා සංවිධානාත්මක කල්ලියක සැකකරුවන් තිදෙනෙකු මෝටර් රථ දෙකක් සමඟ ගාල්ල ප්‍රදේශයේ දී දැඩි පරිශ්‍රමයක් දරමින් අත්අඩංගුවට ගැනීමට දඹුල්ල පොලීසිය සමත් වී තිබේ.

ග්ලයිෆොසේට් නිසා මියගිය අයකු වෙනුවෙන් කෝටි 10 ක් වන්දි ඉල්ලා නඩු පවරන්න යයි

ගල්යිපොසෙට් නිසා ලංකාවේ පිළිකා හා වකුගඩු රෝගයෙන් මිය ගිය එක් අයකු වෙනුවෙන් රුපියල් කෝටි දහය බැගින් (මිලියන සියයක්) වන්දි ඉල්ලා ශ්‍රේෂ්ඨාධිකරණයේ නඩු පැවරීමට තීරණය කළ බව රජරට විශ්ව විද්‍යාලයේ වෛද්‍ය පිඨයේ මහාචාර්ය චන්න ජයසුමන මහතා අද (12)දින පැවසිය . මේ පිළිබඳව වැඩි දුරටත් අදහස් දැක්වූ මහාචාර්යවරයා මෙසේ ද පැවසිය.