එසැණ පුවත්

රොටවැව ගොවීහු පොහොර ඉල්ලා මිනී පෙට්ටියකට ගිනි තබති

වගා බිම්වලට අවශ්‍ය රසායනික පොහොර ඉල්ලා රොටවැව ප්‍රදේශයේ ගොවීහු පිරිසක් අද දින ගල්ඔය - මින්නේරිය මාර්ගයේ විරෝධතාවයක නිරත වූහ.

26 October 2021

කාබනික පොහොර ගෙන් වූ මෙරට නියෝජිතට - මහජන බැංකුවට වාරණයක්

ජීවානුහරණය කළ කාබනික පොහොර ගෙන්වීමට ටෙන්ඩර් ලබාගෙන බැක්ටීරියා ඇතුළු අහිතකර ජීවීන් සිටින පොහොර තොගයක් ලංකාවට ගෙනා බව කියන චීන සමාගමට එහි ශ්‍රී ලංකා නියෝජිතවරයාට සහ මහජන බැංකුවට එරෙහිව කොළඹ වාණිජ මහාධිකරණ විනිසුරු ප්‍රදීප් හෙට්ටිආරච්චි මහතා අද වාරණ නියෝගයක් නිකුත් කළේය.

26 October 2021

ගුරු - විදුහල්පතිවරු ජනපති ලේකම් කාර්යාලය ඉදිරිපිට කඳවුරු බඳිති

ගුරු විදුහල්පති වැටුප් විෂමතාව විසදීමට ජනාධිපතිවරයා සහ මුදල් අමාත්‍යවරයා මැදිහත්වන්නැයි ඉල්ලා ශ්‍රී ලංකා රජයේ ගුරුවරුන්ගේ සංගමය කොළඹ ජනාධිපති ලේකම් කාර්යාලය අසල අද (26) සත්‍යග්‍රහ උපවාසයක් ආරම්භ කළේය.

26 October 2021

චීන පොහොර සමාගමෙන් සැර ලිපියක්

චීනයෙන් මෙරටට ගෙන්වීමට ඇනවුම් කර ඇති කාබනික පොහොර තොගය පිළිබඳවම දෙපාර්ශ්වයම පිළිගත් තුන් වැනි පාර්ශ්වයකින් යළි පරීක්ෂණයක් කළ යුතු බව එම පොහොර තොගය මෙරටට සපයන ක්වින්ඩාඕ සීවින්ග් බයෝටෙක් ගෘප් සමාගම අදපෙ (26) නිවේදනයක් නිකුත් කරමින් දැනුම් දී ඇත.

26 October 2021

කොරෝනා මරණ අද දින පහත යයි

කොවිඩ් ආසාදිත වූ තවත් රෝගීන් 14 දෙනකු ඊයේ (25) මරණයට පත් වී ඇතැයි සෞඛ්‍ය සේවා අධ්‍යක්ෂ ජනරාල්වරයා අද (26) තහවුරු කළේය.

26 October 2021

කොරෝනා ආසාදිතයන් 440ක් වාර්තා වෙයි

කොවිඩ් ආසාදිත රෝගීන් තවත් 440 දෙනකු අද (26) හඳුනාගත් බව සෞඛ්‍ය සේවා අධ්‍යක්‍ෂ ජනරාල්වරයා නිවේදනය කළේය.

26 October 2021

දෙදින සංචාරය නිමා කර අදානි පිටව යයි

ශ්‍රී ලංකාවේ විශේෂ ව්‍යාපාරික සංචාරයක නියැලී සිටි , ඉන්දියාවේ ප්‍රකෝටි ව්‍යාපාරික ගෞතම් අදානි මහතා සිය දෙදින සංචාරය නිමා කර අද (26) සවස 04.30ට ආපසු ඉන්දියාව බලා පිටත්ව ගියේය .

26 October 2021

විසර්ජන පනතට මුදල් කාරක සභාවේ අනුමැතිය

විසර්ජන පනත් කෙටුමිපතට (2022)මුදල් පිළිබඳ කාරක සභාවේදී අනුමැතිය හිමිවිය.

26 October 2021

කොවිඩ් නිසා රජයට කෝටි 2700ක සුරා බදු ආදායමක් නැතිවෙලා

කොවිඩ් වසංගතය නිසා මේ වසරේ මේ දක්වා රුපියල් කෝටි 2700 ක සුරාබදු ආදායමක් රජයට අහිමිවී ඇතැයි සුරාබදු කොමසාරිස් ජනරාල් එම්.ජේ ගුණසිරි මහතා රජයේ ගිණුම් පිළිබද පාර්ලිමේන්තු කාරක සභාවේදී (කෝපා කමිටුව) පැවැසීය.

26 October 2021

“ජනතාවගේ හැසිරීම කණගාටුදායකයි’’

සෞඛ්‍ය නීති රීති ලිහිල් කළ පසු ජනතාවගේ හැසිරීම පිළිබඳව කණගාටුවන බවත් සෞඛ්‍ය නීති රීති තව දුරටත් ආරක්‍ෂා කරන ලෙස ජනතාවගෙන් කරුණාවෙන් ඉල්ලා සිටින බවත් සෞඛ්‍ය අධ්‍යක්‍ෂ ජනරාල් විශේෂඥා වෛද්‍ය අසේල ගුණවර්ධන මහතා අද (26) පැවසීය.

26 October 2021

කොවිඩ් මරණවල ඉහළ යෑමක්: සෞඛ්‍ය අංශයෙන් පරීක්ෂණයක්

කොවිඩ් මරණවල යම් වැඩිවීමක් වාර්තා වන බවත් මෙය සුළුවෙන් තැකිය හැකි තත්ත්වයක් නොවන බවත් නියෝජ්‍ය සෞඛ්‍ය සේවා අධ්‍යක්ෂ ජනරාල් විශේෂඥ වෛද්‍ය හේමන්ත හේරත් මහතා පැවැසීය .

26 October 2021

2021 ඡන්දය හිමිදැයි බලන වෙබ් අඩවිය මෙන්න

2021 ඡන්දහිමි නාමලේකනයේ තමන්ගේ නම තිබේදැයි පරීක්ෂාකර බැලීම සඳහා www.elections.gov.lk වෙබ් අඩවිය ඔස්සේ පහසුකම් සලසා තිබෙන බව මැතිවරණ කොමිෂන් සභාව සඳහන් කරයි.

26 October 2021

අත්‍යාවශ්‍ය ආහාර හිටි හැටියේ ඉහළට

සහල් ඇතුලු අත්‍යාවශ්‍ය ආහාර ද්‍රව්‍ය මිල ගණන් දරාගත නොහැකි මට්ටමකට ඉහළ ගොස් ඇතැයි පාරිභෝගිකයෝ පවසති.

26 October 2021

රවි ගෙන් පෙත්සමක්

බැදුම්කර වෙන්දේසියකදී රජයට රුපියල් කෝටි 1500 ක් පාඩු කළ යැයි චෝදනා කරමින් මහාධිකරණය හමුවේ තමාට එරෙහිව ගොනු කර ඇති අධි චෝදනා පත්‍රය බලරහිත කරන්නැයි ඉල්ලා හිටපු මුදල් අමාත්‍ය රවී කරුණානායක මහතා ගොනු කළ රිට් පෙත්සම සම්බන්ධයෙන් ලබන 10 වැනිදා අධිකරණය හමුවේ පෙනී සිටින ලෙසට නීතිපතිවරයාට නොතීසි දන්වා යවන්නැයි පෙත්සම්කාර පාර්ශවයට අභියාචනාධිකරණය නියම කර ඇත.

26 October 2021

‘තව මාස තුන හතරකින් භාණ්ඩ මිල අඩුවේවි‘

ඉදිරි මාස තුන හතරක කාලයේදී භාණ්ඩ මිල අඩුවනු ඇතැයි අපේක්‍ෂා කරන බව සම කැබිනට් ප්‍රකාශක, වැවිලි අමාත්‍ය වෛද්‍ය රමේෂ් පතිරණ මහතා පැවසීය.

26 October 2021

රන්ජන් බලන්න සජිත් යයි

රංජන් රාමනායක මහතා මේ මොහොතේ පාර්ලිමේන්තුවේ නොසිටීම විශාල අඩුපාඩුවක් බව විපක්ෂ නායක සජිත් ප්‍රේමදාස මහතා පැවසීය.

26 October 2021

එජාප මහලේකම්ගෙන් සජිත්ට අභියෝගයක්

එක පැත්තකින් ආර්ථිකයත් අනිත් පැත්තෙන් රජයේ සේවක ප්‍රශ්න ගුරු වැටුප් අර්බුද ඇතුළු වර්තමානයේ ප්‍රශ්න කන්දක් එක තැන ගොඩ ගැසීමට මූලික හේතුව මෛත්‍රීපාල සිරිසේන ජනාධිපතිවරයා මීට වසර තුනකට පෙර අද වැනි දිනක කළ ව්‍යවස්ථා කුමන්ත්‍රණ බව එක්සත් ජාතික පක්ෂ මහ ලේකම් පාලිත රංගෙ බණ්ඩාර මහතා පැවසීය.

26 October 2021

කොරෝනාවෙන් පසු සියයට 60කට පෝෂ්‍යදායී ආහාර ලැබි නෑ

‘කොවිඩ්’ වයිරස ව්‍යාප්තියෙන් පසු ශ්‍රී ලංකාවේ ජනගහනයෙන් සියයට 60 කට පමණ පෝෂ්‍යදායී ආහාර ලැබි නොමැති බව ආහාර අයිතීන් පිළිබඳ සොයා බැලීමේ ජාතික ආයතනය කළ සමීක්ෂණයකින් හෙළි වී තිබේ.

26 October 2021

අයවැයදා පාර්ලිමේන්තුව එන සියලු දෙනාට ඇන්ටිජන්

මුදල් ඇමැතිවරයා අයවැය යෝජනා ඉදිරිපත් කරන ලබන මස 12 වැනිදා පාර්ලිමේන්තුවට ඇතුළු විය හැක්කේ රැපිඩ් ඇන්ටිජන් පරීක්ෂණයකින් ආසාදිතයකු නොවන බවට ( නෙගටිව්) තහවුරුවන රාජ්‍ය නිලධාරීන්, මාධ්‍යවේදීන් ඇතුළු පුද්ගලයන්ට පමණක් බව වේත්‍රධාරී නරේන්ද්‍ර ප්‍රනාන්දු මහතා පැවැසීය.

26 October 2021

’’සරසවි විවෘත කරන්න උපකුලපතිවරුන්ට බලය ’’

විශ්ව විද්‍යාල විවෘත කිරීමේ බලය උපකුලපතිවරුන් වෙත පවරා තිබෙන අතර ඔවුන්ට ඔනෑම මොහොතක විශ්ව විද්‍යාල ආරම්භ කළ හැකි බව විශ්ව විද්‍යාල ප්‍රතිපාදන කොමිෂන් සභාවේ සභාපති ජ්‍යෙෂ්ඨ මහාචාර්ය සමිපත් අමරතුංග මහතා පැවසීය.

26 October 2021

ලක්ෂ 56 ක සිගරට් සමග අයෙක් අල්ලයි

තීරුබදු නොගෙවා විරෝධී ලෙස මෙරටට ආනයනය කර තිබු රුපියල් ලක්ෂ 56 වටිනාකමකින් යුත් විදෙස් දුමිවැටි තොගයක් සමග සැකකරුවෙකු කඳාන ප්‍රදේශයේදී අත්අඩංගුවට ගත් බව විශේෂ කාර්ය බලකාය පවසයි.

26 October 2021

වයස 15 ට වැඩි පාසල් සිසුන්ට එන්නත

වයස අවුරුදු 15,16,17 සිසුන්ට කොවිඩ් මර්දන එන්නත ලබාදීමේ වැඩසටහන කොළඹ දිස්ත්‍රික්කයේ පාසල් කිහිපයකින් අද (26 ) ආරම්භ විය

26 October 2021

බුද්ධි මාරඹේ කෘෂි අමාත්‍යාංශයේ තනතුරුවලින් ඉවතට

පේරාදෙණිය විශ්ව විද්‍යාලයේ කෘෂි විද්‍යා පීඨයේ ජ්‍යෙෂ්ඨ මහාචාර්ය බුද්ධි මාරඹේ මහතා කෘෂිකර්ම අමාත්‍යාංශය හා ඒ යටතේ ඇති ආයතනවල දරන තනතුරු සියල්ලෙන් ඉවත් කරන ලෙස කෘෂිකර්ම අමාත්‍ය මහින්දානන්ද අලුත්ගමගේ මහතා කෘෂිකර්ම අමාත්‍යාංශයේ ලේකම් උදිත කේ ජයසිංහ මහතාට අද (26) උපදෙස් දී ඇත.

26 October 2021

යුගදනවි ඇමෙරිකාවට පැවරීමේ තීරණයට ජවිපෙනුත් පෙත්සමක්

කෙරවලපිටිය යුගදනවි තාප විදුලි බලාගාරයේ රජය සතු කොටස්වලින් සියයට 40 ක් අමෙරිකාවේ නිව් ෆෝට්‍රස් නැමැති සමාගමකට ලබාදීමට අමාත්‍ය මණ්ඩලය ගෙන ඇති තීරණය බල රහිත කරන්නැයි ඉල්ලා ජනතා විමුක්ති පෙරමුණේ හිටපු පාර්ලිමේන්තු මන්ත්‍රී සුනිල් හඳුන්නෙත්ති හා අන්තර් සමාගම් සේවක සංගමයේ කැදවුම්කරු වසන්ත සමරසිංහ යන මහත්වරුන් අද (26) අභියාචනාධිකරණය හමුවේ රිට් පෙත්සමක් ගොනු කළහ.

26 October 2021

රටවල් 5කින් සංචාරකයින් ගෙන්වන්න වැඩපිළිවෙළක්

ශ්‍රී ලංකාවට වැඩි වශයෙන් සංචාරකයන් ගෙන්වා ගැනීම සඳහා ලොව ප්‍රමුඛ පෙළේ රටවල් 05ක් ඉලක්ක කර ගනිමින් විශේෂ ප්‍රවර්ධන වැඩසටහනක් කඩිනමින් ක්‍රියාත්මක කරන ලෙස සංචාරක ඇමති ප්‍රසන්න රණතුංග මහතා ශ්‍රී ලංකා සංචාරක ප්‍රවර්ධන කාර්යාශයට උපදෙස් දී ඇත.

26 October 2021

ඉන්ධන ගේන්න දිගුකාලීන කොන්ත්‍රාත්තුවක්

ලබන වසරේ මුල් මාස අටක කාලයේදී මෙරටට පෙට්‍රල් හා ඩීසල් ආනයන කිරීම සඳහා සිංගප්පූරුවේ විටෝල් ඒෂියා ප්‍රයිවට් ලිමිටඩ් සමාගම වෙත දිගුකාලීන කොන්ත්‍රාත්තු ප්‍රදානය කිරීම සඳහා කැබිනට් අනුමැතිය හිමිවූ බව සම කැබිනට් ප්‍රකාශක, වැවිලි අමාත්‍ය වෛද්‍ය රමේෂ් පතිරණ මහතා පැවසීය.

26 October 2021

පොල් ගැටලු විසඳන්න අංකයක්

පොල් වගාව සම්බන්ධ ගැටළු විසඳීමට නව දුරකතන අංකයක් හා වට්සප් අංකයක් හදුන්වා දී ඇතැයි වැවිලි කර්මාන් අමාත්‍ය වෛද්‍ය රමේෂ් පතිරණ මහතා පැවසීය.

26 October 2021

සබරගමුවේ ජ්‍යෙෂ්ඨ නියෝජ්‍ය පොලිස්පතිවරයකුට එරෙහිව පරීක්ෂණයක්

සබරගමුව ජ්‍යෙෂ්ඨ නියෝජ්‍ය පොලිස්පතිවරයකු ඇතුළු නිලධාරීන් දෙදෙනෙක් තරුණයකු වටකරගෙන ඇතිවන යම් නොසන්සුන් තත්ත්වයක් සහිත වීඩියෝවක් සමාජ මාධ්‍යවල හුවමාරුවෙමින් තිබේ.

26 October 2021