එසැණ පුවත්

අද දවස ගැන කාලගුණයේ අනාවැකිය

බස්නාහිර, සබරගමුව, වයඹ සහ දකුණු පළාත්වලත් මහනුවර සහ නුවරඑළිය දිස්ත්‍රික්කවලත් විටින් විට වැසි හහෝ ගිගුරුම් සහිත වැසි ඇතිවන බව කාලගුන විද්‍යා දෙපාර්තමේන්තුව කියයි.

ඉන්ධන බවුසරය වහලය උඩ

කොළඹ සිට හපුතලේ දක්වා ඩීසල් රැගත් තෙල් බවුසරයක් අද (06) අලුයම 2.30 ට පමණ හල්දුම්මුල්ල බත්ගොඩ ප්‍රදේශයේ දී පාරෙන් ඉවතට පැන නිවසක් මතට පෙරළීමෙන් එහි රියදුරු සහ සහයක තුවාල ලබා හල්දුම්මුල්ල දිසා රෝහලට ඇතුළත් කළ බව හපුතලේ පොලීසිය කියයි.

බුදුපිළිමය හෝදන්න නොදුන්නැයි නායක හිමියන් ගස් බැඳලා

වෙසක් පුන් පොහෝ අළුයම මැදවච්චිය ප්‍රදේශයේ විහාරස්ථානයකට මුහුණු ආවරණය කරගෙන කඩා වැදීණු පිරිසක් එම විහාරස්ථානයේ වැඩ වාසය කරන හිමි නමක බුදු මැදුරේ කොන්ක්‍රීට් කණුවක තබා ගැට ගැසූ බව කියන විහාරස්ථානයේ දායකයන් පස්දෙනෙක් මැදවච්චිය පොලිසිය විසින් සැකපිට අත්අඩංගුවට ගනු ලැබූහ.

රුහුණු රට මහා මංගල්‍යයට කප් සිටුවයි

ඓතිහාසික රැහුණු මහා කතරගම දේවාලයේ 2023 ඇසළ මංගල්‍යයට කප් සිටුවීම අද උදැසන සුභ මොහෙතින් සිදු කළේය.

පොදු රාජ්‍ය මණ්ඩල නායක හමුව සාර්ථකව අවසන් වෙයි

ජාත්‍යන්තර ප්‍රමිතිය ඇති ක්‍රීඩා පනතක් එයි

ජාත්‍යන්තර ප්‍රමිතියෙන් යුතු නව ක්‍රීඩා පනතක් සකස් කිරීමට අදාල යෝජනා මාසයක් ඇතුලත ජනාධිපති රනිල් වික්‍රමසිංහ මහතා වෙත බාරදීමට ඒ වෙනුවෙන් පත් කළ කැබිනට් අනුකාරක සභාව තීරණය කර ඇත.

ලාංකිකයන්ට අලුත් හැඳුනුම්පතක් දෙන්න ඉන්දියාවේ සහාය

ලාංකිකයන්ගේ ජනජීවිතයට බලපාන ව්‍යාපෘති තුනක් කඩිනමින් ක්‍රියාත්මක කිරීමට ඉන්දීය රජයේ අවධානය යොමුවී ඇත.

ලක්ෂ 10 එළවළු දන් දෙයි

වෙසක් පොහෝය නිමිත්තෙන් පිලිමතලාවේ ව්‍යාපාරිකයෙක් රුපියල් ලක්ෂ 10 එලවළු දන් දුන්නේය.

ලොකුම තොරණ පානදුරේ

මෙරට විශාලතම තොරණ ලෙස සැලකෙන පානදුර එක්සත් පොදු වෙළෙඳ සංගමය මගින් ඉදිකළ පානදුර හොරණ ප්‍රදර්ශනය කළේය.

මිලක් නැති වට්ටක්කා ගෙඩි පිටින් දන්දෙයි

තලකිරියාගම තෙන්නකෝන්පුර ප්‍රදේශයේ ගොවි මහතකු අක්කර දෙකහමාරක සාර්ථක වට්ටක්කා අස්වැන්න වෙසක් පුන් පොහෝ දින දන් දුන්නේය.

පළාත් තුනක ආණ්ඩුකාරවරුන්ට ගෙදර යන්න කියයි

පළාත් තුනක ආණ්ඩුකාරවරුන්ට ඉල්ලා අස්වන්නැයි ජනාධිපති කාර්යාලයෙන් දැනුම් දී තිබේ.

ඌව වෙල්ලස්ස සරසවි ඇරැඹුම තව කල් යයි

ඌව වෙල්ලස්ස විශ්වවිද්‍යාලයේ මැයි මස 8 වන සදුදා දින ආරම්භ කිරිමට නියමිතව තිබූ පළමු අවුරුද්දේ සරසවි සිසුන්ගේ භෞතික අධ්‍යයන කටයුතු දින නියමයක් නොමැතිව කල් දැමූ බව ඌව වෙල්ලස්ස විශ්වවිද්‍යාලයේ උපකුලපති මහචාර්ය ජයන්ත ලාල් රත්නසේකර මහතා පවසයි .

බුදු පිළිමය යට දරුවකු දමා ගිය මව අත්අඩංගුවට

වත්තේගම පොලිස් වසමේ ඇල්කඩුව මාර්ගයේ මලියදේව ලෙන් විහාරය ඉදිරිපිට බුදු මැදුරේ බුදු පිළිමය යට කුඩා බිළිඳෙකු දමාගිය මව සැකපිට අත්අඩංගුවට ගත් බව පොලීසිය කියයි .

වසා තිබූ නිවාඩු නිකේතනයේ පස්සා දොරෙන් රටබීම දීලා

වෙසක් සතිය පුරා මත්පැන් අලෙවි කිරීම තහනම් කර තිබියදී එම තහනම් නියෝගය නොතකා හැර බලපත්‍ර නීති රීති උල්ලංඝනය කරමින් වේයන්ගොඩ ප්‍රදේශයේ පිහිටි නිවාඩු නිකේතනයක බියර් සහ අරක්කු බෝතල් විකුණමින් සිටියේ යැයි කියන එම අවන්හලේ සේවකයකු සැකපිට අත්අඩංගුවට ගත් බව වේයන්ගොඩ පොලිසිය පවසයි

පාරිභෝගික අධිකාරියේ විමර්ෂණ නිලධාරීහූ සඳුදා විරෝධය දක්වති

නාරම්මල, බිහාල්පොල ප්‍රදේශයේ බිත්තර සඟවා ඇතැයි කියන ස්ථානයක් පරීක්ෂාවට ගිය පාරිභෝගික කටයුතු පිළිබඳ අධිකාරියේ කුරුණෑගල දිස්ත්‍රික් කාර්යාලයේ නිලධාරීන්ට පහර දීමේ සිද්ධියට විරෝධය දක්වමින් එම අධිකාරියේ සියලුම විමර්ෂණ නිලධාරීන් එළඹෙන සඳුදා (8 වැනිදා) සියලුම ක්ෂේත්‍ර රාජකාරිවලින් ඉවත්ව විරෝධතාව දක්වන බව පාරිභෝගික කටයුතු පිළිබඳ අධිකාරියේ සමස්ත ලංකා විමර්ෂණ නිලධාරීන්ගේ සංගමයේ සභාපති කෝසල රංගනාත් මහතා අද (5) පැවසීය.

දැදුරුඔයේ වාන් දොරටු 2ක් විවෘත කරයි

පවතින වැසි තත්වය හේතුවෙන් දැදුරුඔය ජලාශයේ වාන් දොරටු දෙකක් අද(05) සවස සිට අඩි 01 බැගින් විවෘත කළ බව ජලාශය බාර වාරි ඉන්ජිනේරු සම්පත් සමරජීව මහතා පැවසීය.

ගම්පහින් කොරෝනා මරණ 2ක්

කොරෝනා වැළදීමෙන් තවත් මරණ දෙකක් ගම්පහ දිස්ත්‍රික්කයේ සිදුව ඇති බව දිස්ත්‍රික් සෞඛ්‍ය සේවා අධ්‍යක්ෂ කාර්යාලය සදහන් කරයි.

විදුලිය ප්‍රතිව්‍යුහගත කිරීමට ආසියානු සංවර්ධන බැංකු සහය

මෙරටට විදුලිබල ක්ෂේත්‍රයේ ප්‍රතිව්‍යුහගත කිරීමේ සහ කාර්යක්ෂම කිරීමේ වැඩපිළිවෙලට ආසියානු සංවර්ධන බැංකුව උපදෙස් දෙන බවත් එම බැංකුවේ උපදේශක සේවා අධ්‍යක්ෂවරයා ඇතුළු විශේෂ නියෝජිත කණ්ඩායමක් මේ වන විට ශ්‍රී ලංකාවට පැමිණ සිටින බවත් විදුලිබල හා බලශක්ති අමාත්‍ය කංචන විජේසේකර මහතා පැවසීය.

රන් සොරකමකට කබර සුරේෂ් ඇතුළු 3ක් අල්ලයි

බොරැල්ලේ කෝටිපති ව්‍යාපාරික නිවසක් බිද රුපියල් කෝටි එක හමාරක් පමණ වටිනා රන් භාණ්ඩ සහ විදේශීය මුදල් සොරා ගැනීම සම්බන්ධයෙන් කබර සුරේශ් ඇතුළු තිදෙනෙක් අත්අඩංගුවට ගත් බව කොළඹ අපරාධ කියයි.

නූපන් බිළිඳියකට සැත්කමක්

ඇමෙරිකාවේ බොස්ටන් ළමා රෝහලේදී ලොව ප්‍රථම වතාවට මවගේ ගර්භාෂය තුළදී බිළිඳියකට මොළයේ සැත්කමක් සිදු කර ඇත.

රට පුරා දාන ශාලා 7000ක්

වෙසක් උත්සවය වෙනුවෙන් දන්සල් 7,000ක් පමණ පැවැත්වීමට ලියාපදිංචි වී ඇති බව මහජන සෞඛ්‍ය පරීක්ෂකවරු පවසති.

හෙරොයින් සැකකරු ළඟ ලක්‍ෂ 5ක විදේශ මුදල්

හෙරොයින් සන්තයේ තබාගැනීමේ වරදට අත්අඩංගුවට ගත් පුද්ගලයෙක් සන්තකයේ තිබී රුපියල් ලක්‍ෂ 5 කට ආසන්න වටිනාකමින් යුත් විදේශ මුදල් සොයාග්ත බවත් එම විදේශ මුදල් අතර ස්ටර්ලිං පවුම් 50 යේ නෝට්ටු 17 ක් සහ ඇමරිකානු ඩොලර් 100 නෝට්ටු 5 ක් සොයාගත් බවත් කොළඹ අපරාධ කොට්ටාසයේ උසස් නිලධාරියෙක් පැවසීය.

රනිල්ගේ ඉල්ලීමට පොදු රාජ්‍ය මණ්ඩල නායක හමුවක් අද

තෙවන චාල්ස් රජුගේ රාජාභිෂේක උළෙලට සහභාගී වීම සඳහා ලන්ඩන් නුවරට පැමිණි පොදු රාජ්‍ය මණ්ඩලයේ රටවල නායකයන් සහ තෙවන චාල්ස් රජු අතර හමුවක් අද(5) පැවැත්වීමට නියමිතය.

විදේශ සමාගම් 3ට දෙන්න ඉන්ධන හල් කාණ්ඩගත කරයි

මෙරට ඉන්ධන ආනයනය, බෙදාහැරීමේ සහ අළෙවි කිරීමේ ව්‍යාපාරයට එක්වන විදේශ සමාගම් තුනට හිවන ඉන්ධන පිරවුම්හල් 350 පිරිවුම්හල් 150 බැගින් කාණ්ඩ තුනකට වෙන්කර ඇතැයි විදුලිබල හා බලශක්ති අමාත්‍ය කංචන විජේසේකර මහතා පැවසීය.

සෞඛ්‍ය පරීක්‍ෂකවරු දන්සැල් පරීක්‍ෂා කරති

වෙසක් උත්සවය වෙනුවෙන් සූදානම් කර ඇති ආහාර වර්ග සහ බීම දන්සැල් නිසි සෞඛ්‍ය තත්වයන්ට අනුව තිබේදැයි පරීක්‍ෂා කිරීම සමස්ත රටම ආවරණය වන ලෙස අද (5) පෙරවරුවේ ආරම්භ කළ බව මහජන සෞඛ්‍ය පරීක්‍ෂකවරුන්ගේ සංගමය පැවසීය.

කැලණිය රජමහා විහාරය බැතිමතුන්ගෙන් පිරෙයි

වෙසත් පෝය දින වන අද (5) කැලණිය රජමහා විහාරයට බැතිමතුන් විශාල පිරිසක් සුදු වතින් සැරසී පැමිණ සිටියහ.

දහම් අධ්‍යාපනය අනිවාර්ය කරන්න යෝජනාවක්

මෙවර වෙසක් උත්සවයට සමගාමීව දහම් පාසල් අධ්‍යාපන අනිවාර්ය කිරීමට බුද්ධශාසන ආගමික සහ සංස්කෘතික කටයුතු අමාත්‍ය විදුර වික්‍රමනායක මහතා කැබිනට් මණ්ඩලයට යෝජනාවක් ඉදිරිපත් කර තිබේ.

කජුගමදී බස් දෙකක් මුහුණට මුහුණ ගැටෙයි

කොළඹ මහනුවර මහා මාර්ගයේ බටලීය කජුගම ප්‍රදේශයේ දී අද (5) උදේ සිදුවූ රිය අනතුරකින් කුඩා දරුවන් දෙදෙනෙකු ඇතුළු විසි තුන් දෙනෙකු තුවාල ලබා රෝහල් ගතකර ඇතැයි නිට්ටඹුව පොලිසිය කියයි .