එසැණ පුවත්

සා.පෙ. ප්‍රතිඵල සැප්තැම්බරයේදී

පසුගියදා පැවැති අධ්‍යන පොදු සහතික පත්‍ර සාමාන්‍ය පෙළ විභාග ප්‍රතිඵල ලබන සැප්තැම්බර් මාසයේදී ලබා දීමට විභාග දෙපාර්තමේන්තුව සූදානම් ව සිටින බව අධ්‍යාපන අමාත්‍ය ආචාර්ය සුසිල් ප්‍රේම ජයන්ත මහතා හෝමාගම දී අද (23) පැවසීය.

23 July 2024

ඝාතනයකට යොදා ගත් ගිනිඅවියක් නුගේගොඩින් හමුවෙයි

ඩුබායි රාජ්‍යය මගින් අත්අඩංගුවට ගෙන අපරාධ පරීක්ෂණ දෙපාර්තමේන්තුවේ නිලධාරීන් විසින් මෙරටට රැගෙන ආ සැකකරුවකුගෙන් කළ ප්‍රශ්න කිරිම්වලදී ඝාතනයක් සදහා යොදාගත් ගිනි අවියක් නුගේගොඩ ප්‍රදේශයේ වළදමා තිබියදී අපරාධ පරීක්ෂණ දෙපාර්තමේන්තුව විසින් සොයගනු ලැබීය.

23 July 2024

පොහොට්ටුවේ දිස්ත්‍රික් දොළහක නායකයෝ රහසිගත හමුවක

ජනාධිපතිවරණය සඳහා ජනාධිපති රනිල් වික්‍රමසිංහ මහතා හැර වෙනත් අපේක්ෂකයකු ඉදිරිපත් කළහොත් ඊට එරෙහි වී ජනපතිට සහය දීම සම්බන්ධයෙන් ශ්‍රී ලංකා පොදුජන පෙරමුණේ දිස්ත්‍රික්ක 12ක නායකයන් තීරණය කර ඇතැයි දේශපාලන ආරංචි මාර්ග පවසයි .

23 July 2024

වකුගඩු ගැලවූ දරුවා ගැන පියවරක් නෑ

හන්දි නමැති තුන් හැවිරිදි දරුවා කොළඹ රිජ්වේ ආර්යා ළමා රෝහලේදී වකුගඩු දෙක ඉවත් කිරීමෙන් පසු මියයෑම සම්බන්ධයෙන් එම සිද්ධියවී වසරකට ආසන්න කාලයක් ගතවී ඇතත් මෙතෙක් කිසිම පියවරක් ගෙන නැතැයි පත් කළ මන්ත්‍රී මුජිබර් රහුමාන් මහතා පාර්ලිමේන්තුවේදී අද (23) ප්‍රකාශ කළේය.

23 July 2024

ඒ නවය මාර්ගයේ බරපතල තුවාල සහිත මළ සිරුරක්

මහනුවර යාපනය ඒ - නවය මාර්ගයේ, තිරප්පනය පොලිස් වසමේ ගල්කුලම ප්‍රදේශයේ කි.මී. 122 සහ 123ත් අතර ප්‍රදේශයේ මාර්ගයේ තිබු බරපතල තුවාල ලබා ජීවිතක්ෂයට පත්වූ පුද්ගලයෙකුගේ මළ සිරුරක් අද (23) සොයා ගත් බව තිරප්පනය පොලිසිය පවසයි.

23 July 2024

වසන්තගේ ප්‍රකාශය නිසා හඩ්සන්ට මරණ තර්ජන

ජනතා විමුක්ති පෙරමුණේ මධ්‍යම කාරක සභික වසන්ත සමරසිංහ මහතා කළ ප්‍රකාශයක් නිසා ගුවන් විදුලි සංස්ථාවේ සභාපති හඩ්සන් සමරසිංහ මහතාගේ ජීවිතය තර්ජනයට ලක්ව ඇතැයි ජනමාධ්‍ය අමාත්‍ය බන්දුල ගුණවර්ධන මහතා පාර්ලිමේන්තුවේදී අද (23)පැවසීය.

23 July 2024

තහනම් ඖෂධ අ‘පුර බෙදාහැරි ජාවාරම්කරු ඇතුළු 6ක් අල්ලයි

පෞද්ගලික ඖෂධ සමාගමක උතුරු මැද පළාත භාර අලෙවි නිලධාරියෙකු ලබා දෙන තහනම් ඖෂධ, තොග වශයෙන් අනුරාධපුර නගරය තුල සහ ඒ අවට බෙදා හැරී ප්‍රධාන ජාවාරම්කරු ලක්ෂ 3කට ආසන්න ඖෂධ කරල් 2400ක් සමග අත්අඩංගුවට ගත් බව අනුරාධපුර මූලස්ථාන පොලිසියේ දූෂණ මර්දන අංශය පවසයි.

23 July 2024

‘ආයතන 25ක දුෂණ වංචා ගැන දැනුම් දුන්නත් විමර්ශන නෑ‘

ආයතන 25ක පමණ දූෂණ වංචා සම්බන්ධයෙන් අල්ලස් දූෂණ චෝදනා විමර්ශන කොමිෂන් සභාවට සහ පොලිස්පතිවරයාට යොමු කර ඇතත් නිසියාකාරව විමර්ශන පවත්වා නැතැයි අධිකරණ බන්ධනාගාර කටයුතු සහ ආණ්ඩුක්‍රම ව්‍යවස්ථාව ප්‍රතිසංස්කරණ අමාත්‍ය ආචාර්ය විජයදාස රාජපක්ෂ මහතා පාර්ලිමේන්තුවේදී අද (23) පැවසීය.

23 July 2024

බේරේ කුරුළු දූව ජිනරතනයට

බේරේ වැව, කුරුලු දූපත පිහිටි ඉඩම් කොටස සංවර්ධන කටයුතු සඳහා ශ්‍රී ජිනරතන භික්ෂු අභ්‍යාස විද්‍යාලය කාරක සභාව වෙත දීර්ඝකාලීන බදු පදනම මත ලබා දීම සඳහා කැබිනට් අනුමැතිය ලැබී ඇත

23 July 2024

අල්ලස් ගත්බව කියන ඉඩම් නිලධාරියෙක් අත්අඩංගුවට

කැකිරාව ප්‍රදේශයේ වෙළෙදසලක බදු ඔප්පුවක් පැමිණිලිකරුගේ නමින් ‍වෙනස්කරදීම සදහා රුපියල් ලක්ෂ 2 ක අල්ලස් ගත් බව කියන කැකිරාව ප්‍රාදේශීය ලේකම් කාර්යාලයේ ඉඩම් නිලධාරියකු අත්අඩංගුවට ගත් බව අල්ලස් හෝ දූෂණ චෝදනා විමර්ශන කොමිසන් සභාව පවසයි.

23 July 2024

පාසල් සිසුන්ට චීනයෙන් නොමිලේ නිල ඇඳුම්

ලබන වර්ෂය සදහා පාසල් සිසුන්ට අවශ්‍ය නිල ඇදුම් සම්පූර්ණයෙන්ම නොමිලයේ ලබා දීමට චීන රජය එකගතාවය පල කර ඇතැයි අධ්‍යාපන අමාත්‍ය ආචාර්ය සුසිල් ප්‍රේමජයන්ත මහතා පවසයි.

23 July 2024

වැටුප් විෂමතා ගැන අහන්න ජනපති කාර්යාලය ’’දොරක්’’ අරී

රාජ්‍ය සේවයේ වැටුප් විෂමතාවන් සම්බන්ධයෙන් කටයුතු කිරීම සඳහා පත්කරන ලද විශේෂඥ කමිටුව වෙත වැටුප් දීමනා සංශෝධනය කිරීම සඳහා වන යෝජනා කැඳවීම ආරම්භ කර ඇතැයි ජනාධිපති කාර්යාලය පවසයි .

23 July 2024

දින දෙකක් ඖෂධ හලක මිනියක් තියාගෙන

යාපනය නගරයේ ගන්ධාර්මඩම් ප්‍රදේශයේ පවත්වාගෙන ගිය පෞද්ගලික ඖෂධහලක තුල දින දෙකක් තිස්සේ මළසිරුරක් තබාගෙන ඉන්පසු අවසන් කටයුතු සිදුකිරීම සම්බන්ධයෙන් පරීක්ෂණයක් අරඹා ඇතැයි යපනය මහජන සෞඛ්‍ය පරික්ෂක කාර්යාලය කියයි.

23 July 2024

රන්මිණිතැන්න බදු දෙන්න යයි

මහින්ද රාජපක්ෂ ජාතික ටෙලි සිනමා උද්‍යානය රාජ්‍ය - පෞද්ගලික හවුල්කාරිත්වය යටතේ පවත්වා ගෙන යාමට කැබිනට් අනුමැතිය ලැබී ඇත.

23 July 2024

බදු කඩිනම් කරන්න පනත සංශෝධනය කරයි

බදු අභියාචනා ක්‍රියාවලිය කඩිනම් කිරීම සඳහා 2017 අංක 24 දරන දේශීය ආදායම් පනත සංශෝධන කිරීමට කැබිනට් අනුමැතිය ලැබී ඇත.

23 July 2024

රන් බඩු උගස් කළ අයට ආණ්ඩුවෙන් සහනයක්

බැංකු වල රන් ආභරණ උකසට තැබූ පුද්ගලයින්ට සහන සැලසීම සඳහා කැබිනට් අනුමැතිය ලැබී ඇත.

23 July 2024

වේදනා නාශක මතට ඇබ්බැහි වූවන්ට අලෙවි කළ ස්ථානයක් වටලයි

වෛද්‍යවරයෙකුගේ නිර්දේශයකින් තොරව ලබාදීමට නොහැකි අධි වේදනා නාශක ඖෂධ ,මත් ද්‍රව්‍ය භාවිතයට යොමු වූවන්ට අලෙවි කෙරෙන මාකොල ප්‍රදේශයේ ස්ථානයක් වටලා එහි සේවයෙහි නිරතව සිටි කාන්තාවන් තිදෙනෙකු අත් අඩංගුවට ගනු ලැබූ බව ගම්පහ සෞඛ්‍ය සේවා අධ්‍යක්ෂ කාර්යාලයේ ආහාර හා ඖෂධ පරීක්ෂක ඒකකය සදහන් කරයි.

23 July 2024

කොරෝනා සිරුරු ආදාහනය කළාට රජය සමාව ඉල්ලයි

COVID - 19 වසංගතය අතරතුර ශ්‍රී ලංකාවේ බලාත්මක කරන ලද අනිවාර්ය ආදාහන ප්‍රතිපත්තිය සම්බන්ධව සමාව අයැදීමට කැබිනට් අනුමැතිය ලැබී ඇත.

23 July 2024

ගින්නකින් අකුරැස්සේ විහාරස්ථානයක ඝංඝාවාසයක් විනාශවෙයි

අකුරැස්ස ඓතිහාසික පොල්පිටිය බෞද්ධ මධ්‍යස්ථාන විහාරස්ථානයේ ඇති වූ ගින්නකින් සම්පූර්ණයෙන්ම සංඝාවාසය ගිණිගෙන විනාශ වී ඇතැයි පොලීසිය කියයි.

23 July 2024

පඩි වැඩි කරන පනත පාර්ලිමේන්තුවට

2016 අංක 3 දරන සේවකයන්ගේ ජාතික අවම චේතන සංශෝධිත පනත පාර්ලිමේන්තුවට ඉදිරිපත් කිරීම සඳහා කැබිනට් අනුමැතිය ලැබී ඇත.

23 July 2024

බඹරු පාසලක් වහයි

බඹර කූඩුවකට උකුස්සන් කෙටීමෙන් පසු බඹරු ඇවිස්සී පාසල් දරුවකු හා දෙමාපියන් කිහිප දෙනෙකුට දෂ්ට කිරීමෙන් මඩිතිියවල ප්‍රාථමික විද්‍යාලය අද( 23) වසා පාසල් දරුවන් නිවෙස් වලට යැවීමට පියවර ගත්තේය.

23 July 2024

කොලඑළිය කණිෂ්ඨයට අලි ප්‍රහාරයක්

පල්ලමඉහල කොලඑළිය කණීෂ්ඨ විද්‍යාලය අද( 23) අලුයම කඩා වැදුණු වල් අලි රංචුවක් එහි ආරක්ෂිත වැට කඩා වනසා තිබේ.

23 July 2024

වෝඩ් පෙදෙසේ ත්‍රිරෝද රියක කපා කොටා දැමු සිරුරක්

තියුණු ආයුධ වලින් කපා කොටා ඝාතනය කළ පුද්ගලයෙකුගේ සිරුරක් වෝඩ් පෙදෙස දන්ත රෝහල ඉදිරිපිට තිබියදී සොයා ගත් බව කුරුඳුවත්ත පොලිසිය පවසයි.‍

23 July 2024

කේ. සුජිවා රෝහලෙන් පිටව යයි

අතුරුගිරිය ටැටූ ආයතනයේදී සුරේන්ද්‍ර වසන්ත පෙරේරා හෙවත් ක්ලබ් වසන්ත නැමැත්තාට වෙඩි තැබීමේ සිද්ධියේදී වෙඩි වැදී කොළඹ ජාතික රෝහලේ ප්‍රතිකාර ලබමින් සිටි ගායන ශිල්පිනී කේ. සුජීවා ප්‍රතිකාර ලබා රෝහලෙන් පිටව ගොස් ඇති බව උසස් පොලිස් නිලධාරියෙක් පැවැසීය.

23 July 2024

කොටි සමයේ රන් හොයන්න ගිය ලුතිනන් එස් ටී එෆ් දැලේ

එල්.ටී.ටී.ඊ. සංවිධානය විසින් යුද සමයේ වලදමා ඇති බවට සැකකරන අවි ආයුධ සහ රත්ත්‍රං සොයමින් සිටි බවට සැක කරන යුද හමුදා ලුතිනන්වරයකු සහ තවත් සැකකරුවන් තිදෙනෙකු තල්පාඩු ප්‍රදේශයේදී අත්අඩංගුවට ගත් බව පොලිස් විශේෂ කාර්ය බළකාය පවසයි.

23 July 2024

බස්නාහිරට සබරගමුවට අදත් වැස්ස

බස්නාහිර සහ සබරගමුව පලාත්වලත් මහනුවර,ගාල්ල සහ මාතර දිස්ත්‍රික්කවලත් වැසි වාර කීපයක් ඇති වන බව කාලගුණ විද්‍යා දෙපාර්තමේන්තුව කියයි.

23 July 2024

ඡන්දෙට බඩු ගන්න කොමිසම ලංසු කැඳවයි

මැතිවරණයක් සඳහා අවශ්‍යවන නොමැකෙන තීන්ත ඇතුළු ලිපි ද්‍රව්‍ය කඩිනමින් මිලදී ගැනීමට මැතිවරණ කොමිෂන් සභාව තීරණය කර තිබේ.

22 July 2024

ලෝක නායකයෝ විලාසිතා දැක්මක....

ඉන්දීය අග්‍රාමාත්‍ය නරේන්ද්‍ර මෝදි, ඇමෙරිකා ජනාධිපති ජෝ බයිඩන් සහ රුසියානු ජනාධිපති ව්ලැදිමීර් පුටින් ඇතුළු ප්‍රසිද්ධ ලෝක නායකයන් සහ තාක්ෂණික ලෝකයේ දැවැන්තයන්ගේ රුව යොදා ගනිමින් කෘත්‍රිම බුද්ධි තාක්ෂණයෙන් නිර්මාණය කරන ලද විලාසිතා දැක්මක වීඩියෝවක් ටෙස්ලා සමාගමේ නිර්මාතෘවරයකු මෙන්ම ප්‍රධාන විධායක නිලධාරියා ද වන ඊලෝන් මසක් ඔහුගේ එක්ස් සමාජ මාධ්‍ය ගිණුම ඔස්සේ ලෝකයා සමග බෙදා හදා ගත්තේය.

22 July 2024