එසැණ පුවත්

ඉතියෝපියාවේ 232 ක් පණ පිටින් වැළලෙති

අප්‍රිකා රාජ්‍යයක් වන ඉතියෝපියාවේ සිදුවුණු නායයෑම් දෙකකින්, දෙසිය තිස් දෙදෙනෙක් ජීවිතක්ෂයට පත් වූහ. නායයෑම් හටගත්තේ නොකඩවා ඇද හැලුණු මහ වැසි හේතුවෙනි.

කෝටි දෙකහමාරක හෙරොයින් වතුර ටැංකියක

වතුර ටැංකියක සඟවා තිබූ දෙකෝටි දාහතර ලක්ෂයක් පමණ වටිනා හෙරොයින් කිලෝවකට වැඩි ප්‍රමාණයක් මිනුවන්ගොඩ අලුතෑපොළ ප්‍රදේශයේදී සිය බාරයට ගත් බව පොලිස් විශේෂ කාර්ය බලකාය කියයි.

රිය අනතුරින් එක් අයකු මරුට:තිදෙනකුට තුවාල

හම්බන්තොට සූරිය වැව අඩි 100 මාර්ගයේ වියළි කලාපීය උද්භිත උද්‍යානය අසලදී සිව් දෙනකු ගමන් කොට ඇති යතුරුපැදියක් හා නාවික හමුදා කැබ් රථයක් මුහුණට මුහුණ ගැටීමෙන් යතුරුපැදියේ ගමන් කළ එක් අයකු මියගොස් අනෙක් තිදෙනා තුවාල ලබා හම්බන්තොට දිස්ත්‍රික් මූලික රෝහලට ඇතුළත් කළ බව හම්බන්තොට පොලිසිය පවසයි.

අදත් තැනින් තැන වැසි

බස්නාහිර සහ සබරගමුව පළාත්වලත් මහනුවර, නුවරඑළිය, ගාල්ල සහ මාතර දිස්ත්‍රික්කවලත් වැසි වාර කිහිපයක් ඇතිවිය හැකි බව කාලගුණවිද්‍යා දෙපාර්තමේන්තුව කියයි.

කුරුණෑගල පිරමීඩ සිද්ධියට තුනක් රිමාන්ඩ්

ජනතා මුදල් රුපියල් කෝටි 350කට අධික මුදලක් වංචා කළේ යැයි කියන කුරුණෑගල ’’රයිඩ් ටූ ත්‍රී ෆ්‍රීඩම්’’ (Ride to Three Freedom) නොහොත් R3F පිරමීඩාකාර සමාගමේ අධ්‍යක්ෂක මණ්ඩලයේ තිදෙනෙකු ලබන 05 දින දක්වා රක්ෂිත බන්ධනාගාර ගත කිරීමට කොළඹ ප්‍රධාන මහේස්ත්‍රාත් තිළිණ ගමගේ මහතා නියෝග කළේය.

පිහියක් රැගෙන පොලිසියට පාට් දමා කූඩුවේ ලගී

කොළඹ ගෑන්ඩ්පාස් ස්ටේට් පාර ප්‍රදේශයේදී අයිස් මත්ද්‍රව්‍ය සමග අත්අඩංගුවට ගත් සැකකරුවකු මුදා ගැනීමට පොලිස් නිලධාරීන්ට පිහියක් අමෝරා ආ සැකකරු රැගෙන යාමට උත්සාහ කළ පුද්ගයකු අත්අඩංගුවට ගත් බව ග්‍රෑන්ඩ්පාස් පොලිසිය කියයි.

ක්ලබ් වසන්ත ඝාතනයේ තවත් දෙකක් සැකපිට

අතුරුගිරිය නගරයේ ටැටූ මධ්‍යස්ථානයක් තුළදී වෙඩි තබා දෙදෙනකු ඝාතනය කර තවත් සිව් දෙනකුට තුවාල සිදු කිරීමේ සිද්ධියේ වෙඩික්කරුවන් ප්‍රවාහනය කළ වෑන් රථයේ සහ බස් රථයේ රියදුරන් ලෙස කටයුතු කළ පුද්ගලයන් දෙදෙනා ඊයේ (22) රාත්‍රි අත්අඩංගුවට ගත් බව අතුරුගිරිය පොලිසිය පවසයි.

බසවක්කුලව වැව් බැම්ම කාපට් කිරීම නවතයි

ශ්‍රී ලංකා ඉතිහාසයේ ප්‍රථම වැව ලෙස සැලකෙන ඉතා වටිනා පෞරාණික වටිනාකමක් සහිත බසවක්කුලම වැවේ (අභය වැව ) පෞරාණිකත්වය විනාශ කරමින්, වැව් බැම්ම අවසරයකින් තොරව කාපට් අතුරා සැකසීමට කටයුතු කිරීමට ගත් උත්සහාය වාරිමාර්ග දෙපාර්තමේන්තුව වහා ක්‍රියාත්මක වී එය නවතා දමන ලෙසට මාර්ග සංවර්ධන අධිකාරියට දැනුම් දී තිබේ.

හෙද හෙදි හිගයෙන් මාතලේ රෝහල හාන්සියි

මාතලේ දිස්ත්‍රික් මහ රෝහලේ හෙද හෙදි කාර්ය මණ්ඩලයේ උග්‍ර හිඟය හේතුවෙන් එහි සේවා රැසක් අඩපණවිමේ අවදානමක් මතුවී වි ඇතැයි එහි ප්‍රකාශකයෙක් පැවැසීය.

දරුවන් තිදෙනා මුදල් හා රන් භාණ්ඩ අහුලා හිමිකාරියට දීලා

මහ මඟ වැටී තිබූ මුදල් පසුම්බියක සහිත රන් භාණ්ඩ කීපයක් අහුලා හිමිකාරියට ලබාදීමට මහනුවර මැණික්හින්න මහා විද්‍යාලයේ දරුවන් දෙදෙනකු කටයුතු කර ඇත.

අනුලා දේවි චෛත්‍යෙය් කැනීම් වෙනත් පාර්ශවයකට දීලා

මිහින්තලේ අනුලා සෑයේ කැනීම් කටයුතු සිදුකිරීම සඳහා මල්වතු මහනාහිමියන් දැනුවත් නොකර පුරාවිද්‍යා දෙපාර්තමේන්තුව වෙනත් පාර්ශවයක් සමග ගිවිසුමකට එළඹීම සම්බන්ධයෙන් මිහින්තලා රජ රජමහා විහාරාධිපති වලවා හැංගුණවැවේ ධම්මරතන හිමියන්ගේ දැඩි විරෝධයක් එල්ල කරති.

පොහොට්ටුව දෙදරයි

ජනාධිපති අපේක්ෂකයා සම්බන්ධයෙන් විවිධ පරස්පර විරෝධි මත හේතුවෙන් ශ්‍රී ලංකා පොදු ජන පෙරමුණේ කිසියම් දෙදරීමක් හටගෙන ඇතැයි වාර්තා වේ.

නැටුම් ගුරාට වැඩ වරදියි

පැලවත්ත ප්‍රදේශයේ රජයේ ආයතනයක කාමරයක් තුල දී තම16 හැවිරිදි ශිෂ්‍යාවකට ලිංගික අතවර කළ බව කියන සිද්ධියක් සම්බන්ධයෙන් නර්තන ගුරුවරයෙකු අද (23) දින සැකපිට අත් අඩංගුවට ගත් බව තලංගම පොලිසිය පවසයි.

මැතිවරණ කොමිසම හෙට රැස්වෙයි

ජනාධිපතිවරණයේ දින තීරණය කිරීම සඳහා මැතිවරණ කොමිෂන් සභාව හෙට (24) රැස්වීමට නියමිතය.

ඔන්ලයින් පනත සංශෝධනයට කැබිනට් අනුමැතිය

මේ වනවිට බලාත්මකව පවතින මාර්ග ගත ක්‍රමවල සුරක්ෂිත භාවය පිළිබඳ පනත් කෙටුම්පත සංශෝධනය කිරීම සඳහා කැබිනට් මණ්ඩලයේ අනුමැතිය හිමිවී තිබේ.

ල.වි.බ.ම. අතිරේක සමාන්‍යාධිකාරි ධූරය අත්හිටුවමින් අතුරු තහනමක්

ලංකා විදුලි බල මණ්ඩලයේ අතිරේක සාමාන්‍යාධිකාරී ධුරයේ වැඩ ආවරණය කිරීමට විදුලි ඉන්ජිනේරු ඩබ්ලිව්. ජයරත්න මහතා පත් කිරීමට ගත් තීරණය ක්‍රියාත්මක කිරීම අත්හිටුවමින් අභියාචනාධිකරණය අද (23) අතුරු තහනම් නියෝගයක් නිකුත් කළේය.

පාවහන් අනයනය කරන මුවාවෙන් දුම්වැටි-මත්පැන් හොරෙන් ගෙන්නලා

පාවහන් ආනයනය කරන මුවාවෙන් පාවහන් තොග වල සඟවා දුම් වැටි සහ මත්පැන් හොරෙන් ගෙන ඒමේ මහා පරිමාණ ජාවාරමක් කාලයක සිට ක්‍රියාත්මක වන බව රේගු ආරංචි මාර්ග සඳහන් කරයි.

සිවිල් නඩු විධාන පනත සම්මතයි

සිවිල් නඩු විධාන සංග්‍රහය (සංශෝධන) පනත් කෙටුම්පත පාර්ලිමේන්තුවේදී අද (23) ඡන්ද විමසීමකින් තොරව සංශෝධන සහිතව සම්මත විය.

ආබාධිත පුද්ගලයින් වෙනුවෙන් සාහිත්‍ය තරඟාවලියක්

ආබාධ සහිත පුද්ගලයින්ගේ සංස්කෘතික අයිතීන් ප්‍රවර්ධනය කිරීමේ අරමුණින් ඔවුන් වෙනුවෙන් සාහිත්‍යය හා කලා නිර්මාණ තරගාවලියක් පැවැත්වීමට බුද්ධ ශාසන හා ආගමික සංස්කෘති කටයුතු අමාත්‍යංශය තීරණය කර තිබේ.

‘‘බී කොයින්ස්‘‘ ප්‍රචාරය කළ තුනකට රට යාම තහනම් කරයි

ඔලිම්පික් යන රණවිරුවන්ට හමුදාපතිගෙන් තෑගි

ප්‍රංශයේ පැරිස් නුවර පැවැත්වීමට නියමිත ඔලිම්පික් ක්‍රිඩා තරඟාවලියට යාම සදහා සුදුසුකම් ලැබූ යුද හමුදා මාණ්ඩලික සැරයන්වරුන්ට යුද හමුදාධිපති ලුතිතන් ජෙනරාල් විකුම් ලියනගේ මහතා රුපියල් ලක්ෂ 20 ක මුදලක් පිරිනැමීය.

විජයදාස සමාව ගනියි

කොව්ඩ් සමයේදී මුස්ලිම් ජනතාවගේ දේහ ආදාහනයට නියෝග පැනවීමෙන් සිදුවූ අපහසුතාව ගැන ඉස්ලාම් ජනතාවගෙන් තමා සමාව ඉල්ලා සිටින බව අධිකරණ බන්ධනාගාර කටයුතු සහ ආණ්ඩුක්‍රම ව්‍යවස්ථා ප්‍රතිසංස්කරණ අමාත්‍ය ආචාර්ය විජයදාස රාජපක්ෂ මහතා පාර්ලිමේන්තුවේදී අද (23) පැවසීය.

ලිට්‍රෝ ගෑස් හිඟයක්?

ලිට්‍රෝ ගෑස් හිඟයක් ඇතැම් ප්‍රදේශවල සතියක පමණ කාලයත සිට පවතින බව ගෑස් පාරිභෝගිකයෝ පවසති.

කොමියුනිස්ට් පක්ෂය නව දේශපාලන පෙළගැස්මක

සියලූ ජාතික සහ ජාත්‍යන්තර සාධක සැළැකිල්ලට ගෙන ශ්‍රී ලංකාවේ කොමියුනිස්ට් පක්ෂය සියලු අධිරාජ්‍ය විරෝධී දේශප්‍රේමී, ප්‍රගතිශීලි වාමගාමී, බලවේගවලට නව දේශපාලන පෙළගැස්මකට අවධානය යොමු කරන ලෙස ඉල්ලා සිටින බව එම පක්‍ෂයේ ප්‍රධාන ලේකම් වෛද්‍ය ජී. වීරසිංහ මහතා නිවේදනයක් නිකුත් කරමින් පවසයි.

මාලෙත් කඩාගෙන පී.සීටත් පිහියෙන් අනී

කතරගම වල්ලි අම්මා දේවාලය අසලදී කාන්තාවකගේ රන්මාලයක් කඩා දිවගිය සැකකරුවකු අල්ලාගැනීමට යාමේදී සැකකරු දැලි පිහියකින් පොලිස් කොස්තාපල්වරයකුගේ අත කපා පලාගොස් ඇතැයි කතරගම පොලිසිය පවසයි.

ශෙහාන්ගෙන් වරප්‍රසාද ප්‍රශ්නයක්

කටුනායක ගුවන්තොටුපොළේ වීසා නිකුත් කිරීම සම්බන්ධයෙන් මුදල් පිළිබඳ කාරක සභාවේ සභාපති ආචාර්ය හර්ෂද සිල්වා මහතා පාර්ලිමේන්තුවට ඉදිරිපත් කළ වාර්තාව සම්බන්ධයෙන් මුදල් රාජ්‍ය අමාත්‍ය ශෙහාන් සේමසිංහ මහතා පාර්ලිමේන්තුවේදි අද (23) වරප්‍රසාද ප්‍රශ්නයක් මතු කළ අවස්ථාවේදීය.

අන්ධ ප්‍රජාවට ‍විශේෂ ඡන්ද පත්‍රිකාවක්

එළඹෙන ජනාධිපතිවරණයේදී දෘෂ්‍යාබාධිත ප්‍රජාව වෙනුවෙන් ‍විශේෂ ඡන්ද පත්‍රිකාවක් පළමු වරට නිකුත් කරන බව මැතිවරණ කොමසාරිස් ජනරාල් සමන් ශ්‍රී රත්නායක මහතා වගකිවයුතු රජයක් පිළිබඳ ආංශික අධීක්ෂණ කාරක සභාවේදී පැවැසීය.

ඇගිලි පාට කිරීම නවත්වන යෝජනාව කැබිනට්ටුව විසි කරයි

ඇගිලි වර්ණ ගැන්වීම ඉවත් කිරීමට අවශ්‍ය කැබිනට් පත්‍රිකාවක් ඉදිරිපත් කළද එය මෙම අවස්ථාවේ ක්‍රියාත්මක නොකිරීමට කැබිනට් මණ්ඩලය තීරණය කළ බව මැතිවරණ කොමසාරිස් ජනරාල් සමන් ශ්‍රී රත්නායක මහතා වගකිවයුතු රජයක් පිළිබඳ ආංශික අධීක්ෂණ කාරක සභාවේදී පැවැසීය.