තුත්තුකුඩියෙන් සහල් ටොන් 10,000 එයි

(යොහාන් භාසුර)

ඉන්දියාවේ තුත්තුකුඩිය වරායෙන් පැටවූ සහල් මෙට්‍රික්ටොන් 10,000 කට අධික තොගයක් කොළඹ වරායට ළගාවී ඇතැයි අත්‍යවශ්‍ය භාණ්ඩ ආනයනකරුවෝ පවසති.

ආනයනකරුවන් රැසක් ඇනවුම්කර සෙසු වරායවලින් පැටවීමට නියමිත සහල් මෙට්‍රික්ටොන් 20,000 කට අධික ප්‍රමාණයක් මේ මස 13 වැනිදා වන විට කොළඹට ළඟාවීමට නියමිත බවත් නත්තල් උත්සවයට පෙර තවත් සහල් මෙටි්‍රක්ටොන් 20,000 ක් පමණ මෙරටට ළගාවන බවත් මෙරට ප්‍රධාන සහල් ආනයනකරුවෙක් පැවසීය.

කොළඹ වරායට මේ වන විට ළගාවී ඇති සහල් තොගය නිදහස් කරගැනීමට අවශ්‍ය කටයුතු මේ වන විට ක්‍රියාත්මක කර ඇති බවත් එම තොගය හැකි ඉක්මණින් නිදහස් කරගෙන වෙළෙඳපොළට නිකුත් කරන බවත් එම ආනයනකරු කීය.

මෙම සහල් තොගයට නාඩු සහල් ඇතුළු විවිධ සහල් වර්ග ඇතුළතව ඇති බව එම ආනයනකරු වැඩි දුරටත් සඳහන් කළේය.

අදහස් (6)

තුත්තුකුඩියෙන් සහල් ටොන් 10,000 එයි

අරවින්ද මොනරවිල Monday, 09 December 2024 02:10 PM

දැන් හාල් නැහැ... හාල් නැහැ කියලා වැලපුණු බයියන්ට දෙවියන්ගේම පිහිටයි.

: 17 34

Saman Monday, 09 December 2024 03:15 PM

සහල් නැහැ තමයි. ඒකනේ ගෙන්නන්නේ....!

: 7 16

karolisMonday, 09 December 2024 03:44 PM

ගිලපු ලණු ගුද මාර්ගයේ හිරවෙලා දඟලන වෙලාවේ තූත්තුකුඩියෙන් බැරි නම් හඳෙන් හරි කමක් නෑ.

: 10 15

GAMA VARESE Monday, 09 December 2024 04:58 PM

අද්භූත අරවින්දයා නැවත ගොඩ බැස ඇත. කොහේද මචෝ මෙච්චර දවසක් හිටියේ. තූත්තුකුඩි ගිහිල්ලා. හාල් ගේන්න...

: 3 7

සෙනෙවිරත්න Monday, 09 December 2024 06:55 PM

නැවතත් කියන්නේ රජය සතුව වී ඇටයක් හෝ තබාගෙන රටේ සහල් මිල පාලනයට කිසිඳු වැඩපිළිවෙළක් නොකළ පසුගිය රජයන්ට සහයෝගය දුන් සමහර අය මෙහි නඟන අඳෝනා සාවධානව අසා සිටින්න. සහල් පොල් හිඟයේ නිර්මාතෘවරුන් හිටපු රජයන්ය.. මෙම රජය ඒ සඳහා යොදන විසඳුම් සමච්චලයට ලක්කරනුයේ නම් එය ඔවුන්ගේ බුද්ධිය සම්බන්යෙන් ඇති ප්‍රශ්නයකි..

: 6 13

GAMA VARESE Monday, 09 December 2024 07:49 PM

සෙනෙවිරත්න පෙර ආන්ඩු ගැන කතා කරන්න ඕනෑ නැහැ. ඒ අයට කරන්න බැහැ කියලානේ මේ අය ලොරි TALK දුන්නේ... හරියට ඇලඩින්ගේ පුදුම පහන අරගෙන එනවා වගේ. දැන් කයිවාරු ඕනෑ නැහැ වැඩ පෙන්නන්න. ඒ ඇති...!

: 4 6