රංජන් කස්තුරි
 
අග්‍රාමාත්‍ය රනිල් වික්‍රමසිංහ මහතාට එරෙහි විශ්වාස භංග යෝජනාවට පක්ෂව හෝ විපක්ෂව ඡන්දය ප්‍රකාශ කිරීම සම්බන්ධයෙන් අවසන් තීන්දුවකට එළැඹීමට දෙමළ ජාතික සන්ධානයට අද නොහැකි වී තිබිණ.
 
කොළඹ දී අද පස්වරුවේ පැය කිහිපයක සාකච්ඡාවකින් පසු අවසන් තීන්දුවක් ගැනීම හෙට (04) පෙරවරුව දක්වා කල් තැබුණු බව දෙමළ ජාතික සන්ධානයේ ප්‍රකාශකයෙක් ලංකාදීපයට පැවසීය.
 
දෙමළ ජාතික සන්ධානයට අයත් පක්ෂ, මත කිහිපයක් දරන බව ද ඒ අනුව නිශ්චිත එක් මතයකට එළැඹීමට නොහැකි වූ බව ද එම ප්‍රකාශකයා සඳහන් කළේය.
 
දේශපාලන ආරංචි මාර්ග සඳහන් කළේ විශ්වාස භංගයට විපක්ෂව ඡන්දය ප්‍රකාශ කළ යුතු බවට දෙමළ ජාතික සන්ධානයේ ප්‍රධානීන් දරන මතයට තවත් පිරිසක් දැඩි විරෝධයක් දක්වන බවයි.