( රංජිත් රාජපක්ෂ  )                    

ඇදිරි නිතිය පනවා තිබියදි හැටන් මහෙස්ත්‍රාත් අධිකරණ බල ප්‍රදේශයට අයත් නොර්වුඩ් සහ කොටගල යන නගර වල මත්පැන් අලෙවි සැල් දෙකක් කඩා එහි තුල තිබු මත්පැන් බෝතල් සොරාගෙන ගියේ යැයි කියන සිද්ධියක් සම්බන්ධයෙන් විධිමත් විමර්ශනයක්  පවත්වා  එ පිලිබද ලබන මස 04 දිනට අධිකරණයට කරුණු වාර්ත කරන ලෙස හැටන් දිසා විනිසුරු සහ මහෙස්ත්‍රාත් ජෙ.ස්ට්‍රොස්කි මහතා (15) දින හැටන් පොලිස් අධිකාරිවරයාට නියෝගයක් නිකුත් කළේය.

නොර්වුඩ් සහ දිඹුල පොලිස් ස්ථාන විසින් එම පොලිස් බල ප්‍රදේශ දෙකට අයත් කොටගල සහ නොර්වුඩ් පොලිසියට අයත් පුලියාවත්ත  ප්‍රදේශයේ පසුගියදා මත්පැන් අලෙවිසැල් කඩා එහි තුල තිබු මත්පැන් බෝතල් සොරාගෙන ගොස් ඇති බවට එම පොලිස්  ස්ථාන විසින් හැටන් මහෙස්ත්‍රාත් අධිකරණය වෙත (15) දින කරුණු වාර්තා කර තිබු අවස්තාවේ මහෙස්ත්‍රාත්වරයා මෙම නියෝගය නිකුත්කළේය.

විවෘත අධිකරණයේදි මහෙස්ත්‍රාත්වරයා අවධාරණය කර සිටියේ ඇදිරි නිතිය පනවා තිබියදි අපරාධයක් සිදු විමට කිසිදු ඉඩක් නොමැති බවයි.

මත්පැන් අලෙවි සැල් කඩා කිසියම් පිරිසක් විසින් මත්පැන් බෝතල් රැගෙන ගියේ නම් එම මත්පැන් බෝතල් වතුකරයේ ඉතා අධික මිලකට අලෙවි කරන බවත්, මේ තුලින් වතු කම්කරුවන්ගේ පවුල් අතර ආරවුල් ඇති වි ඔහුන්ආර්ථික වශයෙන්ද ගැටළු රැසකට මුහුණපාන බවයි.

ඇදිරි නිතිය පනවා තිබියදි ආරක්ෂක අංශ නිලධාරින් රාජකාරියේ යෙදි සිටින අවස්තාවල මෙවැනි අපරාධ සිදු විමට කිසිසේත් ඉඩම නොමැති බවත්, මෙවැනි සිදු විම් තුලින් නිතිය හැල්ලුවට ලක් වන බවද මහෙස්ත්‍රාත්වරයා අවධාරණය කර සිටියේය.