(  ඞී.කේ.රත්න )

සොරණාතොට ප‍්‍රාදේශීය ලේකම් කොට්ඨාශයට අයත් කුට්ටියගොල්ල ග‍්‍රාම නිළධාරි වසමේ නාගොල්ල ගම්මානයේ  නායයාමේ අවදානමක් මතුවීම නිසා එම ගම්මානයේ පදිංචි පවුල් 24කට අයත් සාමාජිකයින් 80 දෙනෙකුට අද (16)  එම නිවාසවලින් ඉවත්වීමට උපදෙස් ලබාදී ඇතයි බදුල්ල පොලීසිය පවසයි.

මෙම ගම්මානයේ නිවසක් මතට ඊයේ (15)  රාත‍්‍රීයේදී පස් කන්දක් සමඟ ගලක් පෙරළීම නිසා එම නිවාසයේ පදිංචි පුද්ගලයින් හා ඊට ආසන්න නිවසේ පදිංචි පුද්ගලයින් ඊයේ රාත‍්‍රියේදීම ඉවත් කිරීමට සොරණාතොට ප‍්‍රාදේශීය ලේකම් කාර්යාලය හා පොලීසිය එක්ව කටයුතු යොදා ඇති අතර නායයෑමේ අවදානමක් මතුවීම නිසා මෙම නිවාස 24 සිටින සියලු දෙනාට  ඉවත්වීමට උපදෙස් ලබාදී තිබේ.

රාත‍්‍රී කාලයේදී නිවස මතට පස් කන්දක් සහ ගලක් පෙරැළී නිවසේ කොටසක් විනාශ වී ඇතත් එම අවස්ථාවේදී නිවසේ සිටි පිරිස වෙනත් පැත්තක කාමරයක සිට ඇති බැවින් මෙම අනතුරින් කිසිවකුටත් කිසිදු තුවාලයක් සිදුවී නොමත.

බදුල්ල පොලිස් ස්ථානාධිපති ප‍්‍රධාන පොලිස් පරීකෂක ඩබ්.එම්.ඞී.එම්.වනිගසේකර මහතාගේ උපදෙස් පරිදි බදුල්ල පොලීසියේ නිලධාරීහු මේ පිළිබඳව පරීක්ෂණ සිදු කරති.  

(ඡායාරූප- පාලිත ආරියවංශ)