ප්‍රසාද් මුතුකුඩ    

                                                           
යහපාලන රජයෙන් නියෝජ්‍ය ඇමැති තනතුරක්  ලැබු බව නිල වශයෙන් දැනුවත් නොමැති බව බුද්ධික පතිරණ මහතා කටුනායක ගුවන්තොටුපලේදී පැවසීය.


2020 ඔලිම්පික් තරගාවලිය සඳහා  ශ්‍රී ලංකා නියෝජනය වෙනුවෙන් සත්කාරක නගරය ලෙස  සහ  රුපියල් ලක්ෂ 3000 වටිනා ගිනි නිවන රථ  ගුවන් හමුදාවට  සහ රජයේ ආයතන වෙත ලබාදීම  සඳහා වු ගිවිසුමකට අත්සන් තැබීම වෙනුවෙන්  ජපානයේ හෂීමා නගරයේ  පැවති උත්සවයකට  සහභාගි වී නැවත දිවයිනට පැමිණි අවස්ථාවේදී ගුවන්තොටුපලේ විශේෂ අමුත්තන්ගේ කුටියේ දි  පාර්ලිමේන්තු මන්ත්‍රි බුද්ධික පතිරණ මහතා  මේ බව පැවසීය.


එහිදී මන්ත්‍රීවරයා මෙසේද පැවසීය.


‘‘ඇමැති තනතුරු නොලැබුණාය කියා  එයින් සැලී පැත්තකට වැටෙන්න බලාපොරොත්තු වන්නේ නැති බව මා මුලින්ම්ම කිව යුතුයි වසර තුනක්  එක එක විදියේ  දෙවල් අසා තිබුණා  කම්මලේ  ඉන්න බල්ලට  හෙන ගැහුවාට දැනෙන්නේ නැහැ වගේ මෙයත්  මට  සාමාන්‍ය දෙයක්  තනතුරු නොලැබීම අභියෝගයක් ලෙස  සළකා  රටේ මහජනතාවගේ  ගැටළු වෙනුවෙන් පාර්ලිමේන්තුවේ දී  හඬක් නගා එයට  පිළියම් ලබාදීමට නිතරම  අපි  පක්ෂයක් ලෙසත්  මහජන නියෝජිතයන් ලෙසත් නිතරම කටයුතු කරනවා  සිව් වතාවක් මාගේ ජයග්‍රහණය වෙනුවෙන්  කටයුතු කළ මාතර සිටින  අහිංසක ජනතාව මතක් කළ යුතුයි.  

අද මේ රටේ  සමහර දේශපාලකයින් ඡන්ද කුට්ටිය  ගැන හිතලා  වැඩ පෙන්නන  තත්වයක් උදා වෙලා පක්ෂ නායකත්වය තනතුරු නොදි  වැඩ කරලා පෙන්නන්න දීපු අභියෝගය බාරගෙන  එදා ලේ වලින්  සහතික කර  පක්ෂයේ අභිවෘදිය වෙනුවෙන් කටයුතු  කලා  තවද ජාත්‍යන්තර  සම්බන්ධතාවය  හැමවිට  තබාගෙන  කටයුතු කළ  බැවින් ජාපානයේ  අප මේ කළ සංචාරය ඉතා සාර්ථකයි රුපියල් ලක්ෂ 3000 වැඩි ආධාර  අප රටට ලැබුණා  

රජයක් ලෙස ජනතා සුභසාධන  කටයුතු  නොපිරිහෙලා අප කළ යුතුයි  හෂීමා නගරයේ බළධාරින්  සමඟ අපේ තිබෙන  මිත්‍රශීලි  සම්බන්ධතාවය ඉතා ප්‍රබලයි ඒ නිසා  අප රටෙන් එහි යන ක්‍රීඩකයන්  ඇතුළු පිරිසට සත්කාරක නගර  අනුග්‍රහය  ලැබී තිබෙනවා මෙහිදී ක්‍රිඩා අමාත්‍ය ෆයිසර් මුස්තාපා  මහතාව මතක් කළ යුතුයි  එතුමා අද  ක්‍රිඩා අමාත්‍යංශය ගොඩනගන්න කැපවෙලා කටයුතු කරනවා ජපාන රජයෙන් අද අපිට  ලැබුණූ  මේ සියළු දේට අපි ස්තුති කළ යුතුයි.