තුන්දාහේ සැප කෝච්චිය නිකම්ම එහාමෙහා ගිහින්

(මහින්ද නිශ්ශංක)

දේශීය හා විදේශීය සංචාරකයන් වෙනුවෙන් ගල්කිස්ස සහ රඹුක්කන අතර ඊයේ (25) සිට ධාවනයට යොදවන ලද විශේෂ දුම්රියෙන් රුපියල් තුන්දාහක ගාස්තුවක් ගෙවා ගමන් කිරීමට කිසිදු මගියකු ඉදිරිපත් නොවූ බව දුම්රිය දෙපාර්තමේන්තුවේ ජ්‍යෙෂ්ඨ නිලධාරියෙක් පැවැසීය.

ගල්කිස්ස දුම්රිය ස්ථානයෙන් ඊයේ උදේ 6.30ට පිටත්වූ මෙම සුඛෝපභෝගී දුම්රිය පෙ.ව. 10.11ට රඹුක්කන දුම්රිය ස්ථානයට ළඟා වූ අතර පස්වරු 4.30ට රඹුක්කනින්  පිටත්වී ප.ව. 6.28ට ගල්කිස්සට ළඟාවිය. මෙම යනඑන ගමන් දෙකේදීම කිසිදු මගියකු ගමන් නොකළ අතර දුම්රියේ සිටියේ දුම්රිය රියැදුරු, රියැදුරු සහායක සහ ප්‍රධාන නියාමක පමණකැයි වාර්තාවේ.

කිසිදු පූර්ව ප්‍රචාරයක් නොමැතිව මෙම දුම්රිය සේවය ආරම්භ කිරීම සහ ගාස්තුව වැඩිවීම මගීන් නොසිටීමට හේතු වූ බව පැවසේ.