(සටහන ජායාරුප - ආණමඩුව හිරාන් ප්‍රියංකර ජයසිංහ)

කල්පිටිය පල්ලිවාසල්තුරේ ප්‍රදේශයේ වගා බිමක එළවළු නෙළමින් සිටි පිරිසකට ( 8 )  අද දහවල් බඹරුන් දෂ්ඨ කිරිමෙන් කල්පිටිය සහ පුත්තලම මුලික රෝහල් වෙත කුඩා දරුවන් ඇතුළු රෝගින් 18 දෙනෙකු ඇතුලත් කර තිබු බව කියයි.


 මෙසේ බඹර ප්‍රහාරයකට ලක්ව තිබුනේ පල්ලිවාසල්තුරේ ගම්මානයේ වගා බිමක එළවළ නෙළමින් සිටි කම්කරුවන් පිරිසකට වන අතර එහිදි ඒ ආසන්නයේ සෙල්ලම් කරමින් සිට කුඩා දරුවන් අට දෙනෙකුටද බඹරුන් දෂ්ඨ කිරිමේන් බරපතල ලෙස අසාධ්‍යව තිබු බව කියයි.


 ගසක තිබු විශාල බඹර කුඩයක් කිසියම් හේතුවක් නිසා දහවල ඇවිස්සි තිබු අතර එහි සිටි බඹරුන් ප්‍රදේශයේ එළවළු වගා බිම් වල එළවළු නෙළමින් සිටි පිරිසකට මෙසේ දෂ්ඨ කර තිබුනි.
 
බඹරුන් කුඩා දරුවන් ඇතුළු 17 දෙනෙකුට මෙසේ දෂ්ඨ කර තිබු අතර ප්‍රදේශයේ පිරිස් එක්ව බඹර  ප්‍රහාරයෙන් අසාධ්‍යව සිටි කුඩා දරුවන් ඇතුළු පිරිස වහාම  කල්පිටිය දිසා  රෝහලට  රුගෙන යාමට කටයුතු කර ඇත.


කල්පිටිය රෝහලට ඇතුලත් කර පිරිසෙන් අසාධ්‍ය තත්වයේ පසුවු කුඩා දරුවන් සිව් දෙනෙකු හා කාන්තාවන් තිදෙනෙකු සහ එක් පිරිමි පුද්ගලයකු වහාම මුලික ප්‍රතිකාර වලින් අනුතුරුව ගිලන් රථ මගින් කඩිනමින්  පුත්තලම මුලික රෝහලට රුගෙන එමට කටයුතු කර තිබුනි.


 පුත්තලම මුලික රෝහලට ඇතුලත් තර පිරිස අතරින් දරුවන් තිදෙනෙකුට හා කාන්තාවකට හා පිරිමි පුද්ගලයාට බරපතල බව රෝහල් ප්‍රකාශකයකු පැවසිය.


බඹර ප්‍රහාරයට ලක්වු දරුවන් වයස අවුරුදු දෙක , හතර සහ පහ සිමාවල පසුවන පිරිස් බව කියයි.   එසේම බඹර ප්‍රහාරයට ලක්වු කම්කරුවන් ඒ අවට ගම්මාන වල පදිංචි කරුවන් බව ආරංචි මාර්ග පවසයි.