‘‘අල්ලස’’ අප රටේ මහා ජාතික ව්යසනයකි. එය මහා මානව ආපදාවකට ද පාර කපා තිබේ. මුළු මහත් ලෝකයා ඉදිරිපිට අප රට ‘බංකොලොත්’ රටක් ලෙස විලිලජ්ජාවකින් තොරව පිළිගැනීමට අපට සිදුව තිබෙන්නේ සාර සුබාවට වැඩුණු පිළිලයක් බවට පත්ව තිබෙන අල්ලස හා එහි නිවුන් සොහොයුරා වන දූෂණය නිසා බවට විවාදයක් නැත.
මෙරට බලගතුම රාජ්ය ආයතන අතර අල්ලස් හෝ දූෂණ විමර්ශන කොමිෂන් සභාවට හිමි වන්නේ ප්රමුඛතම ස්ථානයකි. මෙම කොමිෂන් සභාවේ නම ඇසූ පමණින් හද්දා පිටිසර ගැමියාගේ දෙකකුල් වෙව්ලන්නට පටන් ගනී. ඒ එම කොමිෂන් සභාවට හිමි නෛතික බලය හේතුවෙනි. හෘද සාක්ෂියට ගරු කරන පුරවැසියෝ අල්ලසට හා දූෂණයට බිය වෙති. හෘද සාක්ෂියෙන් අඩක් ඉතිරි කරගත් පුරවැසියෝ මෙම කොමිෂන් සභාවට ඇති බිය නිසා අල්ලස දූෂණයට යට නොවී සිටීමට උත්සාහ දරති. එහෙත් ඇතැමෙක් ලජ්ජා භය විරහිතව අල්ලස හා දූෂණය තම බඩ රස්සාව බවට පත් කරගෙන සිටිති. එය මැති ඇමැතිවරුන් හා රාජ්ය නිලධාරීන් හා සේවකයන් දක්වා පැතිරුණු වයිරසයකි. අල්ලස් හෝ දූෂණ විමර්ශන කොමිෂන් සභාවට පැවරී ඇත්තේ එකී දූෂිතයන් ආණ්ඩු මට්ටු කිරීමය. අල්ලසට හා දූෂණයට බිය නැති පුද්ගලයන් නීතිය ඉදිරියට පැමිණවීමය.
කීයක් හෝ අතමාරුවක් නොදී රාජකාරියක් කරගත නොහැකිව අසරණවන රටේ සාතිශය බහුතරයක් ජනතාවට පිහිටවීමට ඇති ප්රධානම ආයතනය මෙම අල්ලස් හෝ දූෂණ විමර්ශන කොමිෂන් සභාවය. එහෙයින්ම මෙම ආයතනයේ කටයුතු නිරවද්යවත්, කාර්යක්ෂමවත් හා විනිවිද භාවයෙන් යුතු විය යුතුය. මෙම කොමිසමේ පැවැත්ම තීරණය වන්නේ එහි විශ්වාසනීයත්වය ආරක්ෂා වන තරමටය.
කරුණු කාරණා එපරිදි වුවද ජාතික විගණන කාර්යාලය නිකුත් කළ අලුත්ම වාර්තාවකින් කියැවෙන්නේ විමතිය දනවන මෙන්ම තිගැස්ම රැගෙන ඒමට සමත් තොරතුරකි. එම තොරතුරෙන් කියැවෙන්නේ අල්ලස් හෝ දූෂණ විමර්ශන කොමිෂන් සභාව ඉකුත් වසරේ ජනවාරි 1 වැනිදා සිට අගෝස්තු 31 වැනිදා දක්වා කරන ලද වැටලීම් 29 කින් 14ක් අසාර්ථක වී ඇති බවය. එමෙන්ම මෙම අසාර්ථක වැටලීම් සඳහා රුපියල් ලක්ෂ 25කට වැඩි මුදලක් වැය කර ඇති බවය. එමෙන්ම 2022 වසරේ ජනවාරි 01 වැනිදා සිට අගෝස්තු 31 වැනිදා දක්වා කාල සීමාවේ කරන ලද වැටලීම් 29ක් සඳහා රුපියල් ලක්ෂ 47කට අධික මුදලක් අත්තිකාරම් ලෙස නිකුත් කර තිබූ බවද එම විගණන වාර්තාවේ සඳහන්ය.
එම විගණන වාර්තාවේ සඳහන් අන්දමට අසාර්ථක වැටලීම් සඳහා රුපියල් ලක්ෂ 25කට වැඩි මුදලක් වැය කර තිබේ. මෙහිදී රුපියල් ලක්ෂ 25ක මුදල වියදම් කිරීම පිළිබඳව ද යමකුට ප්රශ්නයක් මතු කළ හැකිය. එබඳු ප්රශ්න නැගීමට හැකි ඉඩක් තිබීම ගෞරවාන්විත ආයතනයේ ප්රතිරූපයට යහපත් නැත.
ජාතික විගණන කාර්යාලය නිකුත් කළ වාර්තාවට අනුව ශ්රී ලංකාවෙන් අල්ලස හා දූෂණය තුරන් කිරීම සඳහා වන ජාතික ක්රියාකාරී සැලැස්මට 2019 පෙබරවාරි 5 වැනිදා අමාත්ය මණ්ඩල අනුමැතිය ලැබී එම සැලැස්ම ක්රියාත්මක කර අවුරුදු තුනහමාරක් පමණ ගතවී තිබුණ ද එහි සඳහන් කාර්යයන් 24කින් ඉටුකර තිබෙන්නේ කාර්යයන් 11ක් පමණි.
ඕනෑම ආයතනයක් සම්බන්ධයෙන් පසු විපරමක් කිරීම, ප්රගති සමාලෝචනයක් කිරීම කෙතරම් වැදගත් ද? යන්න මෙම ජාතික විගණන වාර්තාව කදිම සාක්ෂියකි.
(***)
ජාත්යන්තර මැයි දින සැමරුම අදට යෙදී තිබේ. වැඩ කරන පන්තියේ ජනයාගේ ශක්තිය එක මීටට එකතු කර සකල අගති කුදලා දමන අරගලයට පණ පොවන මැයි දිනය වෙනුවෙන් කැපවන කම්කර
බරවාහන රියදුරන් වශයෙන් රැකියා කිරීමේ මහත් බලාපොරොත්තු ඇතිව ලිතුවේනියා රටට ගිය ශ්රී ලාංකිකයන් 108 දෙනකුට සිදුවූ මහා අකරතැබ්බක් පසුගියදා අපගේ ලංකාදීප
උත්සවශ්රීයෙන් හොඳ ආරම්භයක් ගෙන සද්ද නැතිවම අතහැර දමන ව්යාපෘති ආරම්භ කෙරෙන්නේම බොරු පුරාජේරු මට්ටමෙනි. ඒවා ක්රියාවට නංවන්නේත් ලාබ ප්රචාරක වැඩට ක
පාස්කු ඉරුදින ප්රහාරය පිළිබඳ තවත් පාර්ලිමේන්තු විවාදයක් පසුගිය දින තුනක් තිස්සේ පැවැත්විණි. සමගි ජනබලවේගය මගින් ඉදිරිපත් කරනු ලැබූ යෝජනාවක් අනුව ප
“වළක වැටීම මොළයට ලාභයක්” යැයි කියවුණ ද අපේ බොහෝ දේශපාලනඥයන්ට එය වලංගු නොවන සෙයකි. හැට නව ලක්ෂයක ජනතාවකගේ වරමින් අනුහස් සහිත විධායක ජනාධිපති පුටුවේ වා
අප රටේ ඇතැම් සිදුවීම් දෙස බලන විට මේ රට තව වසර කීයක් පවතී දැයි සැක සිතෙන තරම්ය. ඇතැම් ව්යාපෘති ක්රියාත්මක වන්නේ එම ව්යාපෘතියෙහි ඇත්ත අරමුණ හා මුඛ්ය
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
විගණන කොමිෂන් වාර්තා රාජ්ය ආයතන සැලකිල්ලට ගන්න ඕනෑ
nimal Saturday, 07 October 2023 05:34 PM
විගණන කොමිෂන් වාර්තා රාජ්ය ආයතන සැලකිල්ලට ගන්න ඕනෑ බව සැබෑවකි.. එසේ වුවත් දූෂිත නිලධාරීන් එම ආයතන තුළම රාජකාරි කරමින් සිටිනවිට කිසිඳු ආයතනයක් දියුණු වන්නේ නැත. ආයතනයක් දියුණු කිරීමට නම් පළමුව දූෂිතයින් තරාතිරම නොබලා ඉවත් කිරීමට කළයුතුවේ. cope / copa කමිටු වෙත නිලධාරීන් ගෙන්වා දිනපතා ප්රශ්න කළද විසඳුම් නොලැබීමට හේතුව දූෂිතයින් ඉවත් නොකිරීම වේ.
upali Monday, 09 October 2023 08:31 AM
පෝලිමේ අන්තිමට ඉන්නේ කවුද?