කතුවැකිය

ඇමෙරිකාව මෙදාත් කළේ අනාගැනීමක් නොවේද?

ඇෆ්ගනිස්ථානය එකවරම අහසින් පොළොවට පහත් වී තිබේ. ලොවට පෙනෙන සේ ඇෆ්ගනිස්ථානය ඉහළටම ඔසවාගෙන සිටි අමෙරිකාව එකවරම එරට අතහැර යාම ඊට හේතුවිය. එය සිදු වූයේ ඇෆ්ගන් පාලනය බාරගැනීමට කැස කවමින් සිටි තලේබාන්වරුන් සමඟ අමෙරිකාව ඇතිකරගත් ගිවිසුමකට අනුව බව ද සඳහන්ය.

21 August 2021

මරණ එන්න එන්නම වැඩියි: මුලින්ම රට ගැන සිතමු

කොරෝනා ආසාදිත දෛනික මරණ සංඛ්‍යාව දෙසීය සීමාවට වේගයෙන් පැමිණෙමින් තිබේ. හදිසි අනතුරකින් මියගිය පුද්ගලයන්ගේ පී.සී.ආර්. පරීක්ෂණ කළ විට ඉන් බොහොමයක් කොරෝනා ආසාදිත බව තහවුරු වන බව මාධ්‍ය වාර්තාවන්හි සඳහන්ය. ඇතැම් විට එබඳු අනතුරක් සිදු නොවුණේනම් ඔවුන් කොරෝනා ආසාදිතයන් ලෙස හඳුනා නොගැනීමට ඉඩ ඇත. එමගින් පැහැදිලි වන්නේ කොරෝනා මාරාන්තික වයිරසය සමාජගතවී ඇති තරමය.

20 August 2021

මරණය හමුවේ බාල් නොදමා එන්නත් ගැන සිතමු

කොරෝනාව විසින් රට තුළ නිර්මාණය කරනු ලැබ තිබෙන සමාජ අර්බුදය බෙහෙවින් සංකීර්ණය. ව්‍යාකූලය. මෙම සෞඛ්‍යමය ප්‍රශ්නය සමඟ ඈඳුන ආර්ථික සාමාජික හා වෙනත් බහුවිධ ප්‍රශ්න පත්‍රයකටම පිළිතුරු නැතිව සමාජය අන්ද මන්දව සිටී. රට වසා දමන්න යැයි දසතින් එන ඉල්ලීම් ඉවසා සිටිමින් ආණ්ඩුව රට විවෘතව තබාගෙන ඇත්තේ ලක්ෂ හැටපහකට වැඩි මෙරට පෞද්ගලික අංශයේ සුළු ආදායම්ලාභී පවුල්වල සුබසෙත ගැන සලකා බලමිනි.

18 August 2021

අවවාදය නොව ආදර්ශය දුන් සුදර්ශනීට අපේ ආචාරය

කොරෝනා අවදානම සැලකිල්ලට ගෙන කොරෝනා මර්දන රාජ්‍ය ඇමැතිනී විශේෂඥ වෛද්‍ය සුදර්ශනී ප්‍රනාන්දුපුල්ලේ මහත්මියගේ පුතකුගේ විවාහ මංගල්‍ය උත්සව කල් දමා ඇති බව සඳහන් පුවතක් අප පුවත්පත ඉකුත්දා වාර්තා කළේය. රාජ්‍ය ඇමැතිනියගේ මෙම ක්‍රියාකලාපය මුළු රටටම ආදර්ශයකැයි රාජ්‍ය අමාත්‍ය චන්න ජයසුමන මහතාද අප පුවත්පතට ප්‍රකාශ කර ඇත.

17 August 2021

ඉන්දීය ශ්‍රේෂ්ඨාධිකරණයේ තීන්දුව අපටත් වැදගත්

ඉන්දීය ශ්‍රේෂ්ඨාධිකරණය මගින් එරට දේශපාලනයට පමණක් නොව මෙරට දේශපාලනයටද එකසේ වැදගත් ඓතිහාසික නඩු තීන්දුවක් පසුගියදා ලබාදී තිබිණි. ඉන්දීය දේශපාලන අපේක්ෂකයන්ට එරෙහිව පවතින අපරාධ නඩු ප්‍රසිද්ධියට පත් නොකිරීම සම්බන්ධයෙන් එරට පාලක පක්ෂය වන භාරතීය ජනතා පක්ෂය සහ ප්‍රධාන විපක්ෂ දේශපාලන කණ්ඩායම වන කොංග්‍රස් පක්ෂය ඇතුළු දේශපාලන පක්ෂ නවයකට එම තීන්දුවෙන් දඩ නියම කර තිබේ.

16 August 2021

රට වනසන රස්තියාදුවන්ට දුටු තැන වෙඩි තබන්න ඕනෑ

කොරෝනා රෝගය සම්බන්ධයෙන් බලධාරීන් විසින් පළ කරනු ලබන සංඛ්‍යා ලේඛන මත කොතෙක් දුරට විශ්වාසය තැබිය හැකි දැයි බොහෝ විට සිතේ.

14 August 2021

ගෑස් සහ කිරිපිටි මැවූ පෝලිම් ක්‍රමය දිගටම යයිද?

ගෑස් හිඟය පිළිබඳ ගැටලු‍ව විසඳා ගැනීම සඳහා ප්‍රධාන ආයතන සමඟ සාකච්ඡා කරමින් සිටින බව කැබිනට් ප්‍රකාශක, ජනමාධ්‍ය අමාත්‍ය කෙහෙළිය රඹුක්වැල්ල මහතා පසුගියදා පැවති කැබිනට් තීරණ දැනුම්දීමේ මාධ්‍ය හමුවේදී ප්‍රකාශ කළේය.

13 August 2021

කිරිපිටි - ගෑස් හිඟයට කඩිනම් පිළියම් ඕනෑ

වෙළෙඳ පොළේ කිරිපිටි හිඟයක් ඇති වීමට ඉඩ නොතබන බවට රජයේ බලධාරීන් මහ ජනතාවට පොරොන්දු වූයේ දැනට සති දෙකකට පමණ ඉහතදීය. කිරිපිටි මිල වැඩි කිරීමට ආනයනික සමාගම්වලට අවසරයක් නොදෙන බව ද එම බලධාරීහු ප්‍රකාශ කළහ. එහෙත් මේ වන විට වෙළෙඳ පොළේ කිරිපිටි දැඩි හිඟයක් පවතී.

11 August 2021

එන්නත් එකම බේත නොවේ: භයානකයි: පරෙස්සම් වෙමු

කොළඹ දිස්ත්‍රික්කයේ ස්ථාන දහයක පමණ කොරෝනා මර්දන එන්නත් ලබාදීම පෙරේදා සිදුකළ බවත් සෑම එන්නත්කරණ මධ්‍යස්ථානයකම පාහේ දවස පුරා ඉතා දිගු පෝළිම් දක්නට ලැබුණු බවත් අප පුවත්පත ඊයේ වාර්තා කළේය. කොළඹින් තදාසන්න ප්‍රදේශවලින් පවා දහස් ගණන් පිරිස් එන්නත් ලබාගැනීම සඳහා පැමිණ සිටි බවත් එම ප්‍රවෘත්තියෙහි වැඩිදුරටත් සඳහන්ය.

10 August 2021

ඉන්දීය හිටපු ජනපති ලොවට දුන් ආදර්ශය

රාජ්‍ය මුදල් අවභාවිතය මේ රටේ බොහොමයක් ආණ්ඩුවලට එරෙහිව නැඟෙන චෝදනාවකි. විශේෂයෙන් රජයේ මුදලින් සිදු කරන ඥාති සංග්‍රහ පිළිබඳව විධායක ජනාධිපති ක්‍රමය මේ රටට හඳුන්වා දීමට ප්‍රථමව ඒ තරම් ලොකු කතාබහක් නොතිබිණි. එහෙත් මෙරට දේශපාලනය උඩු යටිකුරු කළ විධායක ජනාධිපති ක්‍රමයට රට අනුගත වීමෙන් පසුව රාජ්‍ය මුදල් අවභාවිතය, ඥාති සංග්‍රහ සුලබ මාතෘකා බවට පත් විය.

09 August 2021

උදව්වට ආවාම පහරදෙන අපේම අමනුස්ස මිනිස්සු

ගිරිඋල්ල පුස්කොළදෙණිය රිල්ඔලුව ප්‍රදේශයේ කොරෝනා ආසාදිත 20 හැවිරිදි තරුණයකුගේ තොරතුරු සෙවීමට ඔහුගේ නිවෙසක ගිය දඹදෙණිය කලාප බාර මහජන සෞඛ්‍ය පරීක්ෂකවරයාගේ මුහුණට කෙළ ගසා පහරදීමට තැත් කළ බව කියන සිද්ධියක් සම්බන්ධයෙන් අත්අඩංගුවට ගනු ලැබූ එම තරුණයාගේ පියා මෙම 17 වැනිදා දක්වා බන්ධනාගාරගත කරන ලෙසට කුලියාපිටිය මහේස්ත්‍රාත් හා අතිරේක දිසා විනිසුරු ජනනි එස්. විජේතුංග මහත්මිය නියෝග කළ බව සඳහන් පුවතක් අප පුවත්පත ඊයේ වාර්තා කළේය.

07 August 2021

කොතලාවල පනත සකසද්දී අදහස් නොගැනීමේ විපාක

රට පුරා මහත් ආන්දෝලනයකට ලක් වී අධ්‍යාපනයට සම්බන්ධ වෘත්තීය සමිති වීදි සටන්වලට යොමුකෙරුණු කොතලාවල ආරක්ෂක විශ්වවිද්‍යාල පනත් කෙටුම්පත විවාදයට ගැනීම කල් තැබීමට රජයට සිදු වී තිබේ. පනත් කෙටුම්පත සම්බන්ධයෙන් ආණ්ඩු පක්ෂ මන්ත්‍රී කණ්ඩායම් රැස්වීමේදී ඉදිරිපත් වූ කරුණු සැලකිල්ලට ගනිමින් රජය ඒ පිළිබඳ විවාදය කල් තැබූ බවද සඳහන්ය.

06 August 2021

සංචරණ ලිහිල් කළත් ජීවිත අනතුරට දාගන්න එපා

රාජ්‍ය සේවකයන් සියලු දෙනා ඉකුත් සඳුදා සිට සේවයට වාර්තා කළ යුතු බව රජය නිවේදනය කළේය. දුම්රිය සාමාන්‍යාධිකාරී ධම්මික ජයසුන්දර මහතා අප පුවත් පතට ප්‍රකාශ කර තිබුණේ කාර්යාල දුම්රිය රැසක් ධාවන කටයුතු ආරම්භ කරන බවය. මේ වන විට පළාත් අතර සංචරණ සීමා ද ඉවත් කර දුර ගමන් බස් සේවාද ආරම්භ කර ඇත. මෙම දිනය උදාවනතුරු මෙරට ජනයා බොහෝ උපේක්‍ෂාවෙන් බලා සිටියහ. දැන් ඒ දිනය උදා වී ඇත.

05 August 2021

එන්නත්කරණයට ආණ්ඩුවේ පියවර අගය කළයුතුයි

ගත වූ වසර දෙක පුරා ශ්‍රී ලංකාවේ පමණක් නොව ලෝකයේම ප්‍රධාන පුවත් මැවූයේ කොරෝනා වසංගතය ආශ්‍රයෙනි. හිටි අඩියේ පැනනැගුණු මෙම මහා වසංගතයෙන් මානව ජන ජීවිතය සේම ලෝක ආර්ථිකය ද මුහුණ දුන්නේ දැවැන්ත අර්බුදයකටය. ලෝකයේ ප්‍රබල රටවල් මෙන්ම දුබල රටවල් ද කොරෝනා වසංගතයෙන් ගැලවීමේ මාර්ගය ලෙස තෝරාගත්තේ එන්නත්කරණයයි.

04 August 2021

සමාජයට වින කරන අසැබි වෙබ් අඩවිවලට දඬුවම් ඕනෑ

ශ්‍රී ලංකාව තුළ පවතින සියලු අනර්ථකාරී වෙබ් අඩවි තහනම් කිරීමට පියවර ගන්නා ලෙස කොළඹ අතිරේක මහේස්ත්‍රාත් ලෝචනී අබේවික්‍රම මහත්මිය විදුලි සංදේශ නියාමන කොමිෂන් සභාවට නියෝග කළ බව සඳහන් පුවතක් අප පුවත්පත ඉකුත් දා වාර්තා කළේය.

02 August 2021

කැලෑ මෙහෙම වැනසුවොත් රටට කුමක් ඉතිරිවේද?

වන සංරක්ෂණ දෙපාර්තමේන්තුවට අයත් සියඹලාණ්ඩුව කොටියාගල වත්තේගම කැබලිත්ත රක්ෂිත වනාන්තරයෙන් කැලෑ ඉඩම් හෙක්ටයාර 9960 ක් පමණ මේ වන විට විවිධ පිරිස් බලහත්කාරයෙන් අල්ලාගෙන හේන් වගා කරන බව වන සංරක්ෂණ දෙපාර්තමේන්තුව පවසන්නේ යැයි සඳහන් පුවතක් අප පුවත් පත ඉකුත් දා වාර්තා කළේය.

31 July 2021

ඡන්ද ක්‍රමයේ සංශෝධනයේදී ඡන්ද කාලසටහනක් ගැනත් සිතමු

මෙරට මැතිවරණ ව්‍යුහය වර්තමානයේ අවශ්‍යතාවලට ගැළපෙන පරිදි සංශෝධනය කිරීම සඳහා පත්කෙරුණු පාර්ලිමේන්තු විශේෂ කාරක සභාව පිළිගත් දේශපාලන පක්ෂවලින් යෝජනා ලබාගැනීම පසුගියදා අවසන් කළේය. ඒ සඳහා පිළිගත් දේශපාලන පක්ෂ 10ක් මගින් යෝජනා ඉදිරිපත් කර තිබිණි. ඊට අමතරව මැතිවරණ කොමිෂන් සභාවේ නිලධාරීන්ගෙන්ද මැතිවරණ නිරීක්ෂණ සංවිධාන සහ සිවිල් සංවිධානවලින්ද මහජනතාවගෙන්ද යෝජනා සහ අදහස් ලබාගැනීමට පාර්ලිමේන්තු විශේෂ කාරක සභාව කටයුතු කළේය.

30 July 2021

විසඳුම් තවමත් නැති අලි මිනිස් ගැටුම

අලි මිනිස් ගැටුම නිසා 2019 වසරේදී අලි ඇතුන් 407 දෙනකු මියගොස් ඇති බවට තොරතුරු හෙළිවී ඇතැයි රජයේ ගිණුම් පිළිබඳ කාරක සභාව (කෝපා) පවසන බව සඳහන් පුවතක් අප පුවත්පත ඉකුත්ද‌ා අනාවරණය කළේය. අලි - මිනිස් ගැටුම නිසා එම වසරේදී මියගොස් ඇති පුද්ගලයන්ගේ සංඛ්‍යාව 122 ක් බව ද එම ප්‍රවෘත්තියේ වැඩිදුරටත් සඳහන්ය.

27 July 2021

සතුන් දඩයමට ආණ්ඩුවේ වාහන සැපයීම රාජ්‍ය පිළිවෙතක්ද?

දේශීය වෙදකම් ප්‍රවර්ධන, ග්‍රාමීය හා ආයුර්වේද රෝහල් සංවර්ධන හා ප්‍රජා සෞඛ්‍ය රාජ්‍ය අමාත්‍යාංශයට අයත් කැබ් රථයකින් ගිනි අවි හා තියුණු ආයුධ රැගෙන තම්බෝව අභය භූමියේ දකුණු මායිමේ නරිඔය ආසන්නයේ දඩයමේ යමින් සිටි තිදෙනකු අත්අඩංගුවට පත්වීමේ පුවත අප පුවත්පත ඊයේ වාර්තා කළේය. පෞද්ගලික සමාගමක අධ්‍යක්ෂවරයකු සහ කිරිබත්ගොඩ හා කරුවලගස්වැව ප්‍රදේශයේ පදිංචිකරුවන් දෙදෙනකු මෙසේ අත්අඩංගුවට ගත් අය බව ද එම ප්‍රවෘත්තියේ වැඩිදුරටත් සඳහන්ය.

24 July 2021

වෛද්‍ය සංගම් සභාපතිනියගේ අනතුරු ඇඟවීම සුළුවට හිතන්න එපා

ශ්‍රී ලංකාව තුළ තවත් කොරෝනා රැල්ලක් මතුවීමේ අවදානමක් හටගෙන ඇතැයි ශ්‍රී ලංකා වෛද්‍ය සංගමයේ සභාපති, විශේෂඥ වෛද්‍ය පද්මා ගුණරත්න මහත්මිය ප්‍රකාශ කළ බව අප පුවත්පත ඉකුත්දා වාර්තා කළේය.

23 July 2021

සටන අසාධාරණ නැහැ: ඒත් දරුවන් ගැන සිතන්න

ගුරු හා විදුහල්පති සංගම් 17ක් අධ්‍යාපන කටයුතුවලින් ඉවත්ව සිටී. මෙම ක්‍රියාදාමය අඛණ්ඩව ගෙනයන බවද ඔවුහු කියති. අධ්‍යාපන ඇමැතිවරයා හා ගුරු හා විදුහල්පති සංගම් නියෝජිතයන් අතර අධ්‍යාපන අමාත්‍යාංශයේ පෙරේදා පැවැති සාකච්ඡාව අසාර්ථක යැයි එම නියෝජිතයන් පැවසූ බව අප පුවත්පත ඊයේ වාර්තා කළේය. තවත් සාකච්ඡාවක් ඊයේ පැවැත්වුණි. එම සාකච්ඡාද විසඳුමකින් තොරව අවසන් විය.

21 July 2021

පෞද්ගලික විශ්ව විද්‍යාල බිල්ලකු සේ දැකීම හරිද?

ඕනෑම දේශපාලන පක්ෂයක් ආණ්ඩු බලය ගිලිහී විපක්ෂයට වැටුණු විට පහසුවෙන් එල්ලෙන සටන් පාඨ කිහිපයක් තිබේ. “පෞද්ගලික විශ්වවිද්‍යාල මුවාවෙන් රජය අධ්‍යාපනය විකිණීමට හදනවා” එවැනි එක් ‘රෙඩිමේඩ්’ සටන් පාඨයකි. මෙවැනි සටන් පාඨවල එල්ලී සිදුකරන දේශපාලනය විසින් මේ රටේ දියුණුව සම්පූර්ණයෙන් කණපිට හරවනු ලැබ ඇත. දකුණු ආසියාවේ රටවලින් පවා අතමාරුවට ඩොලර් ණය ගැනීමට සිදුවන තැනකට රට තල්ලු‍වීම මේ ඛේදවාචකයේ එක් අනිටු ප්‍රතිඵලයකි.

20 July 2021

ලන්ච් ෂීට් තහනම විතරක් මදි: නීති කැඩුවොත් දඬුවම් ඕනෑ

කෑම එතීම සඳහා භාවිත කරන දිරාපත් නොවන පොලිතීන් (ලන්චි ෂීට්) නිෂ්පාදනය හා බෙදා හැරීම ලබන 1 වැනිදා සිට තහනම් කරන බව පරිසර ඇමැති මහින්ද අමරවීර මහතා ප්‍රකාශ කළ බව සඳහන් පුවතක් අප පුවත් පත ඉකුත් දා වාර්තා කළේය. දැනට නිෂ්පාදනය කර ඇති ප්‍රමාණය පමණක් අලෙවිය සඳහා මාසයක සහන කාලයක් ලබා දෙන බවත් ඉන් පසුව නිෂ්පාදනය, අලෙවිය හා භාවිත කළ හැක්කේ දිරාපත් වන ජෛව හායනික ලන්ච් සීට් පමණක් බවත් අමාත්‍යවරයා පැවසු බව ද එම ප්‍රවෘත්තියෙහි සඳහන්ය.

19 July 2021

මන්නාරමේ සිදුවීම හෙළාදැකිය යුතුයි

මන්නාරමේ ස්ථාන ගණනාවක පිහිටි කතෝලික සුරුවම් 06කට පහරදී හානි කිරීමේ සිද්ධියක් පසුගිය දින කිහිපය තුළදී වාර්තා විය. මන්නාරම පොලීසිය මගින් මාධ්‍යවලට ප්‍රකාශ කළ පරිදි ස්ථාන කිහිපයක සුරුවම්වලට පමණක් පහරදීම සිදුව ඇති අතර එම ප්‍රහාරවලින් සුරුවම් ආවරණ කුටි හානියට පත්ව තිබේ. එහෙත් පල්ලිවලට පහරදීමක් සිදුව නැත. පහරදීමට හවුල් පුද්ගලයන් සොයා මන්නාරම් පොලීසිය පරීක්ෂණ පවත්වමින් සිටියි.

17 July 2021

අලුත් මැතිවරණ නීති පමා නොකරමු

පුංචි ආණ්ඩුවලට මන්ත්‍රීවරුන් තෝරා පත්කර ගැනීම සම්බන්ධයෙන් අවශ්‍ය වෙනස්කම් යෝජනා කිරීම සඳහා පත් කෙරුණු පළාත් පාලන මැතිවරණ ක්‍රමය සමාලෝචන කමිටු වාර්තාව රාජ්‍ය සේවා, පළාත් සභා සහ පළාත් පාලන ඇමැති ජනක බණ්ඩාර තෙන්නකෝන් මහතාට පසුගියදා බාරදෙනු ලැබීය.

16 July 2021

සමිති බලධාරින්ගේ ගැටුම අසරණ දරුවන්ට සාපයක්

පාසල් සිසුන්ට මාර්ගගත (ඔන්ලයින්) ක්‍රමයට අධ්‍යාපනය ලබාදීම වර්ජනය කිරීම, පුවත්පත මුද්‍රණය කරන අස්ථාව වනවිටත් අඛණ්ඩව ක්‍රියාත්මකව පැවැතුණි.

15 July 2021

නිරෝධායන නීතියට තනි අර්ථ නිරූපණයක් ඕනෑ

නිරෝධායන පනත වෙනස් කිරීමට අදාළව සෞඛ්‍ය අමාත්‍යාංශයට විවිධ පාර්ශ්වවලින් යෝජනා පන්සියයකට ආසන්න සංඛ්‍යාවක් ලැබී ඇතැයි අප පුවත්පත ඉකුත් දා වාර්තා කළේය. සෞඛ්‍ය අමාත්‍යාංශයේ මාධ්‍ය ප්‍රකාශක, නියෝජ්‍ය සෞඛ්‍ය සේවා අධ්‍යක්ෂ ජනරාල්, විශේෂඥ වෛද්‍ය හේමන්ත හේරත් මහතා එම පුවත සනාථ කළ අතර, ඔහු අප පුවත්පතට ප්‍රකාශ කර තිබුණේ අමාත්‍යාංශයට ලැබී ඇති යෝජනා පුළුල්ව අධ්‍යයනය කරන බවය.

14 July 2021

රටේ ගෞරවයට හානිකරනම් මොන ජගතා වුවත් වැඩක් නෑ

රටේ ගෞරවයට හා කීර්ති නාමයට අගෞරව කරන ක්‍රීඩකයන්ට එරෙහිව විනය ක්‍රියාමාර්ග ගන්නා බව ක්‍රීඩා අමාත්‍ය නාමල් රාජපක්ෂ මහතා පාර්ලිමේන්තුවේදී ප්‍රකාශ කළ බව සඳහන් පුවතක් අප පුවත්පත ඉකුත්දා වාර්තා කළේය. ක්‍රීඩකයා ලෝකයේ කොතරම් දක්ෂතා දැක්වූ ක්‍රීඩකයකු වුවත් රටේ ගෞරවයට හානි කරනවා නම් දක්ෂතා අදාළ නැති බව ද එම කාරණය ක්‍රිකට් මලල ක්‍රීඩාව ඇතුළු සෑම ක්‍රීඩාවකටම අදාළ බව ද අමාත්‍යවරයා ප්‍රකාශ කළේ යැයි එම ප්‍රවෘත්තියෙහි වැඩිදුරටත් සඳහන්ය.

13 July 2021