කතුවැකිය

රට විවෘත කළ පමණින් යළි සැණකෙළි එපා

රට යළිත් විවෘත කෙරිණ. මෙහි ‘යළිත්’ යැයි සඳහන් කළේ වරින්වර රට වැසීමද යළිත් විවෘත වීම් ද සිදුවු හෙයිනි. රට විවෘත වූ ඒ සෑම අවස්ථාවකදීම ‘සියල්ල යහපත්’ යැයි සිතූ අනුවන පුරවැසියන් නිසා රට යළිත් වසා දැමීමට සිදුවිය. ඉතිහාසයයේ එකම දේ යළි යළිත් වන්නේ නම් එය ප්‍රහසනයක් නොව ඛේදවාචකයකි. එහෙයින් රට යළිත් වසා දැමීමට සිදු නොවන ලෙස කටයුතු කිරීමට සෑම පුරවැසියකු ඉදිරිපිටම බරපතළ වගකීමක් තිබේ.

02 October 2021

අනවශ්‍ය ගැටලු හදාගත් සහල් මිල ප්‍රශ්නය

සහල් මිල, රජයේ මිල පාලනය, වී මෝල් හිමියන්ගේ මාෆියාව ඇතුළු සහල් මිලට සම්බන්ධ සියලු‍ කතා පසුගිය සති කිහිපය තිස්සේ මෙරට දේශපාලන කරළියේත්, මාධ්‍යවලත් සැර කටගැසුම් බවට පත් වී තිබිණි. හදිසි නීති ප්‍රතිපාදන යටතේ සහල් මෝල් වටකර ගබඩාවල තිබූ සහල් තොග රජයේ භාරයට ගැනීම හේතුවෙන් එම කටගැසුම් තවදුරටත් තෙම්පරාදු විය.

01 October 2021

ශරීරාබාධ ඇති සැමටත් පුරවැසි සියලු අයිතීන් තිබිය යුතුය

රටක ආබාධ සහිත ප්‍රජාව ඉල්ලන්නේ විශේෂ වරප්‍රසාද නොව මානව අයිතීන් බැවින් ඒවා ලබාදීම රජයක යුතුකම යැයි ජනමාධ්‍ය ඇමැති ඩලස් අලහප්පෙරුම මහතා ප්‍රකාශ කළ බව සඳහන් පුවතක් අප පුවත්පත ඉකුත් දා වාර්තා කළේය.

29 September 2021

ශාක්‍ය ජනපදයේ ඛේදවාචකය

පිළියන්දල, කහපොළ රෙජිඩේල් වත්තේ අක්කර 78ක භූමියක රුපියල් කෝටි පනහක වියදමෙන් 2017 වසරේ ඉදිකිරීම් ඇරැඹුණු ශාක්‍ය ජනපදයේ ඉදිකිරීම් මේ වනවිට නැවතී ඇති අතර එම භූමිය මත්කුඩුකාරයන්ගේ පාරාදීසයක් වී ඇතැයි ප්‍රදේශවාසීන් පවසන බව සඳහන් පුවතක් අප පුවත්පත ඉකුත්දා වාර්තා කළේය.

28 September 2021

ඩයස්පෝරාවට කළ ඇරියුම අත් නොහළයුතු ප්‍රවේශයක්

ශ්‍රී ලංකාවේ අභ්‍යන්තර ගැටලු‍ රටේ අභ්‍යන්තර යාන්ත්‍රණයක් ඔස්සේ විසඳාගත යුතු බවත් ඒ සඳහා ද්‍රවිඩ ඩයස්පෝරාවට සාකච්ඡා සඳහා ඇරියුම් කරන බවත් ජනාධිපති ගෝඨාභය රාජපක්ෂ මහතා නිව් යෝක් නුවර දී පසුගියදා ප්‍රකාශ කර තිබිණි. එක්සත් ජාතීන්ගේ මහා මණ්ඩල සැසිවාරය ඇමතීමට අමෙරිකාවට ගොස් සිටින ජනාධිපතිවරයා නිව්​ යෝක් නුවර එක්සත් ජාතීන්ගේ මූලස්ථානයේ දී එහි මහ ලේකම් ඇන්ටෝනියෝ ගුටරේස් මහතා හමු වූ අවස්ථාවේ දී මේ බව ප්‍රකාශය කර තිබිණි.

27 September 2021

වැලිගම ආදාහනාගාර හැදුවේ ඔය කියන 51 දෙනාගේ මුදලින්ද?

වැලිගම ප්‍රදේශීය සභාව මගින් වරකපිටිය ප්‍රදේශයේ ඉදිකළ ආදාහනාගාරය සහ අවමංගල්‍ය ශාලාව ප්‍රදේශයේ ප්‍රබල දේශපාලනඥයන්ගේ සහභාගිත්වයෙන් මහත් හරසරින් ජනතා අයිතියට පත් කළ බවත්, එහි සමරු ඵලකයේ ජනාධිපතිවරයාගේ, අගමැතිවරයාගේ සහ දිස්ත්‍රික්කයේ මැති ඇමැතිවරුන් ඇතුළු ප්‍රදේශයේ දේශපාලනඥයන් පනස් එකකගේ නම් සටහන්ව තිබෙන බවත් අප පුවත්පත ඉකුත්දා වාර්තා කර තිබිණි.

25 September 2021

අමරදේවයන්ට මේ සැලකිලි හරිද?

හෙළයේ මහා ගාන්ධර්වයාණන් වූ අභාවප්‍රාප්ත ආචාර්ය පණ්ඩිත් ඩබ්ලිව්.ඩී. අමරදේවයන් සිහි කිරීම වෙනුවෙන් මීට වසර හතරකට පෙර රුපියල් කෝටි 20ක පමණ වියදමින් බත්තරමුල්ල අපේගම පරිශ්‍රයේදී ඉදි කිරීම ඇරැඹුණු ‘අමරදේව අසපුවේ’ ගොඩනැගිලි මේ වනවිට වල්බිහි වෙමින් තිබෙන බව අප පුවත්පත සේයාරූද සමග ඉකුත්දා වාර්තා කළේය.

24 September 2021

ස්වයං රැකියා සංගමයත් බඩගින්න දැනෙන පිරිසක්

මත්පැන් අලෙවි සැල් විවෘත කිරීමට අවසර දිය හැකිනම් පිටකොටුවේ ඇති වෙළඳසැල් විවෘත කිරීමට අවසර ඉල්ලා එක්සත් ජාතික ස්වයං රැකියා සංගමය සංවිධානය කළ විරෝධතාවකදී උද්ඝෝෂකයන් දෙදෙනකු පොලිස් අත්අඩංගුවට ගැනීමත් සමග උණුසුම්කාරි වාතාවරණයක් එතැන ඇතිවූ බව අප පුවත්පත ඉකුත්දා වාර්තා කළේය.

22 September 2021

අවංක නිලධාරීන් ගෙදර යවන්නෝ

පාරිභෝගික සේවා අධිකාරියේ විධායක අධ්‍යක්ෂ තුෂාන් ගුණවර්ධන මහතා පත්‍රය මුද්‍රණය වී වෙළෙඳ පොළට නිකුත් වී තිබෙන විට ඉල්ලා අස්වී ඇත. ‘නොවැළැක්විය හැකි හේතු’ සහ ‘‘පෞද්ගලික හේතු’’ සිය ඉල්ලා අස්වීමට තුඩුදුන් කාරණා වශයෙන් ඔහු පෙන්වාදී තිබිණි.

21 September 2021

ඩොලර් ඉතිරිකර ගැනීමට තානාපති කාර්යාල අඩුකරමු

රටේ ආර්ථිකය ඉතා අභියෝගාත්මක තලයකට වැටීම නිසා අප ඉදිරියේ පවතින්නේ වඩාත් අවදානම් සහගත තත්ත්වයකි. ජූලි මාසය වනවිට රටේ ඉතිරිව තිබුණේ ඩොලර් බිලියන දෙකයි දශම අටක පමණ විදේශ සංචිතයකි. රටට අත්‍යවශ්‍ය ඉන්ධන, ඖෂධ හා ආහාර ගෙන්වා ගන්නට එය ප්‍රමාණවත් වූයේ ඊළඟ සති 6ට පමණකි. ඊට සේවාද එක් වූ විට එය ප්‍රමාණවත් වූයේ යාම්තමින් සති පහකට පමණකි.

20 September 2021

බුද්ධි තොරතුරු කෙරෙහි නිසි සැලකිල්ලක් දක්වමු

කටුනායක ජාත්‍යන්තර ගුවන් තොටුපොළට කිසියම් ත්‍රස්ත ප්‍රහාරයක් එල්ල වනු ඇතැයි සඳහන් කරමින් ලැබුණු ඊමේල් පණිවුඩයක් හේතුවෙන් එම ගුවන් තොටුපොළේ සහ මත්තල මහින්ද රාජපක්ෂ ජාත්‍යන්තර ගුවන් තොටුපොළේ ආරක්ෂාව තර කර තිබේ. මෙම හෝඩුවාව තහවුරු කළ එකක් නුවූවද පූර්ව ආරක්ෂක පියවරක් ලෙස එම පියවර ගත් බව අපගේ ලංකාදීප පුවත්පතට පොලිසියේ ජ්‍යෙෂ්ඨ ප්‍රකාශකයකු ප්‍රකාශ කර තිබිණි.

18 September 2021

විභාග ක්‍රමයේ වෙනසකට පුළුල් සාකච්ඡාවක් ඕනෑ

ශ්‍රී ලංකාවේ අධ්‍යාපන ක්‍රමය දකුණු ආසියාවේ ඉතා කීර්තිමත් ඉතිහාසයකට උරුමකම් කියන්නකි. පිරිවෙන් යුගයෙන් පටන් ගෙන යටත් විජිත සමයේ මිෂනාරි අධ්‍යාපනයෙන් අනතුරුව නිදහස් අධ්‍යාපනය කරා පියමං කළ මෙරට අධ්‍යාපනයේ ප්‍රමිතිය එදා පොදුරාජ්‍ය මණ්ඩලයේ සෙසු රටවල පවා පැසසුමට ලක්විය. බ්‍රිතාන්‍ය පාලන සමයේ 1869දී ඇරැඹි ලංකා අධ්‍යාපන දෙපාර්තමේන්තුවට ගෞරවය අත්පත් කරදුන් ප්‍රධාන ඉසව්වක් වන්නේ අපේ විභාග ක්‍රමයයි.

17 September 2021

එක රටක් එක නීතියක් මේ රාජ්‍ය ඇමැතිට අදාළ නැද්ද?

සිය මිතුරන්ට එල්ලුම් ගස පෙන්වීමට අවශ්‍ය බව කියමින් පිරිසක් සමග බීමත්ව පැමිණි රාජ්‍ය අමාත්‍යවරයකු ඉකුත් සතියේ දිනක බන්ධනාගාර මූලස්ථානයට අයුතු ලෙස ඇතුළුවූ බව කියන පුවත අප පුවත්පත ඊයේ වාර්තා කළේය.

15 September 2021

සාහිත්‍ය සම්මානලාභීන්ට අපෙනුත් සුබපැතුම්

2020 වසරේ ප්‍රකාශිත කෘති අතරින් රාජ්‍ය සාහිත්‍ය සම්මාන හිමිවන ග්‍රන්ථ ලේඛනය ඉකුත්දා ප්‍රකාශයට පත්විය. කොරෝනා වසංගතය හේතුවෙන් සම්මානිත ග්‍රන්ථ නාමාවලිය ප්‍රසිද්ධියට පත් කළ බවත්, පසුව සම්මාන උළෙල පැවැත්වීමට නියමිත බවත් අප පුවත්පත වාර්තා කළේය.

14 September 2021

කොරෝනා අනතුරට මැදිවූ සාමාන්‍ය-උසස් පෙළ විභාග

පවතින කොරෝනා තත්ත්වය හේතුවෙන් උසස් පෙළ සහ සාමාන්‍ය පෙළ විභාග කලින් සැලසුම් කළ පරිදි පැවැත්වීම සැක සහිත යැයි අධ්‍යාපන අමාත්‍යාංශයේ ජ්‍යෙෂ්ඨ ප්‍රකාශකයකු පැවසී යැයි සඳහන් පුවතක් අප පුවත්පත ඉකුත්දා වාර්තා කළේය.

13 September 2021

එන්නත්කරණයට දේශපාලනය එපා

කොවිඩ් රෝග මර්දන කටයුතු පිළිබඳ තාක්ෂණික කමිටුවේ සාමාජිකයන් වූ විශේෂඥ වෛද්‍යවරුන් දෙදෙනකු එම කමිටුවෙන් ඉල්ලා අස්වීමත් හම්බන්තොටට ෆයිසර් එන්නත ලබාදීමත් රටේ කතාබහට ලක්වෙමින් තිබේ. සෞඛ්‍ය ක්ෂේත්‍රය නියෝජනය කරන විවිධ කමිටු සහ සංගම්වලින් සාමාජිකයන් ඉල්ලා අස්වීම හෝ ඉවත් කරනු ලැබීම අමුත්තක් නොවේ. එවැනි ඉල්ලා අස්වීම් මීට පෙරද සිදුව තිබේ.

11 September 2021

ඇඳිරි නීතිය විහිළුවට ගැනීම

කොරෝනා වසංගතය මැඩලීම සඳහා එන්නත්කරණය කෙතරම් හොඳින් සිදු වුව ද රෝග ව්‍යාප්තියේ බරපතළකම එසේම පවතී. මේ බදාදා වනවිට මෙරට කොරෝනා මර්දන එන්නත් දෙකම ලබාගත් ජන සංඛ්‍යාව ලක්ෂ අනූහතරකි. එක් එන්නතක් ලබාගත් ජන සංඛ්‍යාව එක්කෝටි විසිඅට ලක්ෂයකි. ඒ අතර, නිරෝධායන ඇඳිරිනීතිය ක්‍රියාත්මක කරමින් සමාජයේ දෛනික කටයුතු යම් තරමකට සීමා කර තිබේ. එහෙත් මෙවර ඇඳිරිනීතිය ලිහිල් වැඩි බවට සමාජයෙන් හා වෛද්‍ය විශේෂඥයන්ගෙන් චෝදනා එල්ල වෙමින් පවතී.

10 September 2021

ගුරු වැටුප් ප්‍රශ්නයට දෙපැත්තට දැන්වත් එකඟතාවට එන්න බැරිද?

ගුරු-විදුහල්පති වැඩ වැරුම අඛණ්ඩව ඉදිරියට ඇදෙමින් තිබේ. වසර එක හමාරක් පුරා පාසල අහිමිව සිටින දූ පුතුන්ට ‘ඔන්ලයින්’ අධ්‍යාපනය ද අහිමිව තිබේ. සෞන්දර්ය විෂයයට අදාළව ප්‍රායෝගික ක්‍රියාකාරකම් නොමැති හෙයින් අ.පො.ස. සාමාන්‍ය පෙළ විභාගයේ ප්‍රතිඵල නිකුත් කිරීමට නොහැකි වී තිබේ. රටේ අනාගතය බාර ගැනීමට සිටින පරම්පරාවක් අපේක්ෂා භංගත්වයට පත්ව සිටී. මෙම ප්‍රශ්නය තවත් දුර නොයවා විසඳා ගැනීමේ අවශ්‍යතාව දැඩිව අවධාරණය විය යුතුය.

08 September 2021

ජනතා වගකීම් පැහැර හැරීම් කොරෝනා උවදුරට හේතුවක්

ගැටුමකදී මිය ගිය තරුණයකුගේ අවසන් කටයුතු නිරෝධායන නීතිය ද නොතකමින් විශාල පිරිසකගේ සහභාගීත්වයෙන් යාපනය ගුරුනගර් ප්‍රදේශයේ පැවැත් වූ බව සේයාරුවක් ද සමගින් අප පුවත්පත ඉකුත්දා වාර්තා කළේය. සේයාරුවෙන් දැක්වුණේ විශාල පිරිසක් රතිඤ්ඤා දල්වමින් මාර්ගයේ ගමන් කරන ආකාරයයි.

07 September 2021

රජයේ වියදම් සීමාව යහපත් ආදර්ශයක්

රට මුහුණ දී ඇති බරපතළ මූල්‍ය අර්බුදය හේතුවෙන් රජයේ වියදම් දැඩි ලෙස සීමා කිරීමට තීන්දුවක් ගෙන තිබේ. මුදල් අමාත්‍ය බැසිල් රාජපක්ෂ මහතා විසින් කැබිනට් මණ්ඩලයට කරන ලද දැනුම්දීමකට අනුව මේ තීන්දුව ගෙන ඇතැයි වාර්තා විය. කොරෝනා වසංගතය හමුවේ මතු වූ බරපතළ ආර්ථික ගැටලු‍ ද රජයේ අපේක්ෂිත ආදායම විශාල ලෙස පහත වැටීම ද මේ වසරේ පුනරාවර්තන වියදම් පියවා ගැනීමට පවා එය ප්‍රමාණවත් නොවීම ද මේ තීන්දුව ගැනීමට හේතු වශයෙන් සඳහන් වෙයි.

06 September 2021

ඒකරාශිවීම් පාලනය අවශ්‍යයි: නැත්නම් තත්ත්වය බරපතළයි

යම් අයුරකින් සංචරණ සීමා ලිහිල් කරන්නේ නම් ප්‍රවාහන සේවා, වෙළඳ මධ්‍යස්ථාන සහ ප්‍රසිද්ධ ස්ථානයන්හි ජනතාව ඒකරාශිවීම පාලනය කිරීමට අවශ්‍ය විධිවිධාන දැන්ම සැලසුම් කළ යුතු බව සෞඛ්‍ය අමාත්‍යංශයේ නියෝජ්‍ය අධ්‍යක්‍ෂ ජනරාල් විශේෂඥ වෛද්‍ය හේමන්ත හේරත් මහතා ප්‍රකාශ කළ බව සඳහන් පුවතක් අප පුවත්පත ඉකුත් දා අනාවරණය කළේය.

04 September 2021

වයස 18න් ඉහළ 30න් පහළ අයටත් එන්නත් අත්‍යවශ්‍යයි

එන්නත්කරණ ක්‍රියාවලියේදී ශ්‍රී ලංකාව මේ වනවිට ජාත්‍යන්තර වශයෙන් ඉහළ ස්ථානයක රැඳී සිටියි. සෞඛ්‍ය අංශ ප්‍රකාශ කරන්නේ වයස අවුරුදු 30ට වැඩි ජනගහනයෙන් සියයට 55කට පමණ එන්නතේ දෙවැනි මාත්‍රාව ලබා දී අවසාන බවය. එහෙත් කොරෝනා මරණ අතුරින් ඉහළම ප්‍රතිශතය වාර්තා වන්නේ වයස 60ට වැඩි ජනගහන කාණ්ඩයේ වීම නිසා එම පිරිස හැකි තරම් ඉක්මනින් එන්නත ලබාගත යුතු යැයි සෞඛ්‍ය අංශ අවධාරණය කරයි.

03 September 2021

සීනි හිඟයක් මැවූ සීනි මාෆියාව

රටේ වෙළෙඳ මාෆියාවන් ගැන කලින් කලට විවිධ පුවත් මාධ්‍ය ඔස්සේ වාර්තා වෙයි. පසුගිය කාලය පුරාම අප සියලු‍ දෙනා ආවේගශීලීව සාකච්ඡා කළේ සහල් වලින් අධික ලාභ උපයන සහල් මාෆියාවක් ගැනය. දැන් එයට තවත් අතුරුපස ද එක්ව තිබේ. සීනි හා පරිප්පු ඇතුළු අත්‍යවශ්‍ය ආහාර ද්‍රව්‍ය කිහිපයක් සම්බන්ධයෙන්ද රටේ වෙළෙඳ මාෆියාවන් ක්‍රියාත්මක වෙමින් පවතින බව විද්‍යුත් මාධ්‍ය ඔස්සේ හෙළිදරව් වෙමින් පවතී.

02 September 2021

ශ්‍රී ලංකා ධජය ලොවට පෙන්වූ දිනේෂ්ට – සමිතට අපේ ආචාරය

ඔලිම්පික් හා පැරාලිම්පික් උළෙලක පදක්කම් පළඳවන උත්කර්ෂවත් මොහොතේ පිටිය සිසාරා වාදනය වන්නේ රන් පදක්කම දිනාගත් ක්‍රීඩකයාගේ රටේ ජාතික ගීය පමණි. එම අසිරිමත් අභිමානවත් ගෞරවණීය අත්දැකීම මෙතෙක් මෙරටට හිමිව තිබුණේ නැත. එම අඳුරු ඉතිහාසය ඒකාලෝක කරමින්, වර්ණවත් කරමින් ක්‍රීඩා විශ්වයේ හිණි පෙතට අපගේ ආදරණීය මාතෘ භූමිය ඔසොවා තැබීමට අභිමානවත් ශ්‍රී ලංකා පුත්‍රයෙක් සමත් විය. ඒ ඉකුත් 30 වැනිදාය.

01 September 2021

ඇමෙරිකාව සිනහවට ලක්කළ බයිඩන් තීන්දුව

ඇෆ්ගනිස්ථානය තුළ වසර 20ක් රැඳී සිටිමින් ඩොලර් ට්‍රිලියනයක් වැය කළ අමෙරිකාව හදිසියේම ඇෆ්ගන් දේශයෙන් පිටවීම ලොවපුරා ප්‍රමුඛ මාතෘකාවක් බවට පත්වී තිබිණි. ඉන් දෙසතියක් ගතවන විට අමෙරිකාව දැන් ප්‍රකාශ කරන්නේ අගෝස්තු 31 වැනිදා වනවිට ඇෆ්ගනිස්ථානයේ සිටින සියලු‍ම අමෙරිකානුවන් එරටින් ඉවත් කර ගන්නා බවය.

30 August 2021

අඩවියක් අනතුරට දැමූ කොටගල කෝවිල් උළෙල

කොටගල දිඹුල බෝගහවත්තේ කෝවිලේ ඉකුත් දිනෙක උත්සවයක් පැවැත්වීම සම්බන්ධයෙන් එම කෝවිලේ පාලක සභාවට එරෙහිව නීතිමය පියවර ගන්නා බව කොටගල සෞඛ්‍ය වෛද්‍ය නිලධාරී කේ. සුදර්ශන් මහතා පැවැසූ බව සඳහන් පුවතක් අප පුවත්පත වාර්තා කළේය.

28 August 2021

රට වසාදැමීම වගේම රටේ ආර්ථිකයත් බලමු

ලොව මහා බලවතුන්ට පවා ආණ්ඩු මට්ටු කරගත නොහැකි වූ කොරෝනා වසංගතය විසින් අප රටට කරනු ලැබ ඇති හදිය සුළුපටු නොවේ. ලෝකය පුරා මරණ ලක්ෂ 45ක් වාර්තා වෙද්දී අප රටේ මරණ ගණන අට දහසකට ආසන්නය. ලොව පුරා දිනෙන් දින වාර්තා වන රෝගීන් ගණන දස ලක්ෂ ගණනින් ඉහළ නගී. මෙම පසුබිමේ ශ්‍රී ලංකාව නැවතත් දින 10කට වසා දමා වසංගතය පාලනයට ආණ්ඩුව ගෙන යන පිළිවෙත තවත් දැඩි බවට පත් කළේය.

27 August 2021

එන්නත් නොගත් වෙළෙඳුන්ට වෙළෙඳාම තහනම කාලෝචිතයි

කොළඹ දිස්ත්‍රික්කයේ නිවෙස්වලට ගොස් අත්‍යවශ්‍ය භාණ්ඩ බෙදාහැරීම සඳහා අවස්ථා හිමිවන්නේ කොරෝනා මර්දන එන්නත්කරණයට ලක්වූ ජංගම වෙළෙඳුන්ට පමණක් බව කොළඹ දිස්ත්‍රික් ලේකම් ප්‍රදීප් යසරත්න මහතා පැවැසූ බව සඳහන් පුවතක් අප පුවත්පත ඉකුත්දා වාර්තා කළේය. එම කටයුතු මෙවර දැඩි පරීක්ෂාවට ලක් කරන බව ද පාරිභෝගික සේවා අධිකාරියත් සමග එක්ව අවශ්‍ය අවස්ථාවලදී වැටලීම් සිදු කරන බව ද ඒ මහතා සඳහන් කළේ යැයි අප ප්‍රවෘත්තියෙහි වැඩිදුරටත් සඳහන්ය.

25 August 2021