කතුවැකිය

සංචරණ තහනම දික්කිරීම කාලෝචිතයි

මෙම සටහන තබන මොහොත වනවිට කොරෝනා ආසාදිතයන්ගේ සංඛ්‍යාව එක් ලක්ෂ හැත්තෑ පන් දහසේ සීමාව ඉක්මවා ගොස් තිබේ. දිනකට හමුවන ආසාදිතයන්ගේ සංඛ්‍යාව දෙදහස සහ තුන් දහස අතර වේ. ඇතැම් දිනෙක එම සංඛ්‍යාව තුන් දහසද ඉක්මවා ගියේය. කොරෝනා ආසාදිතව දිනකට මිය යන සංඛ්‍යාව තැතිගැන්ම ඇති කරන්නකි. මෙම තත්ත්වය බැරෑරුම්ව සැලකිල්ලට ගත යුත්තකි.

29 May 2021

කොරෝනා රෝගීන් උග්‍රවීමට ජනතා නොසැලකිල්ලත් හේතුවක්

සංචරණ සීමා ලිහිල් කෙරුණු ඉකුත් 25 වැනිදා බොහෝ පිරිස් හැසිරුණු ආකාරය සතුටු විය නොහැකි හෙයින් ඉදිරියේදී වෙළෙඳසල් විවෘත කිරීම වෙනුවට වෙනත් විකල්ප ක්‍රියාමාර්ගවලට යොමුවීමට සිදුවන බව කොවිඩ් පාලනය කිරීම පිළිබඳ ජාතික ක්‍රියාන්විත මධ්‍යස්ථානයේ ප්‍රධානි, යුද හමුදාපති, ජනරාල් ශවේන්ද්‍ර සිල්වා මහතා ප්‍රකාශ කළ බව සඳහන් පුවතක් අප පුවත්පත ඉකුත් දා වාර්තා කළේය.

28 May 2021

පොලිස් භාරයේදී සැකකරුවන් ඝාතනය වීම නීතියට අභියෝගයක්

දින දෙකක කාලයක් තුළදී පොලිස් අත්අඩංගුවේ සිටි සැකකරුවන් දෙදෙනකු පොලිස් වෙඩි පහරවලින් ඝාතනයට ලක්වීම රටේ නීතියේ ආධිපත්‍යය සම්බන්ධයෙන් ප්‍රබල කම්පනයක් ඇති කරනු ලැබ තිබේ.

26 May 2021

අනන්ත බුදු ගුණ බලයෙන් ලොව සැමට සැනසීම අත්වේවා!

ලොව පහළ වූ අසමසම ශ්‍රේෂ්ඨතම ශාස්තෘවරයාණන් වහන්සේ වන ලොව්තුරා බුදුරජාණන් වහන්සේගේ උත්පත්තිය, බුද්ධත්වය හා මහා පරිනිර්වානය සිහිපත් කරන අසිරිමත් වෙසක් පුර පසළොස්වක පොහොය හෙට උදා වේ. ඒ මහා ශාන්ති නායකයාණන්ගේ අනන්ත බුදු ගුණ බලයෙන් හා ආශිර්වාදයෙන් රටෙන් හා ලොවෙන් කොරෝනා මාරාන්තික උවදුර දුරින් දුරු වී ගොස් සියලු සිත් සතන් නිවී සැනසීම් බවට පත් වේවායි ‘ලංකාදීප’ය මෙත් සිත් පෙරටුව ප්‍රාර්ථනා කර සිටී.

25 May 2021

රාජ්‍ය ඇමැතිනියගේ ආයාචනයේ යථාර්ථය

කොරෝනා මර්දන මෙහෙයුමෙහි නිරතව සිටියදීම මාධ්‍ය ඇමතූ සුදර්ශනී ප්‍රනාන්දුපුල්ලේ රාජ්‍ය ඇමැතිවරිය දානපතියන්ගෙන් ඉල්ලා සිටියේ “හැකි පමණින් ළඟම ඇති රෝහලට උදව් උපකාර, පරිත්‍යාග කරන” ලෙසය. එය එක් අතකින් දිනෙන් දින ඇවිළී යමින් මහා ගිනි ජාලාවක් බවට පත්ව තිබෙන කොරෝනා ගෝලීය වසංගතයේ හොර බිරම් බව කියාපෑමකි. අනිත් අතට අප රටෙහි ආර්ථික තත්ත්වය සිතුවමකට නැගීමකි.

24 May 2021

තවත් ප්‍රමාද කරන්න එපා අවශ්‍ය පියවර වහා ගන්න

කොරෝනා වසංගතය අපේ රට තුළ ගිනි කන්දක් බවට පත්වෙමින් තිබෙන බවද එය පුපුරා යා නොදී පාලනය කර ගැනීමට රජය ද සෞඛ්‍ය බලධාරීන් සහ ආරක්ෂක හමුදා ද පොලීසිය ඇතුළු මහජනතාව ද එක්ව කටයුතු කළ යුතු බව පසුගිය සතියේ කතුවැකියකින් අපි පෙන්වා දුන්නෙමු. දැන් දෛනිකව වාර්තා වෙන ආසාදිතයන්ගේ සංඛ්‍යාව සහ මරණ සංඛ්‍යාව ද වෛද්‍ය ක්ෂේත්‍රයේ විශේෂඥයන් දක්වන අදහස් අනුව ද පෙනී යන්නේ කොරෝනා ගිනි කන්ද අළු ධූලි නිකුත් කරමින් විදාරණය වෙමින් පවතින බවය.

22 May 2021

සමාජ ධර්මතා සමාජයෙන් ගිලිහී යන්ට ඉඩ දෙමුද?

වියපත් මව්පිය දෙපළක් කිසියම් අයකු විසින් වැල්ලම්පිටිය මංසන්ධියට ගෙනැවිත් දමා තිබෙන අයුරු සේයාරුවක්ද සමගින් අප පුවත්පත ඉකුත්දා වාර්තා කළේය. තෙදිනක් පුරා කඩපිලක වැතිර සිටි එම මවට හා පියාට තමන්ගේ කටයුතු පවා සිදු කර ගත නොහැකි තරමට අබල දුබල යැයිද එම ප්‍රවෘත්තියේ සඳහන්ය. තම දරුවන්ගේ ගරුත්වය ආරක්ෂා කරනු පිණිස එම දරුවන්ගේ නම් ගම් නොකියන එම මව සහ පියා තමන් හොරණ ප්‍රදේශයේ විසූ බව පමණක් සඳහන් කරන බවද එම ප්‍රවෘත්තියේ වැඩිදුරටත් සඳහන්ය.

21 May 2021

නිරෝධායන නීති කඩන සමාජ විරෝධී අමනයෝ

නිරෝධායන නීති උල්ලංඝනය කරමින් රාජගිරියේ නවාතැන්පොළක මත්පැන් සාදයක නිරත වෙමින් සිටි කාන්තාවන් දෙදෙනකු ඇතුළු හත්දෙනකු කොළඹ දකුණ අපරාධ කොට්ඨාසය මගින් අත්අඩංගුවට ගත් බව සඳහන් පුවතක් අප පුවත්පත ඉකුත් දා වාර්තා කළේය. මුළු රටම හුදෙකලා කර තිබියදී ඒ සම්බන්ධයෙන් වගේ වගක් නැතිව මෙම මත්පැන් සාදය පැවැත්වූ පුද්ගලයන් අතර කිරිවත්තුඩුව අසංක නමැති පුද්ගලයා ද සිටින බවත් ඔහු අපරාධ සම්බන්ධයෙන් වරෙන්තු තුනක් ලැබ සිටින පුද්ගලයකු වන බවත් අප ප්‍රවෘත්තියෙහි වැඩිදුරටත් සඳහ

19 May 2021

යළි සාකච්ඡා කළයුතු පොහොර තීන්දුව

රසායනික පොහොර ආනයනය තහනම් කිරීම රට තුළ ප්‍රබල කතිකාවක් නිර්මාණය කර තිබේ. අදාළ තීන්දුව සම්බන්ධයෙන් පක්ෂව සහ විපක්ෂව දේශපාලනඥයන් විසින්ද විද්‍යාඥයන් ගණනාවක් විසින්ද මේ වනවිට මාධ්‍ය ඔස්සේ තම මතවාද ප්‍රකාශ කර තිබේ. මේ ගැටලු‍වේ අනෙක් පාර්ශ්වකරුවන් වන ගොවීන් සහ කෘෂිකාර්මික ක්ෂේත්‍රය තුළ ව්‍යාපාර පවත්වාගෙන යන තේ වතු ඇතුළු වෙනත් ව්‍යවසායකයන් තවමත් ඍජු ලෙස අදහස් ප්‍රකාශකර ඇති බවත් දකින්නට නොතිබිණි.

18 May 2021

කොරෝනා උවදුර තව තවත් වර්ධනය වීමට ඉඩ නොදෙමු

එළැඹෙන සඳුදා පෙරවරු 4 වනතුරු මුළු රටම හුදෙකලා කර තිබේ. කොරෝනා ආසාදිතයන්ගේ වේගවත් වැඩි වීමත් කොරෝනා මරණ සංඛ්‍යාව ඉහළ යාමත් රට හුදෙකලා කිරීමට හේතු විය. පවතින තත්ත්වය සම්බන්ධයෙන් නිසි තක්සේරුවකින් කටයුතු නොකිරීමේ තාර්කික වන්දිය මුළු රටම ගෙවමින් සිටී.

15 May 2021

එන දේට ඔට්ටුවෙන්න සූදානමත් අවශ්‍යයි

ගම්පහ දිස්ත්‍රික්කයේ කොරෝනා ආසාදිතයන් 20000 ආසන්න පිරිසක් හමුවීම සහ ඉදිරියේදී යම් අවද‌ානම් තත්ත්වයක් ඇතිවුවහොත් ඊට මුහුණදීමට හැකිවන පරිදි ඇඳන් 2000 ක් පමණ යෙදිය හැකි ප්‍රතිකාර මධ්‍යස්ථානයක් ගම්පහ, වැරැල්ලවත්ත ප්‍රදේශයේ සැකසීමට ගම්පහ කොරෝනා මර්දන කමිටුවේදී තීරණය කළ බව සඳහන් පුවතක් අප පුවත්පත ඊයේ වාර්තා කළේය.

30 April 2021

ඉන්දියාවේ කොරෝනා සුනාමිය

ඉන්දියාව අද හුස්ම ගැනීමට මාරාන්තික සටනක නිරතව සිටියි. බැලු බැලූ අත දර සෑවල දැවෙන සිරුරු, මහමගදී තමන්ගේ මාපියන්ගේ පාමුල මිය යන තරුණ දූ පුතුන්, ඔක්සිජන් නොමැතිව සොහොයුරු සොහොයුරියන් තම දෑත් මත මියයද්දී පවුලේ සමීපතමයන් නගන අඳෝනා ඉන්දියාව අද මුහුණ දී සිටින සැබෑ ඛේදවාචකයේ හරස්කඩකි.

29 April 2021

මුලින් තමන් රැකී දෙවැනිව රටම රකින්න දායක වෙන්න

මුළු රටම බරපතළ අනතුරක මුවවිටට පැමිණ තිබේ. කොරෝනා තුන්වැනි රැල්ලක් පිළිබඳ භීතිය වඩවන පුවත් දස දෙසින්මය. මෙයට පෙර කොරෝනා පොකුරු යම් යම් ප්‍රදේශ හා ආයතන ආශ්‍රිතව මතුවුවද මෙවර විශේෂත්වය වන්නේ කොරෝනා පොකුරු රට හැම තැනින්ම මතුවීමය. ඒ අතරවාරයේ කොරෝනා ආසාදිතයන්ගේ සංඛ්‍යාව ලක්ෂය ඉක්මවා ගියේය. මහජන සෞඛ්‍ය පරීක්ෂකවරුන්ගේ සංගමය පවසන්නේ කොළඹ ගම්පහ සහ කුරුණෑගල යන දිස්ත්‍රික්ක තුන අධි අවදානම් තත්ත්වයකට පත්ව ඇති බවය.

27 April 2021

දියවන්නාව ගඳගස්වන වැඩ

බල්ලා, බූරුවා සහ පිස්සා වැනි වචනවලින් බැණ ගැනීමෙන් ද ඉන් පසුව මන්ත්‍රීවරුන් දෙදෙනකු අතර සිදු වූ ගුටිබැට හුවමාරුවකින්ද රටම කැළඹූ පසුගිය 21 වැනිදා පාර්ලිමේන්තුවේ රැස්වීම එකම ගාලගෝට්ටියක් බවට පත්ව තිබිණි. පාස්කු ඉරුදින ප්‍රහාරය සම්බන්ධයෙන් ආණ්ඩු පක්ෂ විපක්ෂ මන්ත්‍රීවරුන් දෙපිරිසක් අතර ඇතිවූ බහින්බස් වීමක් මේ තරම් දුරදිග ගියේ කාගේ වරදින්දැයි අපි නොදනිමු.

26 April 2021

පොල් පලද‌ාව වනසන වන සතුන්ගේ ප්‍රශ්නය

පොල් ඉඩම්වල පලද‌ාවට රිළවුන් සහ දඬුලේනුන් දැඩි හානියක් සිදු කිරීම පොල් මිල ඉහළ යාමට ප්‍රධාන හේතුවක් වී ඇති බවත් සෑම ඉඩමකම අස්වැන්නේ අඩකට වඩා වන සතුන් විනාශ කිරීම නිසා පොල්වගාකරුවන් දැඩි පීඩාවට පත්ව සිටින බවත් හක්මන ඒකාබද්ධ ගොවි සංවිධානය සඳහන් කරන බව අප පුවත්පත ඉකුත් ද‌ා වාර්තා කළේය.

23 April 2021

හැමෝම සිතට ගතයුතු කොරෝනා අවදානම

කොළඹ දිස්ත්‍රික්කය ප්‍රමුඛව රට තුළ කොරෝනා ආසාදිතයන්ගේ වර්ධනයක් වාර්තා වෙමින් පවතින බව සෞඛ්‍ය අංශ ප්‍රකාශ කරයි. මේ අවදානම්සහගත අනතුරු ඇඟවීම කෙරෙහි රටේ මහජනතාව දැඩිව තම අවධානය යොමුකළ යුතු බවට කතා දෙකක් නැත. කොරෝනා පළමු රැල්ල සහ දෙවැනි රැල්ල පිළිබඳ අමිහිරි මතකය සිහිපත් කර ගැනීම මෙහිදී සියලු‍ දෙනාටම ඉතාම වැදගත් වනු ඇතැයි අපි සිතමු.

22 April 2021

නෝර්වේ පොලිසියෙන් රටට-සැමට එකම නීතියක්

කොරෝනා නීති කඩකරමින් තම සමීප ඥාතිමිත්‍රාදීන් කිහිප දෙනකු සමඟ සාදයකට සහභාගි වූ නෝර්වේ අගමැතිනි එර්නා සොල්බර්ග්ට එරට පොලීසියෙන් දඩයක් නියම කිරීම ජාත්‍යන්තර මාධ්‍යයේ දැඩි අවධානය දිනාගත් ප්‍රවෘත්තියක් බවට පත් විය. නව කොරෝනා වෛරසය පාලනයට පැන වූ තහංචි පිළිබඳ කිසිදු තැකීමක් නොකර උපන්දින සාදයක් පැවැත්වීම මේ දඩය පැනවීමට හේතු වී තිබේ. මේ උපන්දින සාදය වෙන අයකුගේ නොව ඇයගේම 60 වැනි උපන්දිනය බව ද සඳහන් වෙයි.

18 April 2021

වගකීමෙන් වැඩ නොකළොත් ඉදිරි කාලය බරපතළ වේවි

අලුත් අවුරුදු උත්සව සමය කෙමෙන් ගෙවී යයි. අලුත් අවුරුද්ද උදාවන මොහොතේ අනාගතය සම්බන්ධයෙන් ඇතිකරගත් සුබවාදී ප්‍රාර්ථනා එලෙසින්ම ඉටුකර ගැනීම වෙනුවෙන් වෙහෙසිය යුතු පැය එළැඹ තිබේ. ඒ වෙනුවෙන් ඔබ වඩාත් වගකීම් සහගත වනු ඇතැයි අපි අපේක්ෂා කරමු.

16 April 2021

පාම් ඔයිල් තහනමෙන් බේකරිත් අමාරුවේ දානු එපා

කර්මාන්ත හා බේකරිවල අවශ්‍යතා සඳහා පාම් ඔයිල් ගෙන්වීම කෝටා ක්‍රමයට සිදුකරන බව වෙළඳ අමාත්‍ය ආචාර්ය බන්දුල ගුණවර්ධන මහතා පාර්ලිමේන්තුවේදී ප්‍රකාශ්‍ කළ බව සඳහන් පුවතක් අප පුවත්පත ඊයේ වාර්තා කළේය. පාම් ඔයිල් ආනයනය හා කටුපොල් වගාව වහාම ක්‍රියාත්මක වන පරිදි තහනම් කිරීමට ජනාධිපති ගෝඨාභය රාජපක්ෂ මහතා ඉකුත්දා නියෝග කළේය.

09 April 2021

හිතුමතේ තීන්දු ගැනීමේ පලවිපාක

හිටපු අගවිනිසුරු මොහාන් පීරිස් මහතා හිටපු ජනාධිපති මෛත්‍රීපාල සිරිසේන මහතා විසින් එම තනතුරින් ඉවත් කරනු ලැබුවේ නීතියට පටහැණිව බව අධිකරණ ඇමැති ජනාධිපති නීතිඥ අලි සබ්‍රි මහතා පසුගියදා පාර්ලිමේන්තුවේදී ප්‍රකාශ කළේය. මාතලේ දිස්ත්‍රික් ශ්‍රී ලංකා පොදුජන පෙරමුණු මන්ත්‍රී ප්‍රමිත බණ්ඩාර තෙන්නකෝන් මහතා යොමු කළ ප්‍රශ්නයකට පිළිතුරු වශයෙන් අලි සබ්‍රි මහතා එම ප්‍රකාශය කළේය.

08 April 2021

පොලිස් අණ නොතැකීම රටේ නීතිය බාල්දු කිරීමක්

යාපනය, වඩමාරච්චි, වල්ලිපුරම් ප්‍රදේශයේදී නීති විරෝධී වැලි ජාවාරම් කිරීමේ සිද්ධියක් වැටලීමට ගිය පේදුරුතුඩුව පොලිසියේ පරිසර අංශයේ ස්ථානාධිපතිවරයා යටකර පලාගොස් සැඟවී සිටි ටිපර් රථ රියැදුරකු අත්අඩංගුවට ගැනීමේ පුවතක් අප පුවත්පත ඉකුත් දා වාර්තා කළේය.

07 April 2021

පළාත් සභා පනත කාලීනව වෙනස්විය යුත්තේ ඇයි?

පළාත් සභා මැතිවරණය යළිත් සක්‍රීය මාතෘකාවක් බවට පත් වෙමින් තිබේ. එය පවත්වන දිනය සම්බන්ධයෙන් මාධ්‍යවල විවිධ මත පළවිය. ජනාධිපතිවරයා සහ මැතිවරණ කොමිසම අතර මැතිවරණය පැවැත්වීම පිළිබඳව සාකච්ඡාවක් පැවැත්වූ බවද වාර්තා වී තිබිණි.

06 April 2021

පරිසර අලුත් ඒකකය ඉදිරි පියවරක්

පරිසරය සම්බන්ධයෙන් මේ දවස්වල ඇසෙන්නේම අවර ගණයේ කතාය. කැලෑ කැපීම්, සිංහරාජය ආසන්න ප්‍රදේශවල පරිසරයට හානිකර ඉදිකිරීම්, කඩොලාන පරිසර පද්ධති විනාශකර දැමීම්, කුඹුක් ගස් කපා දැමීම් මේ අතරින් ප්‍රධාන ධාරාවේ මාධ්‍යවල පමණක් නොව සමාජ මාධ්‍ය ජාලවල ද අවධානය දිනාගත් මාතෘකා අතර විය.

04 April 2021

ආපනශාලාවල හොර මගඩි වැළැක්වීමට අවදියෙන් සිටිමු

ආහාර නිෂ්පාදනයේදී එකම පොල්තෙල් කිහිප වරක් භාවිත කිරීම වැළැක්වීමේ අරමුණෙන් කළුතර දිස්ත්‍රික්කයේ ආපන ශාලා වැටලීමේ මෙහෙයුමක් දියත් කළ බව කළුතර ප්‍රාදේශීය සෞඛ්‍ය සේවා අධ්‍යක්ෂ වෛද්‍ය උදය රත්නායක මහතා ප්‍රකාශ කළ බව සඳහන් පුවතක් අප පුවත්පත ඉකුත් දා වාර්තා කළේය.

02 April 2021

රාජ්‍ය සමාගම්වලින් ගසාකෑම නවත්වනු

රාජ්‍ය සමාගම් අධික පාඩු ලැබීම රටේ ආර්ථිකයට දරාගත නොහැකි විශාල බරකි. මෙවැනි පාඩු ලැබීම්වලට අවසානයේ කර ගසන්නේ ආණ්ඩුව හෝ දේශපාලන බලාධිකාරිය හෝ නොවේ. මෙරට බදු ගෙවන පොදු මහජනතාවය. තමන් මිලදී ගන්නා අල ගෙඩියේ ලූනු ගෙඩියේ සිට ඔවුහු වක්‍රාකාරයෙන් මේ බරට කර ගසති. එසේම තමන් ගෙවන බදු රාජ්‍ය සමාගම් පාඩු පියවීමට යොදවාගැනීම හරහා ඍජු ලෙස ඔවුහු මුදල් සූරා ගැනීමට ලක්වෙති.

01 April 2021

සමස්ත පොලිස් සේවයම අපකීර්තියට පත්කළ මදාවියා

මහරගම – පන්නිපිටිය මාර්ගයේදී ඉකුත් 29 වැනිදා පෙරවරුවේදී දෙනෝදාහක් ජනී ජනයා බලා සිටියදී ලොරි රථ රියැදුරෙකුට පහර දුන් මහරගම පොලිසියේ රථ වාහන අංශයේ කොස්තාපල්වරයාගේ වැඩ තහනම් කර ඇති බව අප පුවත්පත ඊයේ වාර්තා කළේය. පොලිසිය බාර ඇමතිවරයා වන රියර් අද්මිරාල් සරත් වීරසේකර මහතා ‘‘මකා හෝ පොලිසිය සුද්ධ කරනවා’’ යැයි මාධ්‍යයට කියා එහි උණුසුම පහව යෑමටත් මත්තෙන් මහරගම පොලිසියේ රථ වාහන අංශයේ කොස්තාපල්වරයා මහ මග තම නිල ඇඳුම් උනා තබමින් යකා නැටූ හැටි මුළු රටම දුටුවේය

31 March 2021

අනතුර සහමුලින්ම අවසන්යයි සිතනු එපා

කොරෝනා වයිරසය ආසාදනය වූවන් බහුල වශයෙන් වාර්තා වීමත් සමග යාපනයේ තිරුනෙල්වෙලි හා පාට්පන්නෙයි ගම්මාන නැවත දැනුම් දෙන තුරු හුදකලා කර ඇතැයි සඳහන් පුවතක් අප පුවත් පත ඊයේ වාර්තා කළේය. එමෙන්ම යාපනයේ කොරෝනා වයිරසයේ ව්‍යාප්තියේ අවදානම සැලකිල්ලට ගනිමින් යාපනය අධ්‍යාපන කලාපයේ සියලු පාසල් 29 වැනිදා සිට සතියක කාලයක් වසා දැමුණු බව ද එම ප්‍රවෘත්තියේ වැඩිදුරටත් සඳහන්ය.

30 March 2021

පිළිකාකාරක පොල් තෙල් ගෙන්වීමට ඉඩදුන්නේ ඇයි

පිළිකාකාරක පොල්තෙල් රටට ඇතුළු වී තිබෙන බවට පැතිර යන කතාව පහුගිය දිනවල දැඩි ලෙස සමාජගත වී තිබිණි. එය පාර්ලිමේන්තුවේ දී පවා ප්‍රශ්න කිරීම්වලට ලක්විය. එම කතාවට අනුව විස සහිත පොල්තෙල් රටට ඇතුළු වී දැයි සෙවීමට පරීක්ෂණ පවත්වන්නැයි වෙළෙඳ ඇමැති ආචාර්ය බන්දුල ගුණවර්ධන මහතා පාරිභෝගික සේවා අධිකාරියට උපදෙස් ලබා දී තිබූ බව ද ප්‍රකාශ විය.

29 March 2021