සැමියාගේ හොර පෙම අල්ලන්න බිරිය පොල්ලකුත් අරන් බසයට නැගලා

ශ්‍රී ලංගම බස් කොන්දොස්තරවරයකු වූ තම සැමියාගේ අනියම් පෙම අතටම අල්ලා ගැනීමට සමත් වූ කාන්තාවක් පිළිබඳව කුරුණෑගලින් වාර්තා වේ. දෙදරු පියකු වූ කොන්දොස්තර සැමියා තම බිරිය ද සමග ප‍්‍රීතියෙන් පවුල් ජීවිතයක් ගෙන ගිය අයෙකි. නමුත් එම පවුලේ සමගියට කණ කොකා හැඬුවේ සැමියා සේවය කරන බසයේ දිනපතාම ගමන් කළ තරුණියක සමග අනියම් සබඳතාවක් ඇති කර ගැනීම නිසාය.

සැමියා බසයේ සේවය කරමින් සිටින අතරේදී එම බසයේම ගමන් කරන තරුණියක් සමග පෙම්බස් දොඩමින් ගමන් කරන බව බිරියට දිනපතාම තොරතුරු ලැබෙන්නට විය. කුමන ආකාරයේ තොරතුරු ලැබුණද මෙය අතටම අල්ලාගෙන ඇත්ත නැත්ත දැන ගත යුතු යැයි සිතූ බිරිඳ ඒ සඳහා අපූරු උපක‍්‍රමයක් යෙදුවාය. මුහුණද ඇතුළුව සම්පූර්ණ සිරුරම ආවරණය වන ආකාරයේ කාන්තා ඇඳුමක් තම හිතවත් කාන්තාවකගෙන් ලබාගත් ඇය ඉන් සැරසී සැමියා සේවය කරන බසයට ගොඩවූයේ ලෝගුව තුළ පොලූ කැබැල්ලක් ද සඟවා ගෙනය.

මේ සිටින්නේ තම බිරිය යැයි නොදත් සැමියා ඇයට ද ටිකට් පතක් ලබාදී බසයේ ඉස්සරහට යන ලෙස පැවසූවේ තරමක් සැරපරුෂවය. එසේ කී සැමියා ඉන් පසුව බසයේ පිටුපස අසුනක අසුන්ගෙන සිටි තම පෙම්වතිය වෙත ගොස් පෙම්බස් දොඩමින් උකුළු මුකුළු කරන්නට විය. මේ බව දුටු බිරියට යක්ෂාරූඩ වී උන්හිටි තැනද අමතක විය. ඇඳුමේ හිස් ආවරණය ගලවා දැමූ ඇය සඟවාගන සිටි පොල්ලෙන් තම සැමියාටත් ඔහුගේ අනියම් පෙම්වතියටත් පහර දෙන්නට වූයේ ‘‘මේකා බැඳලා දරුවොත් ඉන්න තාත්තා කෙනෙක්. දැන් කොල්ලා වගේ බස් එකේ පෙම් කෙළිනවා” යනුවෙන් කෑ ගසමින්ය.

පහරකෑමට ලක්වූ පෙම්වතිය බසයෙන් බැස පලා යන්නට වූ අතර කොන්දොස්තරවරයාගේ බිරියද ඇය පසුපස හඹා යන්නට වූයේ සිදු වූ දේ වටහාගත නොහැකිව කොන්දොස්තර සැමියා පුදුමයෙන් මෙන් බලා සිටියදීය.

අදහස් (0)

සැමියාගේ හොර පෙම අල්ලන්න බිරිය පොල්ලකුත් අරන් බසයට නැගලා

පිටබැද්දර ජයා Thursday, 25 February 2016 08:57 AM

ස්වාමියාට ආදරේ බිරිඳක්. (ර)

: 0 0

රුපවතී Thursday, 25 February 2016 09:16 AM

හොද වැඩේ මාත් ලගක හිටියානම් බස් එකේ යකඩ පොල්ලක්වත් ගලවලා දෙනවා ඒ අක්කට උදව්වට. (ර)

: 0 0

වික්‍රම Friday, 26 February 2016 04:46 AM

අපේ කාර්යාලේ වැඩ කරපු මහත්මියක් රියදුරෙක් එක්ක සබදතාවක් පැවැත්තුවා..බලනකොට එයා තමයි බස් එක පටන් ගන්න තැනින්ම ගොඩ වෙන්නේ.පසුව අපි අවවාද කරලා නැවැත්තුවා..(අ)

: 0 0

නන්දලාල් - ප්‍රංශය Thursday, 25 February 2016 09:55 AM

වසන්ත රත්නායක, ඒ මොකෝ අනේ? ඔයාටත් මෙහෙම සිද්ධියක් උනාද ? (ර)

: 0 0

රමණි Friday, 26 February 2016 05:18 AM

චන්දි හරි. මෙච්චර කාලෙකට ඔය ඇඳුම ගැන ඇහුනෙම නරක දේවල්. ඇත්තටම පොඩි ළමයින් බය වෙලත් තිබුනා. ඔන්න ඒකෙනුත් හොඳ දෙයක් වුණා. (අ)

: 0 0

සරත් Saturday, 27 February 2016 12:30 AM

ඔය ඇඳුමෙන් ගොඩක් වැඩ කරනවා නේද චන්දි අක්කේ. (නි)

: 0 0

චන්දි Saturday, 27 February 2016 03:52 PM

එහෙමයි කියලා අහලා තියෙනවා සරත්, නමුත් දැකලා නැහැ. මේ රටේ ඒ ඇඳුම අඳින්නේ නැහැනේ (නි)

: 0 0

සිසිර Thursday, 25 February 2016 11:25 AM

හිනාව නවත්තා ගන්න බැරුව ගියා මට. (ර)

: 0 0

ජනහිත Thursday, 25 February 2016 06:26 AM

අයියෝ ! අල්ලගන්න පුළුවන් උනේ බස් එකේ ගියහින්දා නේද ? (ර)

: 0 0

ගුණවර්ධන Friday, 26 February 2016 02:42 PM

වැදුනලු නියමෙට ඉතින් දැක්කද දුවපු දිවිල්ල... (ර)

: 0 0

සම්පත් Thursday, 25 February 2016 06:42 PM

හොර වැඩක්වත් හරියට කරන්න දන්නේ නැති හැටි (නි)

: 0 0

වසන්ත රත්නායක Thursday, 25 February 2016 07:42 AM

කොහොමත් කුරුණෑගල ගෑහැණු වසයි. විශේෂයෙන් වාරියපොළ. (ර)

: 0 0

පිටබැද්දර ජයා Thursday, 25 February 2016 10:40 PM

මගේ අම්මෝ රූපවතියේ, සැර වැඩි නැද්ද? (නි)

: 0 0

දසුන් Thursday, 25 February 2016 11:52 PM

අනේ ඔය කවුරුහරි පිළියන්දල පැත්තටත් එන්න පොල්ලක් අරගෙන. ඒ පැත්තේ මංගල සේවා කාරයෙක් අනුන්ට කේන්දර බලලා විවාහ වෙන්න කියන ගමන් තමනුත් පෙම්වතියක් සෙට් කරගෙන. වැඩේ කියන්නේ දෙන්නාම වෙන අයත් සමඟ විවාහවෙලා ඉන්නේ. (නි)

: 0 0

ජයරත්න Thursday, 25 February 2016 01:04 PM

හිනා වෙන්න හොඳ කතාවක්. ඒත් කවුරුවත් ආදර්ශයට නම් ගන්න එපා. ගෙවල් ඇතුළේ විසඳාගන්න තියෙන ප්‍රශ්න මහ පාරවල් වලට ගෙනගියාම ඒවායින් ලැජ්ජාවට පත්වෙන්නෙ අහිංසක දරුවන්. (නි)

: 0 0

චන්දි Thursday, 25 February 2016 01:35 PM

එහෙනම් ඒ ඇඳුමෙනුත් වැඩක් ගත්තනේ. හ්ම් හ්ම් හොඳයි හොඳයි (නි)

: 0 0

චානක Friday, 26 February 2016 01:59 AM

ඒ වැඩෙත් නරකම නැහැ (නි)

: 0 0

බුද්ධික Thursday, 25 February 2016 02:10 PM

අනේ, අහිංසක ජෝඩුව! මල් කඩන්න ගත්තා විතරක් වෙන්න ඇති. (නි)

: 0 0

චතුර Wednesday, 02 March 2016 08:15 PM

ඒක මේක කොහොම වෙතත් ඹය ඇදුම නම් අපේ රටට ගැලපේන්නේ නෑ(අ)

: 0 0

බණ්ඩාර රුසියාව Thursday, 25 February 2016 04:57 PM

මෙහෙමත් ගැහැණු? හැමදාම බස් එකේ නිකම් යන්න අර කොන්දොස්තරව රව්ට්ටලා නේද? රුපවති සොහොයුරියට නොතේරුනාට කාරණාව ඒකයි. (නි)

: 0 0

මහින්ද ආර් කිතුල්ගොඩ සී ෂෙල්ස් Thursday, 25 February 2016 05:14 PM

ජනහිත බස් එකේ ගිය නිසාම නොවේ, කවදාහරි ඕවා අහුවෙනවා. තමන් කරන තරමක් වැරදි වැඩ කරලා ගෙදර ගිහින් බිරින්ඳෑගේ හරි වැරදි හොයන ගොඩක් මහත්තුරු මේ වගේ කොතනකදී හරි අනාගන්නවා (නි)

: 0 0

සුදත් Saturday, 27 February 2016 01:08 PM

අපේ රටේ ඉන්නේම යල්පැනපු පරණ ක්‍රම වලට හිතන මිනිස්සු. (නි)

: 0 0

දිසානායක Monday, 29 February 2016 03:23 AM

නියම දක්ෂ බිරිඳක් (නි)

: 0 0

ඔබේ අදහස් එවන්න

දෙයියෝ සාක්කි

බයික් එක මාරුවී ඉහමොළ රත්වෙලා

2025 මැයි මස 06 317 0

යතුරු පැදියේ ගැට ගසා තිබූ පඬුරෙන් තමන්ගේ යතුරු පැදියත් වැටෙන්න ගිය අලි අමාරුවෙනුත් බේරුණු අයෙකු පිළිබඳව අපූරු කතාවක් බලපිටියෙන් අසන්නට ලැබේ.

හිතේ සහනයට අපූරු විසඳුමක්

2025 මැයි මස 05 625 1

තනිකඩ වියේ පසුවන ගුරු මාතාවක මිලදී ගත් මෝටර් රථයක් මානසික සුවය පතා ගත් සැණින් විකුණා දැමු පුවතකි. සිද්ධිය ඇසෙන්නේ මහවැලි ජනපද ගම්මානයට අයත් ප්‍රදේශයක

නෝනා අන්දන්න ගිහින් අමාරුවේ වැටිලා

2025 මැයි මස 03 302 0

ඉතා හදිසි රාජකාරියක් නිසා නෝනා යතුරු පැදියෙන් ගෙන යා නොහැකි යයි කියූ සැමියා තම හිතවතිය යතුරු පැදියේ දමාගෙන ගොස් අලි අමාරුවක වැටුණු කතාවක් ගාලු‍ දිසාව

උදවු කරන්න ගිහින්න නට්ටම් වෙලා

2025 මැයි මස 02 807 1

නිවසට සිඟමනේ පැමිණි කතකට පුතා උදව් උපකාර කළ අයුරු දැක මවුපිය දෙදෙනා නට්ටම් වූ පුවතක් කලාවැව අසල ගම්මානයකින් අසන්නට ලැබෙයි.

‘‘පොෂ්’’ වෙන්න ගිහින් පටිරෝල් වෙලා

2025 මැයි මස 01 891 0

මුහුදු මාළු ගැනීමට ගොස් අනුන්ට පේන්නට ප්‍රදර්ශනය කළ තම ‘‘මහන්තත්තකම”‍ බිංදුවට වැටුණු උඩඟු‍ කාන්තාවක පිළිබඳ අපූරු කතාවක් කැබිතිගොල්ලෑව සතිපොළ ප්‍ර

ලිස්සන ගහට සල්ලි නොදී ලිස්සා ගිහින්

2025 අප්‍රේල් මස 30 699 0

අලු‍ත් අවුරුදු උත්සවයක් සදහා ලිස්සන ගසේ නැගීමේ තරගය සඳහා අනුග්‍රාහක ත්‍යාග මුදලක් ලබා දීමට පොරොන්දු වී එයින් ලිස්සා යෑමේ පුවතක් මහනුවරට නුදුරු ප්‍රද