(නයිනමඩම- චන්දන ප‍්‍රනාන්දු)
දීර්ඝ කාලයක් ඉතාලියේ සේවය කර පැමිණ බස් රථයකින් ගමන් කරමින් සිටි තරුණයකුට බස් ටිකට් එක හා ගුවන් ටිකට් එක මාරු වී සිදු වූ අකරතැබ්බයක් මීගමුව හලාවත බස් රථයකින් පසුගියදා වාර්තා විය.


මෙම තරුණයා ඉතාලියට ගොස් වීසා ලැබුණත් ලංකාවට නොපැමිණ දීර්ඝ කාලයක් එහිම රැුකියාව කරමින් ජීවත් වී ඇත්තේ එම පරිසරයට ඔහු වශී වූ නිසා බව වාර්තා විය. කෙසේ වෙතත් මවුපියන්ගේ හා සහෝදරයන්ගේ බල කිරීම නිසාම ලංකාවට ආ මෙම තරුණයා හැසිරුණේ යුරෝපීය ජාතිකයකු වගේමලූ.


ආපසු ඉතාලියට යාමට ළංවී ටිකට් පතේ දිනය තහවුරු කර ගැනීමට අගනුවරට යහළුවකු සමඟ වාහනයක යන්නට සිටියත් බස් රථයේම යන්නට තීරණය කළ මේ තරුණයා මීගමුව බලා යන බස් රථයකට ගොඩ වී ඇත. කොන්දොස්තර මුදල් ගෙන ටිකට්පත දුන්නත් තරුණයා එය විසිකර දමා ඇත.


ටික වේලාවකින් ටිකට් පරීක්ෂාකරන මහත්වරුන් බසයට ගොඩ වී මගින්ගේ ටිකට් පරීක්ෂා කරමින් එම තරුණයාගෙන් ටිකට් එක ඉල්ලද්දී දෙන්න දෙයක් ළඟ නොතිබු නිසා බයටම ගුවන් ටිකට් එක දී ඇත. කොහොමින් කොහොම හරි ටිකට් පරීක්ෂක මහත්වරුන් බස් රථයක යාමේදී   ටිකට්පත ළඟ තබා ගැනීමේ වැදගත්කම පෙන්වා දී තරුණයාට අවවාද කර දඩයක් නියම කළාලූ.