2025 දෙසැම්බර් මස 12 වන සිකුරාදා
(කමල් ශ්රී ලියනගේ - කොස්ගොඩ)
අමනාපයෙන් සිටින බිරිඳට පාඩමක් උගන්වා ඇයගෙන් වාඩුව ගැනීමට තමාගේ මිතුරන් රැුසකට අවුරුදු උදාවූදා ගේ ඉඳුල් කරන්න නිවෙසට පැමිනෙන්නැයි සැමියකු කළ ආරාධනයක් නිසා ඒ සැම දෙනාටම සංග්රහ කිරීමට බිරිඳකට සිදුවීමේ පුවතක් බළපිටියේ ගම්මානයකින් වාර්තා විය.
මේ නිසා ගෙහිමි කාන්තාවගේ ඇරයුමෙන් ගේ ඉඳුල් කිරීමට පැමිණි මිතුරිය ද සමග එක්වී ලහිලහියේ අවුරුදු උදාවූ සුබ මොහෙතේ සිට දෙදෙනා එක්වී කෑම පිසීම සිදුකොට තිබේ.
සිද්ධිය මෙසේය. මෙම අඹු-සැමි යුවළ කලක සිට අමනාපයෙන් පසුවිය. බිරිඳ අවුරුදු ප්රීතිය නිමිත්තෙන් වත් අමනාපය අත්හරිතියි සැමියා සිතුවේය. එහෙත් බිරිඳ තමා සමග තරහෙන් සිටින බව සැමියාට වැටහුණි. ඔහු බිරිඳට හොඳ පාඩමක් උගැන්වීමට කල්පනා කළේය. ඒ අනුව අවුරුදු ලබන දා තම ගේ ඉඳුල් කිරීමට ඔහු මිතුරන් රැුසකට ආරාධනා කළේය. නැකැත් වේලාව ළංවන විට මිතුරන් විසි ගණනකට වැඩි පිරිසක් ගෙදරට පැමිණියහ. මේ සැමියාගේ ක්රියාව නිසා බිරිඳට හීන්දාඩිය දැම්මාය. ඇය ඒ නිසා හඬමින් කුස්සියට වී සිටියාය.
මේ අතර ගෙහිමි කාන්තාවගේ ඇරයුමෙන් ගෙය ඉඳුල් කිරීමට ඇගේ මිතුරියද නිවෙසට පැමිණියාය. මිතුරියට සැමියාගේ උපාය ගැන ගෙහිමි කාන්තාව සියල්ල කියා සිටියාය.
දැන් ඉතිං කරන්න දෙයක් නැහැ. ගෙදරට ආපු මිනිස්සුන්ට කන්න නොදී පුළුවන්ද? තියෙන දෙයක් ගිහින් හදලා දෙන්න. කියමින් ඇය ගෙහිමි කාන්තාව සමග එක්ව ලහි ලහියේ ආහාර පිසින්නට විය. පරිප්පු, සලාද, සමග කුකුළු මස් වෑංජන සමග කඩිමුඩියේ දෙදෙනා දිවා භෝජනය සකසා තිබේ.
කුඩා දරුවකුද සිටින ගේ ඉඳුල් කිරීමට පැමිණි මිතුරියගේ ප්රමාදයට ඇයගේ නිවසින් කීපවතාවක් දුරකතන ඇමතුම් ලැබී තිබුණි. එහෙත් ඇය ඒ සියල්ල අමතක කොට තම මිතුරියගේ ජාම බේරා ගැනීමට ඇයට උදව් කළ බව මෙම පුවත හෙළිකරමින් ඇය කීවාය.
2025 දෙසැම්බර් මස 04
600
2
’දිට්වා’ සුළි කුණාටුව හේතුවෙන් ඇති වූ ආපදා තත්ත්වය හමුවේ, රට යළි ගොඩනැගීමේ ජාතික මෙහෙවරට කඩිනමින් සහාය පළ කරමින්, HUTCH සමාගම ’Rebuild Sri Lanka’ අරමුදල වෙත රුපියල්
2025 නොවැම්බර් මස 21
511
1
ශ්රී ලංකා ඉන්ෂුවරන්ස් ලයිෆ් හි විකුණුම් කණ්ඩායම විකුණුම් වෘත්තිකයන් ලෙස විශිෂ්ටත්වය කරා යන ගමනේදී ඔවුන්ගේ උනන්දුව සහ කැපවීම වෙනුවෙන් 2025 ශ්රී ලංක
2025 නොවැම්බර් මස 17
429
0
දවසින් දවස අපි හැමෝගෙම ජීවිත හිතාගන්න බැරි තරම් කාර්යබහුල වෙනවා! ඒ busy life එක අස්සේ shopping කරනවා කියන්නේ තවත් ලොකු කාර්යභාරයක් නේද? හවසට වැඩ ඇරිලා ගෙදර යන ගම
බිරියට පාඩමක් උගන්වන්න සැමියා අවුරුදු දා කෑමට 20 කට එන්න කියලා
ලලිත් Tuesday, 28 April 2015 02:49 PM
අද කාලයේ අඹු සැමියන් අතර සිදුවන ගැටුම් හා සසඳනකොට මේක ටිකක් සොඳුරු පරිප්පුවක්. (නි)
පිටබැද්දර ජයා Monday, 27 April 2015 12:37 PM
නියම පිරිමියෙක් , උද්දච්ච් බිරිඳට අමතක නොවන පාඩමක් , යහළුවන්ට පෙර කල පිනක් පල දී රසමසවුලු කෑම වේලක් , ජීවිතය අලුතෙන් හිතන්න පටන් ගන්න හොඳ ආරම්බයක් , පවුලේ සමගිය උදාවේවා , (ස)
දුම්න්ද Monday, 27 April 2015 07:15 AM
ඉල්ලන් කෑමක් (නදී)
කාන්ති Monday, 27 April 2015 12:53 PM
පිටබැද්දර ජයා මහතා ඇයි මේ බවලතුන් සමග බොහොම තරහකින් . අර බන්දුල පෙරේරා හෙවත් යහපාල එයාගේ ලෙඩේ, මේ යසට හිටපු ජයා මහතාට බෝ කරලා වගේ. (ස)
භානු Monday, 27 April 2015 12:56 PM
නෝනා ඔය කියන තරම් නරක කෙනෙක් නොවෙන්න ඇති. නැත්නම් විසි දෙනාටම අහළ පහළ වැසිකිළි සොයාගෙන දුවන්න වෙන තාලෙට කෑමක් දෙන්න තිබුනානේ. (නි)
ජයනි Monday, 27 April 2015 01:02 PM
ඇත්තටම ඇයි මේ ජයා මහතාට කවදාවත් නැතුව කාන්තා පාර්ශවය ගැන මෙච්චර අප්රසාදයෙන් ලියන්න හිතුනේ? (නි)
ජෙහාන් Monday, 27 April 2015 01:06 PM
ඕනෑ ඔට්ටුවක්. අන්තිමට යාළුවො ගියාට පසුව පිඟන් සෝදන, කුස්සිය අස්කරන වැඩේ නම් සැමියාටම කරන්න සිද්ධවෙන්න ඇති. (නි)
හසාන් Monday, 27 April 2015 08:01 AM
තමාගේ බිරිඳ සතුටින් තියන්න පුළුවන්නම් එක තමයි උතුම් දේ (දිල්)
ඉෂාණි Tuesday, 28 April 2015 06:10 PM
ඉතින් අවුරුදු නැකතට කිරිබත් උයලා ලුණු මිරිසක් හදලා දුන්නා නම් හරිනෙ ඔය කට්ටියටම. ඇයි කුකුල් මස් උය උයා මෙච්චර නටලා තියෙන්නෙ. අවුරුදු නැකතට හදන්න ඕනෑ කිරිබත් නෙමෙයිද? (නි)
නෙලුම් Monday, 27 April 2015 08:49 AM
මම ඒ මිතුරියව අගය කරනවා. අමාරුවේ වැටුන වෙලාවේ මග හරින මිතුරියන්ගෙන් වැඩක් නැහැ. (ම)
අජිත් Monday, 27 April 2015 02:27 PM
නැහැ, මං දන්නවා ඒ රහස. කාන්ති, පිටබැද්දර ජයාට ඒවගේ සන්තාසියක් තමයි වෙලා තියෙන්නේ. (අ)
කරු Tuesday, 28 April 2015 06:14 AM
අත්දැකීමෙන් කියන්නෙ අද කාලේ ඉන්න අම්මන්ඩිලාව මේච්චල් කරන්න හරි අමාරුයි. පොඩ්ඩ බැරි වෙන කොට කෝටි ගනන් ඉල්ලා දික්කසාද දානවා. නැත්න්ම නඩත්තු නඩු දානවා. මේක හොඳ පාඩමක් උද්දච්ච කම යන්නත් එක්ක. (අ)
කෙවින් Tuesday, 28 April 2015 06:14 AM
අපෝ ගෑණු ගැන නමි කතා කරන්න එපා. (අ)
ගැමුණු Monday, 27 April 2015 04:31 PM
ඉතින් දැන් කාගේ සල්ලිද වියදම් වුණේ? (නි)
චන්ද්ර Wednesday, 29 April 2015 02:39 AM
මේ කතාව තේරුම් ගන්න අමාරුයි.(හේ)
සමන්ත Monday, 27 April 2015 05:27 AM
මෙන්න නියම සිංහල ක්රමයට අවුරුදු කෑම (දිල්)
රෙජි-සිඩ්නි Tuesday, 28 April 2015 12:39 AM
බිරිඳ ටිකක් මෝඩයි.සැමියා මිතුරන්ට අරාධනා කළා නම් එයාට කියන්න තිබුනේ සැමියාටත් ඇවිල්ලා උයන්න උදව් වෙන්න කියලා. (නි)
ජෙහාන් Tuesday, 28 April 2015 02:08 AM
මට හොඳටම විශ්වාසයි මිතුරන් ගියාට පසුව හට්ටි වළං සේදිල්ල, කුස්සිය අස්පස් කරන එක සැමියාටම තමයි කරන්න වෙන්න ඇත්තේ. (නි)
ජයාත් Tuesday, 28 April 2015 02:11 AM
මේක ප්රවෘත්තියක් විදියට අවුරුදු කැවූමක් තරමටම රහයි නමුත් මෙතැනදී සැමියා අනුගමනය කළ ක්රියාකලාපයට මම නම් එකඟ නැහැ. බිරිය වුණත් මීට වැඩිය ටිකක් නම්යශීලී වන්න තිබුනා අඩුතරමේ අවුරුද්ද දවසේවත් (නි)
පිටබැද්දර ජයා Tuesday, 28 April 2015 01:30 PM
අජිත් , කාන්ති , මට එ් වගේ දෙයක් උනොත් මම උයන්නේ නෝනට උන ගැනෙන්න , මට හොඳට උයන්න පුළුවන් අනේ (බ)