පළමු පෙම්වතා හැර තව එකෙකුට පෙම්කළ තරුණියක යුග දිවි සඳහා පලා යන ගමනේදී ඇයගේ පළමු පෙම්වතා කැඳවා ඇය ඔහුට බාරදී දෙවැනි පෙම්වතා හිස් අතින් ආපසු නිවසට යෑමේ පුවතක් රජරට පුරවරයට අයත් මහවැලි ජනපදයකින් අසන්නට ලැබුණි.

සිද්ධිය මෙසේය,

කාලයක සිට පෙම් ඇසුරක වෙලී සිටි පෙම් යුවළක් හදිසියේ විරසක වුණි.

පෙම්වතා ඇයට ආදරය කරන නමුත් පෙම්වතිය ඇය හැර වෙනත් පෙම්වතෙක් හා සමග තවත් පෙමක් ඇතිකර ගත්තාය. පෙම්වතිය ඔහු හා යුග දිවි ගමන යෑමට සූදානම් වූවාය. ඒ කාටත් නොදැනෙන සේ හොර රහසේය. 

ඒ බව නව පෙම්වතා ඇයගේ පළමු පෙම්වතාට සැලකර සිටියේය.

ඇය වෙන්ව ඇතත් පළමු පෙම්වතා ඇයට අවංකව ආදාරය කරන  බව දෙවැනි පෙම්වතාට පැවසීය. දෙවැනි පෙම්වතා ඇයට එලෙස ආදරය නොකරන බව පළමු පෙම්වතාට පැවසීය.

ඒ අනුව පෙම්වතුන් දෙදෙනා එක්ව ඇය යුග දිවියට කැඳවා යන ගමන සැලසුම් කළහ.

වෙන් වූ පෙම්වතාගේ ඉල්ලීමට අනුව නව පෙම්වතා ඇය කැඳවාගෙන මැදියම් රැයේ ඇයට අවශ්‍ය රෙදිපිළිද සකසාගෙන වෑන් රථයකින් නිවැසියන්ට හොරා නික්ම ගියේය.

වෑන් රථය අතරමඟ නැවතුනි. ඊට පළමු පෙම්වතා ගොඩවැදුණි.

පළමුව හඳුනාගත් කුලුඳුල් පෙම තරම් සුන්දර පෙමක් නොමැති බව වටහා දී විරසක බව අමතක කර පළමු පෙම්වතා හා යුග දිවි අරඹන ලෙසට නව පෙම්වතා  ඇයට ආශිර්වාද කළේය.

මිතුරන් දෙදෙනා හා ඇයගේ යහලු යෙහෙළියන්ද එක්ව රහසිතගව සැලසුම් කළ මංගල ගමනක් බව වටහා ගත් ඇය කිසිත් නොදොඩා ඔහු හා ඇසුර පවත්වන්නට සිය කැමැත්තෙන් ගිය බව දැන ගන්නට තිබේ.

(මොරගොල්ලාගම සිසිර කැලේගම)