IMG-LOGO

2025 ජුලි මස 12 වන සෙනසුරාදා


මියගිය සැමියාගේ දේහය ඉල්ලා කාන්තාවෝ දෙන්නෙක් ඇවිත්

(හලාවත ඔගස්ටින් ප්‍රනාන්දු)
මියගොස් සිටි අසුඑක් වැනි වියේ පසු වූ අයෙකුගේ දේහය ඉල්ලා බිරියන් දෙදෙනකු හිමිකම් පෑම නිසා දේහය ලබාදීමට සුදුසු බිරිය තෝරා බේරා ගැනීම පිණිස අධිකරණ නියෝගයක් ලබාගැනීමට සිදුවූ බව හලාවත පොලිසිය කියයි.

හලාවත මයික්කුලම අසරප්පාවත්තේ විසූ නොමදියාපිල්ලේ අබ්දුල් රසාක් නමැති (81) වියේ පසුවන අයගේ සිරුර මහමග තිබිය දී පසුගිය සිකුරාදා (1) සොයාගෙන තිබූ බවත් පසුව ඔහුගේ දුවගේ ස්වාමි පුරුෂයා මේ බව පොලිසියට දන්වා මෘත ශරීරය පශ්චාත් වෛද්‍ය පරීක්ෂණයක් සඳහා හලාවත දිස්ත්‍රික් මහ රෝහලේ මෘත ශරිරාගාරය වෙත ගෙන ගොස් ඇති බවත් පොලිසිය කියයි.

මෙම මෘත ශරීරය වෙනුවෙන් පශ්චාත් වෛද්‍ය පරීක්ෂණයක් හා මරණ පරීක්ෂණයක් පැවැත්වීමට සූදානම් වූ අවස්ථාවේ දී කාන්තාවන් දෙදෙනකු ඉදිරිපත් වී මිය ගොස් ඇත්තේ තම ස්වාමිපුරුෂයා බවත් සිරුර තමන් වෙත බාර දෙන ලෙසත් ඉල්ලා කලහකාරි ලෙස හැසිරී ඇති බව පොලිසිය සඳහන් කළේය.

පසුව පොලිසිය බී වාර්තාවක් මගින් හලාවත අධිකරණය හමුවට කරුණු ඉදිරිපත් කර සිරුර බාරදිය යුතු අය හඳුනා ගැනීමට අවසර ඉල්ලා ඇත. ඒ අනුව හලාවත වැඩ බලන මහේස්ත්‍රාත් ඩබ්ලිව්. චමින්ද ප්‍රදීප් රුද්‍රිගු මහතා සිරුරේ හිමිකාරිත්වය නීත්‍යනුකුල භාර්යාවට බැවින් ඒ අනුව ඇයට සිරුර ලබාදෙන ලෙසත් අවසන් කටයුතු සඳහා සිරුර නගරයේ අවමංගල්‍යාගාරයක තැන්පත් කර සමාදානයෙන් සිරුර මිහිදන් කිරීමට නියෝග කර ඇති බවත් පොලිසිය කියයි.

ඒ අනුව මරණ පරීක්ෂණ කටයුතුවලින් පසු අධිකරණ නියෝගය අනුව සිරුරේ අයිතිය පිළිබඳ පරීක්ෂණය කරනු ලැබීය. ඒ අනුව මෘත ශරීරයට හිමිකම් පෑ බිරියන් දෙදෙනාට පෙර මෙම පුද්ගලයා පුලිච්චාකුලම ප්‍රදේශයේ කාන්තාවක විවාහකර ගෙන සිට ඇති අතර ඇය මෘත ශරීරයට කිසිදු හිමිකමක් නොපෑ බවත් පොලිසිය කියයි.
හලාවත පොලිසියේ කොස්තාපල් බී.එම්.ඒ. විජේබණ්ඩාර මහතා හලාවත පොලිසිය වෙනුවෙන් කරුණු දැක්වීය.



අදහස් (1)

මියගිය සැමියාගේ දේහය ඉල්ලා කාන්තාවෝ දෙන්නෙක් ඇවිත්

terrance Tuesday, 05 December 2017 09:23 PM

එතකොට මෙම පුද්ගලයා කාන්තාවන් තුන්දෙනෙක් සමහ විවාහ වෙලා ඉදලා තියෙනවා.

:       0       2

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි 2025 ජුලි මස 04 312 0
ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි

ශ‍්‍රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි 2025 ජුලි මස 01 839 1
ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන  හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES 2025 ජුනි මස 26 1263 0
ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම

Our Group Site