IMG-LOGO

2024 අප්‍රේල් මස 21 වන ඉරිදා


බස් රියේ වැලන්ටයින් පෙම බීඩියකින් බ්‍රේක්වෙලා

රජ්ගම විශේෂ - ධර්මදාස සිරිවර්ධන 
තරුණයකු වැලන්ටයින්දා ඉතා අමාරුවෙන් යාළුකරගත් තරුණියක බීඩියක් නිසා අහිමි වූ අපූරු පුවතක් දකුණේ පිටිසරබද ප්‍රදේශයකින් වාර්තාවේ.
වාර්තා වන අන්දමට සිද්ධිය මෙසේය.
දකුණු පළාතේ හද්දා පිටිසර ගමක විසූ ඔහු කඩවසම් තරුණයෙකි. තමාට පෙම්වතියක නොමැතිවීම ගැන ඔහු කනස්සල්ලෙන් පසුවිය.
එතරම් අධ්‍යාපනයක් නොලැබූ ඔහු කුලියක් මලියක් කරගෙන ගමේ අහිංසක ලෙස ජීවත් වූ අතර ගමේ ළඳුන් කිහිප දෙනකුටම යෝජනා දැම්මත් මොහුගේ කයිවාරුවෙන් හා මෝඩකමින් අඩුවක් නොවූ බැවින් ගමේ කිසිදු තරුණියක් මොහුට කැමැත්ත ප්‍රකාශ නොකළාය. ඔහු මත්පැන් පානය නොකළ ද දුම්පානයට ඇබ්බැහි වූ අයෙකි.
පසුගිය වැලන්ටයින්දා ගමේ කඩේ මුදලාලි කිසියම් කටයුත්තක් සඳහා කොළඹ යාමට ඔහුට කතා කළේ තනිවම යාමට තිබූ කම්මැලිකම නිසාය. මෙම තරුණයාද ඊට එක පයින් කැමැති වූයේ මෑතකදී කොළඹ නොගිය බැවිනි. ගමනට ඉතාම කැමැත්තෙන් සිටි ඔහු ඊ‍ට සූදානම් වූයේ පෙර දින සිටමය.
ජැන්ඩියට හැඳ පැළඳ ගත් ඔහු උදේ පාන්දරම මුදලාලිද සමග කොළඹ බලා යාමට බස් රථයට ගොඩ වූයේ මහත් සතුටිනි.


බස් රථයේ එතරම් මගීන් පිරිසක් නොසිටි අතර අතරමගදී නාඹර වියේ තරුණියක බස් රථයට නැග මුකුලු‍ පාමින් ඔහු සිටි අසුනට බර වූයෙන් ඔහුගේ සතුට නිම්හිම් නැති විය.
 ටික දුරක් යන විට තරුණිය සමග මිත්‍ර වී තොරතුරු පවා හුවමාරු කරගත් අතර එම තරුණිය ඇඟළුම් කම්හල් සේවිකාවක බවත් ඇය අවිවාහක බවත් කීවාය.
ඇයට ඔහු පැවැසුවේ ගමේ කඩයක් පවත්වාගෙන යන බවත් ඒ සඳහා අවශ්‍ය බඩු මුට්ටු ටිකක් ඕඩර් කිරීමට කොළඹ යන බවත්ය. වැලන්ටයින් දිනයදා ලැබුණු මේ තෑග්ග පිළිබඳ මෙම තරුණයා මහත් සේ සතුටට පත්විය.
 පසුව අතරමගදී බස් රථය තේ පානය සඳහා නතර කළ අතර සිසිල් බීම රස කැවිලි ඇතුළු කෑම බීමවලින් ඇයට සංග්‍රහ කිරීමට ද අත දිග හැර වියදම් කළේය.
මෙසේ පෙම්වතුන් සේ හැසිරී තරුණිය බස් රියෙන් බැසීමට ආසන්න වෙද්දී මොහුගෙන් ලිපිනය හා දුරකථන අංකය ඉල්ලා සිටියේ උතුරා යන ප්‍රේමයෙන් මුසපත් වෙමිනි. ඇගේ ඉල්ලීම ඉටු කිරීමට කඩිමුඩියේ සාක්කුවේ තිබූ ලියුම් කවරය එළියට ගන්නාවිටම කවරයේ තිබූ බීඩියක් මෙම තරුණියගේ උකුල මතට වැටිණ.
තරුණයාට හීන් දාඩිය වැටුණු අතර තරුණිය ද මහත් කලකිරීමෙන් ඔහු දෙස බැලු‍වේ ඔයා බීඩි උරනවාදැයි අසන්නාක් මෙනි.
සියල්ල කනපිට පෙරළී තරුණියගේ මුහුණ අඳුරු විය. එතැන් සිට වචනයක් හෝ කතා නොකළ තරුණිය මොරටුවෙන් බැස ගියේ මම යන්නම් අයියේ යැයි පවසමිනි. වැලන්ටයින්දා ඇති වූ මෙම ප්‍රේමය ලත් කැනම ලොප් වූ බීඩියට දොස් කියමින් ගමට ගියේ දිවි එපා වූවකු ලෙසිනි.
 ගමට පැමිණි ඔහු මිතුරන්ටද මෙම තොරතුරු පැවැසුවේ මහත් කනස්සල්ලෙනි. සිද්ධියට ඔහු කොතරම් කම්පාවට පත්වූයේ ද කියතොත් එදින සිට දුම්බීම අත්හැර දැමීමට ද තීරණය කළේය. එසේ වුවත් ඔහුගේ මිතුරන් බොමුද බීඩියක් යැයි පවසන විට නහුතයටම යකා නගිනවාලු‍.



අදහස් (0)

බස් රියේ වැලන්ටයින් පෙම බීඩියකින් බ්‍රේක්වෙලා

ඔබේ අදහස් එවන්න

දෙයියෝ සාක්කි

අතින් ඇදලා අම්බානට ගුටි කාලා
2024 අප්‍රේල් මස 19 1003 0

විවිධ ප්‍රදේශවලට ගමන් කරමින් අවදානම් සහිත පොල් ගස් කම්බි යොදමින් ඇද දමා බඳින පිරිසක් මාතලේ යටවත්ත ප්‍රදේශයේ නිවසක කාන්තාවකගේ අතින් ඇදීම හේතුවෙන් ගුට


බෝතල් මාරු වී ජංජාලයක්
2024 අප්‍රේල් මස 18 975 0

අලු‍ත් අවුරුද්දට සාදමින් සිටි කැවිලිවලට සීනි යැයි සිතා ලු‍ණුදමා එම කැවිලි ආහාරයට නොගෙන ඉවත දැමූ පුවතක් මතුරට ප්‍රදේශයෙන් වාර්තා විය. වාර්තා වන ආකාරය


සූර් පාට් දමා පොලිසිය අන්දවලා
2024 අප්‍රේල් මස 17 1170 0

වුරුදු සමයේ අඩියක් පුඩියක් ගසා එතැයි තමා අල්ලා ගැනීමට මග බලා සිටි පොලිස් නිලධාරීන්ට එදා සරා ගොයියා දුන් රැග් එකට නොදෙවැනි රැග් එකක් දුන් හාදයකු පිළිබඳ


’’මොහිණිගේ’’ උදව්වට ගිහින් ලොකු පරිප්පුවක් කාලා
2024 අප්‍රේල් මස 16 1068 0

අත දරුවෙකු කරපින්නා ගෙන මහ රෑ පැමිණි කාන්තාවකට උපකාර කරන්නට ‍ගොස් අකරතැබ්බකට මුහුණ පෑ තරුණයෙකු පිළිබඳ පුවතකි මේ. ‍


කීරි නාඩු වී හොරේ අහුවෙලා
2024 අප්‍රේල් මස 11 1296 0

අවුරුදු ‘ජයටම සමරන්නට කඩේ තිබූ වී මිටි කඩේටම විකුණා’ මුදල් ගන්නට ගිය විවාහකයකුගේ කූඨ වෙළඳාම මුදලාලිගේ අතටම අහුවුණු පුවතක් පොල්පිතිගමින් වාර්තා වේ. එ


“නංගි” මාරු වී තුට්ටු දෙකත් නැතිවෙලා
2024 අප්‍රේල් මස 10 1641 0

එළැඹෙන අලු‍ත් අවුරුද්දට කල් තියාම ලක ලෑස්ති වීමට යෑමෙන් යටි මඩි ගසාගෙන සිටි රුපියල් පහළොස් දාහකට ‘‘අබ සරණං”‍ වූ පුවතක් කැබිතිගොල්ලෑව වාහල්කඩට නුදුරු


මේවාටත් කැමතිවනු ඇති

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 240 0
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers 2024 මාර්තු මස 14 1562 0
ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 1463 2
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

Our Group Site