IMG-LOGO

මව රැකියාවට ගියත් මුල් මාස හය දරුවාට මව්කිරි පමණක් ලබා දෙන්නේ කොහොමද

අලුත උපන් බිළිඳාගේ පූර්ණ පෝෂණයට අවශ්‍යය වන එකම ආහාර වේල වන්නේ මව්කිරි ය. එම නිසා දරුවාගේ වැඩීමට, බුද්ධිවර්ධනයට හා ප්‍රතිශක්තිකරණය සඳහා මුල් මාස හය නිවැරදිව මව්කිරි ලබාදීම ඉතා වැදගත් වේ.

නමුත් වර්තමානයේ බොහෝවිට කාන්තාවන් රැකියාවක නියැලෙන නිසා දරුවා ලැබීමෙන් පසුවද ඇයට රැකියාවට යාමට සිදුවන අවස්ථා තිබේ.

මුල් මාස තුනේ බොහෝවිට මව දරුවා සමඟම සිටියත්, රැකියවක නියැලෙන කාන්තාවක් නම් මාස හයක් පුරා දරුවා ලඟ සිටීමට අවස්ථාව ලැබෙන්නේ සුළු වශයෙනි.

එසේනම් මව ලඟ නොමැති වුවත් නිසි ලෙස මුල් මාස හයම බිළිඳාට මවුකිරි පමණක්ම ලබා දෙන්නේ කොහොමද? ඒ ගැන නිවැරදිව දැනගනිමු.

මව රැකියාවකට යන්නේ නම් ඇය තමන්ගේ දරුවා වෙනුවෙන් දොවා තබන කිරි ඉතාමත් සෞඛ්‍යාරක්ෂිතව දරුවාට ලබාදීමට මවට සහයෝගය ලබාදීම වැදගත් වේ.

එය සිදුකරන්නේ කොහොමද?

එහිදී මුලින්ම මව්කිරි දෙවීමට හා දෙවූ මව්කිරි දරුවාට ලබාදීමට පෙර සබන් යොදා හොඳින් දෑත් පිරිසුදු කරගත යුතුය. ඉන්පසු කිරි දෙවීම සඳහාද සබන් යොදා පිරිසුදු කරගත් කට පළල් භාජනයක් භාවිතා කිරීම සුදුසු වේ. මේ සඳහා ආහාර දැමීමට සුදුසු වීදුරු, මල නොබැඳෙන වානේ හෝ ප්ලාස්ටික් භාජනයක් කිරි දෙවීම සඳහා භාවිතා කළ හැකිය.

ඉන්පසු මව්කිරි දොවාගැනීමෙන් අනතුරුව භාජනය හොඳින් ආවරණය වන එනම් තදින් වැසෙන පියනකින් වසා ගන්න. එසේ දොවාගන්නා මව්කිරි 25˚ජ හෝ කාමර උෂ්ණත්වයේ උපරිමය පැය 4ක් දක්වා කාලයක් තබාගත හැකිය. එහිදී මව්කිරි ගබඩාකරන භාජනයේ කිරි දොවාගත් දිනය සහ වේලාව සටහන් කිරීමට අමතක නොකළ යුතුය.

මව්කිරි ගබඩා කිරීමේදී විශේෂයෙන්ම මතක තබාගත යුතු කාරණයක් ඇත. එනම් දොවාගත් මව්කිරි කිසිම විටෙක ශීතකරණයේ දොරෙහි ගබඩා කිරීමෙන් වැළකීමයි. ඒ අනුව මුලින්ම දොවා ගත් මවුකිරි දරුවාට මුලින්ම ලබාදීම කළයුත-ුය.

ශීතකරණයේ තිබූ මව්කිරි නම් එය දරුවාට ලබාදීමට පෙර මද උණුසුම් දිය බඳුනක බහා තබා කාමර උෂ්ණත්වයට 25˚ජ පත්කරගත යුතුය. එමෙන්ම ශීතකරණයෙන් පිටතටගත් දොවාගත් මව්කිරි පැය දෙකක් ඇතුළත කාලයේදී දරුවාට ලබා දීම කළ යුතුය.

මෙලෙස දරුවාට කිරි ලබා දීමෙන් පසු දරුවා ඉතිරිකරන කිරි නැවතත් ශීතකරණයට නොදමා ඉවත්කළ යුතුවේ. මව රැකියාවකට ගියත් මේ ලෙස නිවැරදි පිළිවෙලට දරුවාට මව්කිරි ලබාදීම සුදුකළ හැකිය.

සටහන නයනා උදයංගනී

තොරතුරු ලබා ගැනීම - සෞඛ්‍ය අමාත්‍යාංශයේ සෞඛ්‍ය ප්‍රවර්ධන කාර්යාංශයෙනි.

 



අදහස් (0)

මව රැකියාවට ගියත් මුල් මාස හය දරුවාට මව්කිරි පමණක් ලබා දෙන්නේ කොහොමද

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි 2025 ජුලි මස 04 185 0
ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි

ශ‍්‍රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි 2025 ජුලි මස 01 693 1
ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන  හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES 2025 ජුනි මස 26 1094 0
ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම

Our Group Site