(ලසන්ත නිරෝෂන පෙරේරා )   

කොරෝනා  යැයි සැකකරමින් රත්නපුර  ශික්ෂණ රෝහලේ ප්‍රතිකාර ලබමින් සිට් රෝගින් ගෙන් නම දෙනෙකුට වයිරසය ආසාදිත වි නොමැති බවට තහවුරු විමෙන් පසු ඔවුන් රෝහලෙන් පිටත්ව ගොස් තිබේ .   

පසුගිය 21 වැනිදා වනවිට සැකසහිත රෝගින් 13 දෙනෙකු ප්‍රතිකාර ලබමින් සිටි අතර  අද ( 23) වනවිට එම සංඛ්‍යාව  සිව් දෙනෙකු දක්වා පහළ වැටි තිබිණි.   
                                                     
සැකසහිත රෝගින් අතර පොලිස් විශේෂ කාර්ය බළකායේ සැරයන්වරයකුද සිටින බව රෝහල් ආරංච් මාර්ග පවසයි.

ඔහු කොළඹ ප්‍රදේශයේ සේවයේ නිරතව සිටි අයෙකි.                                   

රත්නපුර ප්‍රදේශයේ මැණික් ව්‍යාපාරිකයකුට කොරෝනා වයිරසය ආසාදනය විමෙන් පසු ඔහුගේ බිරිඳ සහ දියණිය ද වයිරසය ආසාදනය වු බවට තහවුරු විය.

ඒ සමගම බොහෝ දෙනෙකු ස්වයං නිරෝධායනයට ලක් විය. රත්නපුර මහා රෝහලට පැම්ණෙන රෝගින් සංඛ්‍යාව  වැඩිවුවහොත්  තවත් වාට්ටුවක් වෙන් කිරිමට ඇමැතිනි පවිත්‍ර වන්නිආරච්චි මහත්මිය රෝහල් බලධාරීන්ට දැනුම් දි තිබේ