(ඉන්දිකා රාමනායක)
කොරෝනා  වයිරසය  නිරෝධායන ට සහය දැක්වීමේ අරමුණින්   එම  සිද්ධීන් දැනුම් දීම සදහා   පොලිස් මුලස්ථානයේ විශේෂ මෙහෙයුම් මැදිරියක් ස්ථාපිත  කර ඇති බව  නීති කොට්ඨාසය බාර නියෝජ්‍ය  පොලිස්පති   අජිත් රෝහණ මහතා  අද (15) පැවසීය.
 
මේ සදහා    0112-444480/ 0112-444481/  0115-978730/ 0115-978734/  011-5 978720    යන අංක හා    [email protected]  විද්‍යුත්  තැපෑල් ඔස්සේ   මහජනයාට  තොරතුරු ලබා දිය හැකි බවද  අජිත් රෝහණ මහතා පැවසීය.
 
නිවසේ  සිටින පුද්ගලයකුට,  ඥාතියකුට,  හිතවතකුට,  සහෝදරයකුට,  මිතුරකුට මෙම  වෛරසය ආසාධනය වී ඇති බවට සැකකරන්නේ මෙම අංකය ඔස්සේ දැනුම් දිය හැකි අතර,  විදේශ රටත සිට මෙරටට පැමිණි කිසියම් පුද්ගලයකුට මෙම   වෛරසය ආසාදනය වී ඇතිනම්, ඔහුට ද  ඒ බව  මෙම අංක ඔස්සේ  දැනුම් දිය හැකි බවද    නියෝජ්‍ය පොලිස්පති අජිත් රෝහණ මහතා කීය.
 
  කිසියම් පුද්ගලයකු ට    මෙම රෝගය වැලදී  ඔහු එය වසංකර මහජනයා අතර   පැමිණීමට උත්සහ ගන්නේනම්  ඒ බවද  ඉහත අංක ඔස්සේ  දැනුම් දිය හැකි බවද හෙතෙම කියා සිටියේය.
 
කිසියම් පුද්ගගයකුට මෙම රෝගය වැළ දී ඇත්නම්   අන්අය අතරේ පැතිරීමට  ඉඩ නොදී එම පුද්ගලයා  මාර්ගයට හෝ  නොපැමිණ  මෙම අංක වලට දැනුම් දෙන ලෙසට ඉල්ලා සිටින බවද  අජිත් රෝහණ මහතා සදහන් කළේය.   
 
මෙම තොරතුරු  සම්බන්ධයෙන් ක්‍රීයා කිරීමට සෑම පොලිස් ස්ථානයක  හත් දෙනෙකුගෙන් සමන්විත විශේෂ කණ්ඩායමක්  යෙදවා ඇති බවද   අජිත් රෝහණ  මහතා කියා සිටියේය.
 
කිසියම් පුද්ගලයකු  ලබා දුන්  තොරතුරු අනුව  පොලිස්  කණ්ඩායම   සෞඛ්‍ය බලධාරීන් සමග එක්ව  අවශ්‍ය ක්‍රියා මාර්ග ගන්නා බවද හෙතෙම කියා සිටියේය.
 
මෙම දුරකතන අංක  වලට අමතරව  119 අංකයට  ද දැනුම් දිය හැකි නමුදු  ඉහත විශේෂ මෙහෙයුම් මැදිරියට      දැනුම් දීමෙන්  ක්ෂණිකවම    ක්‍රියාත්මක වීමට හැකියාව ලැබෙන බවද  හෙතෙම වැඩිදුරටත් සඳහන් කළේය.
 
 නියෝජ්‍ය පොලිස්පති ආජිත් රෝහණ මහතා මේ බව පැවසුවේ   පොලිස් මුලස්ථානයේ ඊයේ  පැවති විශේෂ මාධ්‍ය හමුවකදී ය. මෙම ප්‍රවෘත්ති සාකච්ඡාවට   පොලිස් මාධ්‍ය ප්‍රකාශක   පොලිස් අධිකාරි නීතිඥ ජාලිය සේනාරත්න මහතා ද සහභාගි  විය.