(  රවින්ද්‍ර ලියනගේ )

කොරෝනා වසංගතය ආසාදනය වි ඇති බවට තහවුරු වු ඉතාලි ජාතිකයකු වෙන්නප්පුව වයික්කාල කම්මල සුඛෝපභෝගි සංචාරක හෝටලයක, කාමරයට සිල් තැබිමට මහජන  සෞඛ්‍ය පරික්ෂකවරුන් පියවර ගෙන ඇත.

 
මෙම සංචාරකයා එම හෝටලයේ  දින තුනක් නැවති සිට ඇති බවට අනාවරණය වි ඇති බව වෙන්නප්පුව පොලිසිය කියයි.
 
ඔහුට මග පෙන්නිමට ගිය හා හෝටලයේදි සේවා සැපයු  දෙදෙනකු  අද(19) නිරෝධනයනය කිරීමට ද යොමුකර ඇතැයි පොලීසිය කියයි. හෝටලයේ මග පෙන්නනකු සමඟ මොහු ගාල්ල ප්‍රදේශයේ සංචාරයක යෙදි සිටියදි රෝග ලක්ෂණ උත්සන්න විමත් සමග ගාල්ල කරාපිටිය රෝහලට ඇතුළත් කර ඇත.