තෙල් කාන්දුවෙන් සමුද්රිය පරිසරයට සිදුවූ හානිය ගැන නීතිපති වාර්තාවක් ඉල්ලයි ශ්රී ලංකාවට ආසන්න මුහුදේදී ගිනි ගැනීමට ලක්වූ ‘ඒම්.ටී. නිව් ඩයමන්ඩ්’ නෞකාවෙන් සිදුවූ තෙල් කාන්දුව හේතුවෙන් සමුද්රිය පරිසරයට සිදුවූ විනාශය සම්බන්ධ වාර්තාව කඩිනමින් ලබාදෙන ලෙස නීතීපතිවරයා සමුද්රීය පරිසර අධිකාරියට හා ඔවුන් සමඟ සමීපව කටයුතු කරන විශේඥයින්ට අද (21) දැනුම් දුන්නේය. 21 September 2020
අජිත් ප්රසන්නගේ ඇප අයැදුම ඉවතට කොළඹ කොටුව මහේස්ත්රාත් අධිකරණය හමුවේ පැවැති නඩු විභාගයක් ගැන මාධ්ය සාකච්ඡාවක් පවත්වා කරුණු දැක්වීමෙන් එම නඩුවට බලපෑම් කිරීම හා අධිකරණයට අපහාස කිරීමේ සිද්ධියක් සම්බන්ධයෙන් දැනට රක්ෂිත බන්ධනාගාර ගත කරන සිටින විශ්රාමික මේජර් නීතීඥ අජිත් ප්රසන්න මහතා ඇප ඉල්ලා ගොනු කළ ඇප අයැදුම ප්රතික්ෂේප කිරීමට අභියාචනාධිකරණය අද (18) තීන්දු කළේය. 18 September 2020
විද්යා දැරිය මැරූ ශෂිකුමාර් - විජයකලා මහේෂ්වරන් අතර සම්බන්ධයක් තිබුණා යාපනය විද්යා දැරිය ඝාතනය කළ මහලිංගම් ශෂිකුමාර් සහ එක්සත් ජාතික පක්ෂයේ හිටපු පාර්ලිමේන්තු මන්ත්රිනී විජයකලා මහේෂ්වරන් මහත්මිය අතර කිට්ටු සම්බන්ධාවයක් තිබූ බව චුන්නාකම් පොලිසියේ හිටපු කොස්තාපල්වරයකු වූ දැනට රක්ෂිත බන්ධනාගාරගත කර සිටින ඥානලිංගම් මයුරන් මහතා දේශපාලන පළිගැනීම් පිළිබඳ විමර්ශනය කරන ජනාධිපති කොමිසම හමුවේ සාක්ෂි දෙමින් ඊයේ (17) පැවසීය. 18 September 2020
පාස්කු දා ප්රහාරයට පෙර පල්ලි යද්දී දුරකතනය වාහනයේ අසුන යට තැබුවා “පාස්කු ඉරිදා ප්රහාරයට පෙර දිනයේ පල්ලි යද්දි දුරකතනය නාදවීම අක්රිය කරලා (Silent Mode) මෝටර් රථයේ අසුන යට තැබුවා. පාස්කු දිනයේ ප්රහාරයෙන් පසු දුරකතනය අතට ගන්නා තුරු එයට ඇමතුම් ලැබී තිබු බව මම දැක්කේ නැහැ” යැයි හිටපු ජාතික බුද්ධි ප්රධානි විශ්රාමික ජ්යෙෂ්ඨ නියෝජ්ය පොලිස්පති සිසිර මෙන්ඩිස් මහතා ඊයේ (17) පැවසීය. 18 September 2020
සහරාන්ලාගේ අවදානමේ තොරතුරු පසුව හරි අසාගැනීම ආරක්ෂක ලේකම්ගේ වගකීමක් “නායකයෙක් කියන්නේ පහළ නිලධාරියා කරයි කියලා බලාගෙන ඉන්න කෙනාට නොවෙයි. පහළ නිලධාරියා මෙහෙයවන කෙනාටයි. මම බුද්ධි සමාලෝචන රැස්වීමේදී සහරාන්ලාගෙන් ප්රහාරයක් එල්ලවීමේ අවදානම ගැන කියවුණ තොරතුර ගැන මා නොකියා සිටියේ නම් රැස්වීම අවසානයේ හෝ පසු දිනයේ හෝ වෙලාවක් වෙන් කරගෙන නිලන්ත මේක පැහැදිලි කරන්න කියලා කියන්න ආරක්ෂක ලේකම්වරයාට වගකීමක් තිබුණා” යැයි හිටපු රාජ්ය බුද්ධි ප්රධානී, නැගෙනහිර පළාත් ජ්යෙෂ්ඨ නියෝජ්ය පොලිස්පති නිලන්ත ජයවර්ධන මහතා ඊයේ (16) පැවැසීය 17 September 2020
ජාත්යන්තරය සතුටු කරන්න ත්රස්තයන්ගේ නම් කපලා ජාත්යන්තරය සතුටු කිරීම සඳහා යහපාලන ආණ්ඩුව මෙරට ක්රියාත්මක වූ ත්රස්ත සංවිධාන සහ ත්රස්තවාදීන්ගේ නම් අඩුවෙන් අසාදු ලේඛනගත කර ඇති බව දේශපාලන පලිගැනීම් පිළිබඳ විමර්ශනය කරන ජනාධිපති කොමිසම හමුවේ සාක්ෂි දුන් හිටපු ආරක්ෂක ලේකම්වරයකු වූ උත්පල දයානන්ද බස්නායක මහතා ඊයේ (16) පැවැසීය. 17 September 2020
රාජ්ය බුද්ධි ප්රධානියාට ලැබෙන තොරතුරු රැස්වීමට ඉදිරිපත් කිරීම ඔහුගේ වැඩක් හිටපු රාජ්ය බුද්ධි ප්රධානී නිලන්ත ජයවර්ධන මහතාට ලැබුණු තොරතුර ගැන බුද්ධි සමාලෝචන රැස්වීමේදී ඉදිරිපත් කිරීම ඔහුගේ වගකීමක් මිස තමන්ගේ වගකීමක් නොවන බව ද ඔහු කිසිම අවස්ථාවක තමන්ගෙන් උපදෙස් නොපැතූ අතර ඔහුට උපදෙස් දීමේ වගකීමක් තමන්ට නොමැති බව ද හිටපු ජාතික බුද්ධි ප්රධානී, විශ්රාමික ජ්යෙෂ්ඨ නියෝජ්ය පොලිස්පති සිසිර මෙන්ඩිස් මහතා පෙරේදා (14) පැවැසීය. 16 September 2020
හිජාස් හිස්බුල්ලාගේ පෙත්සම 23 දා සළකා බලයි පාස්කු ඉරුදින ප්රහාරය සම්බන්ධයෙන් නීතීඥ හිජාස් හිස්බුල්ලා මහතා සැකපිට අත්අඩංගුවට ගෙන රඳවා තබා ගැනීමෙන් ඔහුගේ මූලික අයිතිවාසිකම් කඩ වී ඇති බවත්, ඔහුව මුදාහරින නියෝගයක් නිකුත් කරන්නැයි ඉල්ලා ගොනු කළ මූලික අයිතිවාසිකම් පෙත්සම ලබන 23 සළකා බැලීමට ශ්රේෂ්ඨාධිකරණය අද (16) තීන්දු කළේය. 16 September 2020
හේමසිරිගේ - නිලන්තගේ හඬපට අහද්දි ඔවුන් කිසිවකු ආරක්ෂා කරන බවක් හැඟෙනවා “හිටපු රාජ්ය බුද්ධි අධ්යක්ෂ නිලන්ත ජයවර්ධන මහතා විසින් කොමිසමට ඉදිරිපත් කරන ලද හිටපු ආරක්ෂක ලේකම් හේමසිරි ප්රනාන්දු මහතා හා ජයවර්ධන මහතා අතර දුරකතන සංවාදයක් ඇතුළත් හඬ පටය ශ්රවණය කරන විට ඔවුන් කිසියම් පුද්ගලයකු ආරක්ෂා කරන්නට උත්සාහ කරන බවක් හැඟී යනවා” යැයි පාස්කු ඉරු දින ප්රහාරය පිළිබඳ ජනාධිපති කොමිසමේ සභාපති, අභියාචනාධිකරණ විනිසුරු ජනක් ද සිල්වා මහතා ඊයේ (14) ප්රකාශ කළේය. 15 September 2020
රවී-ඇලෝසියස් ඇතුළු 7 කගේ පෙත්සම් වැඩිදුර සළකාබැලීම කල්යයි හිටපු අමාත්ය රවී කරුණානායක, පර්පචුවල් ට්රෙෂරීස් සමාගමේ සමූහ අධ්යක්ෂක අර්ජුන් ඇලෝසියස්, එම සමාගමේ සභාපති ජෙෆ්රි ඇලෝසියස් යන මහත්වරුන් ඇතුළු 7 දෙනෙකු ගොනු කළ රිට් පෙත්සම් වැඩිදුර සළකා බැලීම ලබන 21 වැනිදා තෙක් කල් තැබීමට අභියාචනාධිකරණය අද (14) තීන්දු කළේය. 14 September 2020
මුස්ලිම් අන්තවාදයට එරෙහිවන්න කලින් ආණ්ඩුවට කොන්දක් තිබ්බේ නෑ මුස්ලිම් අන්තවාදයට එරෙහිව කටයුතු කිරීමට කලින් පැවැති ආණ්ඩුවට පිටකොන්දක් නොතිබූ බව ද එසේ කටයුතු කිරීමෙන් මැද පෙරදිග රටවල් ඇතුළු ජාත්යන්තරයෙන් බලපෑම් ඇතිවේ යැයි බිය වූ බව ද නීතිය හා සාමය පිළිබඳ අමාත්යාංශයේ හිටපු ලේකම් ජගත් පී. විජේවීර මහතා පාස්කු ඉරු දින ප්රහාරය සම්බන්ධයෙන් සොයා බලන ජනාධිපති කොමිසම හමුවේ පෙරේදා (12) ප්රකාශ කළේය. 14 September 2020
සහරාන්ගේ 2015 මැතිවරණ යෝජනා පිළිගත්තත් අත්සන් කළේ නෑ සහරාන්ලාගේ ජාතික තවුහිද් ජමාත් සංවිධානය නැගෙනහිර පළාතේ ක්රියාත්මක වූ සියලු දේශපාලන පක්ෂ එකතු කර 2015 මහමැතිවරණයේදී යෝජනා මාලාවක් ඉදිරිපත් කර ගිවිසුමකට අත්සන් තැබීමට සාකච්ඡා කළා. ශ්රී ලංකා මුස්ලිම් කොංග්රසය ලෙස අපි ඔවුන්ගේ ඇතැම් යෝජනා පිළිගත්තත් ගිවිසුමට අත්සන් කළේ නැහැ යැයි මුස්ලිම් කොංග්රසයේ හිටපු නැගෙනහිර පළාත් සභා මන්ත්රී ෂිබ්ලි ෆාරුක් මහතා ඊයේ (07) පැවසීය. 08 September 2020
මන්ත්රී මනූෂ නානායක්කාරට වරෙන්තු නඩුවක සාක්කිදීම සඳහා අධිකරණයේ පෙනී නොසිටි ගාල්ල දිස්ත්රික් පාර්ලිමේන්තු මන්ත්රී මනූෂ නානායක්කාර මහතාට ගාල්ල ප්රධාන මහේස්ත්රාත් හර්ෂණ කැකුණවෙල මහතා අද (4) වරෙන්තු නිකුත් කළේය. 04 September 2020
රවී ඇතුළු 7කගේ පෙත්සමට විරෝධතා ගොනුකරන්න නීතිපතිට කල් දෙයි හිටපු අමාත්ය රවී කරුණානායක, පර්පචුවල් ට්රෙෂරීස් සමාගමේ සමූහ අධ්යක්ෂක අර්ජුන් ඇලෝසියස්, එම සමාගමේ සභාපති ජෙෆ්රි ඇලෝසියස් යන මහත්වරුන් ඇතුළු 7දෙනෙකු ගොනු කළ රීට් පෙත්සම් සම්බන්ධයෙන් වන විරෝධතා ගොනුකිරීමට නීතිපතිවරයාට ලබන 14 වැනිදා තෙක් කල් ලබාදීමට අභියාචනාධිකරණය අද(25) තීන්දු කළේය. 04 September 2020
චොකා මල්ලීගේ ඉල්ලීම සලකා බැලීම 7 දා මරණ දඩුවම් නියමව සිටින තේරීපත් වූ ශ්රී ලංකා පොදුජන පෙරමුණ රත්නපුර දිස්ත්රික් පාර්මේන්තු මන්ත්රී ප්රේමලාල් ජයසේකර මහතාට පාර්ලිමේන්තු රැස්වීම් වලට සහභාගී වීමට අවසර දෙනවාද නැත්ද යන්න පිළිබද අතුරු නියෝගය ලබන සදුදා (07) ප්රකාශයට පත් කිරීමට අභියාචනාධිකරණය අද (04) තීන්දු කළේය. 04 September 2020
සාක්කි දීමේදී නිශාන්ත සිල්වා බලපෑම් කළා මාධ්යවේදී කීත් නෝයර් මහතා පැහැරගෙන ගොස් පහරදීමට හිටපු ආරක්ෂක ලේකම් වත්මන් ජනාධිපති ගෝඨාභය රාජපක්ෂ මහතා නියෝග කළ බව පවසන ලෙස අපරාධ පරීක්ෂණ දෙපාර්තමේන්තුවේ හිටපු පොලිස් පරීක්ෂක නිශාන්ත සිල්වා මහතා බලපෑම් කළ බව යුද හමුදා බුද්ධි බලකායේ මාණ්ඩලික විශ්රාමික සැරයන් ප්රියන්ත කුමාර මහතා දේශපාලන පලිගැනීම් පිළිබඳ විමර්ශනය කරන ජනාධිපති කොමිසම හමුවේ සාක්ෂි දෙමින් ඊයේ (31) පැවසීය. 01 September 2020
සියලු තොරතුරු තිබුණත් ප්රහාරයට පෙර සහරාන්ලා අල්ලන්න බැරිවුණා ජාතික තවුහිද් ජමාත් සංවිධානයේ සහරාන් හෂිම් ඇතුළු කල්ලියේ තොරතුරු ලැබී තිබියදීත් අප්රේල් 21 ප්රහාරයට පෙර ඔවුන් අත්අඩංගුවට ගැනීමට නොහැකි වූ බව ත්රස්ත විමර්ශන කොට්ඨාසයේ විමර්ශන අංක දෙකේ ස්ථානාධිපති පොලිස් පරීක්ෂක රුවන් තරංග කුමාර මහතා ඊයේ (31) පැවසීය. 01 September 2020
පාස්කු ප්රහාරයෙන් පස්සේ ආරක්ෂක කවුන්සිලය දිනපතාම රැස්වුණා ඉකුත් 2019 පෙබරවාරි මාසයෙන් පසු පාස්කු ඉරුදින ප්රහාරය වන තෙක් නොකැඳ වූ ආරක්ෂක කවුන්සිලය එම ප්රහාරයෙන් පසු දිනපතා රැස්වන තත්ත්වයක් මතු වූයේ යැයි හිටපු රාජ්ය බුද්ධි ප්රධානී, නැගෙනහිර පළාතේ ජ්යෙෂ්ඨ නියෝජ්ය පොලිස්පති නිලන්ත ජයවර්ධන මහතා පෙරේදා (24) පැවසීය. 26 August 2020
කෝටි එකහමාරේ වංචාවකට කෝටි 2 ක වන්දියක් ‘පාර්ක් හොස්පිටල්’ ආයතනයේ සේවිකාවක වශයෙන් කටයුතු කරමින් එම ආයතනය සතු රුපියල් කෝටි 1 1/2කට අධික මුදලක් වංචනික අන්දමින් සිය ගිණුමට බැර කරගැනීමේ චෝදනාවට වරද පිළිගත් එහි ගිණුම් සහයකවරියකට වසර 2ක බරපතල වැඩ සහිත සිරදඬුවම් නියම කළ කොළඹ මහාධිකරණ විනිසුරු ගිහාන් කුලතුංග මහතා පාර්ක් හොස්පිටල් සමාගමට රුපියල් කෝටි 2 වන්දියක් ගෙවීමට ද නියම කළේය. 25 August 2020
නෙල්ලිගල විහාරාධිපති හිමියන්ට සහරාන්ලාගෙන් මරණ තර්ජන තමන් ඝාතනය කරන බවට තර්ජනය කර ජාතික තවුහිද් ජමාත් සංවිධානයේ ලිපි ශීර්ෂය යටතේ 2019 මැයි 14 වැනිදා ලිපියක් ලැබුණු බව නෙල්ලිගල ජාත්යන්තර බෞද්ධ මධ්යස්ථානාධිපති වතුකුඹුරේ ධම්මරතන හිමියෝ පසුගියදා හෙළි දරව් කළහ. 25 August 2020
සහරාන්ගේ වැඩ සොයා ගැනීමට නොහැකිවීම බුද්ධි නිලධාරීන්ගේ දුර්වලකමක් නොවෙයි “සහරාන්ලාගේ අන්තවාදී කටයුතු පිළිබඳව තොරතුරු සොයා ගැනීමට බුද්ධි නිලධාරීන්ට නොහැකි වීම ඔවුන්ගේ දුර්වලකමක් හෝ අකාර්යක්ෂමතාවක් ලෙස දකින්න බැහැ. ජනතාවගෙන් ඔවුන්ට නිසි තොරතුරු නොලැබීම හා ත්රස්තවාදී කල්ලිය සූක්ෂමව තමන්ගේ කටයුතු කරගෙන යාමට සමත් වීමයි මෙහි ඇති ප්රශ්නය” යැයි නැගෙනහිර පළාතේ හිටපු ජ්යෙෂ්ඨ නියෝජ්ය පොලිස්පති කපිල ජයසේකර මහතා ඊයේ (18) පැවැසීය. 19 August 2020
ගන්සයිඩ් කඳවුර ගෝඨා කඳවුර ලෙස නම්කළා ගන්සයිඩ් කඳවුරක් ගෝඨා කඳවුර ලෙස නම් කර තිබුණේ එවකට පැවති යහපාලන ආණ්ඩුවට දේශපාලන වාසි ලබාගැනීමට බව නාවික හමුදාවේ කොමදෝරු සුමිත් රණසිංහ මහතා දේශපාලන පලිගැනීම් පිළිබඳ විමර්ශනය කරන ජනාධිපති කොමිසම හමුවේ සාක්ෂි ලබාදෙමින් ඊයේ (12) ප්රකාශ කළේය. 13 August 2020
සහරාන්ලා කලින් අල්ලාගන්න බැරිවුණා එක නියෝජ්ය පොලිස්පතිවරයකු යටතේ පැවැති අපරාධ පරීක්ෂණ දෙපාර්තමේන්තුව හා ත්රස්ත විමර්ශන කොට්ඨාසය නියෝජ්ය පොලිස්පතිවරුන් දෙදෙනකු යටතට පත්වූ පසු විමර්ශන කටයුතුවලදී අංශ දෙක අතර තරගකාරිත්වයක් නිර්මාණය වූ අතර එම අංශ අතර තොරතුරු හුවමාරුව හා අන්යෝන්ය සබඳතාව බිඳවැටුණ බවද ත්රස්ත විමර්ශන කොට්ඨාසයේ, අන්තවාදී මූලධර්මවාදීන් පිළිබඳ විමර්ශන ඒකකයේ ස්ථානාධිපති උපපොලිස් පරීක්ෂක ගයාන් රත්නායක මහතා ඊයේ (12) පැවසීය. 13 August 2020
ශානි අබේසේකර තවදුරටත් රිමාන්ඩ් හිටපු නියෝජ්ය පොලිස්පති වාස් ගුණවර්ධනට එරෙහිව අසත්ය සාක්ෂි නිර්මාණය කර අධිකරණය නොමග හැරීම ඇතුළු තවත් චෝදනා සම්බන්ධයෙන් අධිකරණ නියමයෙන් රක්ෂිත බන්ධනාගාර ගතකර සිටින අපරාධ පරීක්ෂණ දෙපාර්තමේන්තුවේ හිටපු අධ්යක්ෂක ශානි අබේසේකර සහ උප පොලිස් පරීක්ෂකවරයාව ලබන 20 වෙනිදා දක්වා තවදුරටත් බන්ධනාගාර ගතකරන ලෙස ගම්පහ මහේස්ත්රාත් මංජුල කරුණාරත්න මහතා අද (07)නියම කළේය. 07 August 2020
බදියුදීන්ගේ පෙත්සම විභාගයට නොගෙනම ඉවතට හිටපු ඇමැති රිෂාඞ් බදියුදීන් මහතා ගොනු කළ මූලික අයිතිවාසිකම් පෙත්සම විභාගයට නොගෙනම ඉවත දැමීමට ශ්රේෂ්ඨාධිකරණය අද (7) තීන්දු කළේය. 07 August 2020
නාකොටික් නිලධාරීන් 13 දෙනා රිමාන්ඩ් අත්අඩංගුවට ගෙන රක්ෂිත බන්ධනාගාර බාරයේ සිටින මත්ද්රව්ය නාශක කාර්යංශයේ නිලධාරීන් 13 දෙනා අගෝස්තු 18 වැනි දා දක්වා තවදුරටත් රක්ෂිත බන්ධනාගාර ගත කරන ලෙස කොළඹ ප්රධාන මහේස්ත්රාත් ලංකා ජයරත්න මෙනවිය අද (4) නියෝග කළාය. 04 August 2020
බදියුදීන්ට එරෙහි විල්පත්තු නඩුව 26 වැනිදාට කල්යයි විල්පත්තු ජාතික වනෝද්යානයේ අධිරක්ෂිතයට අයත් අක්කර දහස් ගණනක භූමි ප්රදේශයක් නීතිවිරෝධි ලෙස එළිපෙහෙළි කරමින් නැවත පදිංචිකිරීම් හා අනවසර ඉදිකිරීම් කළේ යැයි කියන හිටපු අමාත්ය රිෂාඩ් බදියුදීන් ඇතුළු පිරිසකට එරෙහිව පාරිසරික යුක්ති කේන්ද්රය ගොනු කළ පෙත්සම පිළිබඳ තීන්දුව අද (31 ) ප්රකාශයට පත් කිරීමට නියමිතව තිබුනද එම නඩුව කැඳවූ අධිකරණ ශාලාවේ සියලුම නඩු අගෝස්තු 26 යළි කැඳවන ලෙස අභියාචනාධිකරණය දැන්වීමක් මඟින් දැනුම් දුන්නේය. 31 July 2020
මට්ටක්කුලියේ පුද්ගලයෙක් ඝාතනය කළ අයෙකුට මරණ දඬුවම පුද්ගලයකු පැහැරගෙන ගොස් පහරදී මරා දැමීමේ චෝදනාවන්ට වරදකරු වූ මට්ටක්කුලිය ප්රදේශයේ පුද්ගලයකුට කොළඹ මහාධිකරණ විනිසුරු ධම්මික ගනේපොළ මහතා අද (30) මරණ දඬුවම නියම කළේය. 30 July 2020
සම්පායෝ අත්අඩංගුවට ගැනීමට නිකුත් කළ වරෙන්තුව බලරහිත කරන්නැයි ඉල්ලීමක් හිටපු මීගමුව බන්ධනාගාර අධිකාරී අනුරුද්ධ සම්පායෝ අත්අඩංගුවට ගැනීමට වරෙන්තු ලබා ගෙන ඇත්තේ නීතීයට පටහැනි බැවින් එම වරෙන්තු බලරහිත කරන්නැයි සම්පායෝ මහතා වෙනුවෙන් පෙනී සිටි ජනාධිපති නීතීඥ උපුල් ජයසූරිය මහතා අභියාචනාධිකරණයෙන් අද (28) ඉල්ලා සිටියේය. 28 July 2020
වරෙන්තුව වළක්වාලන අතුරු නියෝගය ගැන තීන්දුව හෙට හිටපු මීගමුව බන්ධනාගාර අධිකාරී අනුරුද්ධ සම්පායෝ මහතා අත්අඩංගුවට ගැනීමට නිකුත් කර ඇති වරෙන්තුව ක්රියාත්මක කිරීම වළක්වාලන අතුරු නියෝගය නිකුත් කරනවාද ? නැද්ද ? යන තීන්දුව ප්රකාශයට පත් කිරීම හෙටට (28) කල් තැබීමට අභියාචනාධිකරණය අද (27) නියම කළේය. 27 July 2020
මුහුදේ පාවෙමින් තිබු විනාශ වු යානයක කොටස් හමුවෙයි සාම්පූර්, මලෙයි මුන්දල් නාවික කදවුරට ආසන්න මුහුදේ පාවෙමින් තිබූ පුපුරා ගිය හෝ විනාශ වී ගිය බවට සැක කරන රොකට්ටුවක හෝ ගුවන් යානයක කොටස් කිහිපයක් ඊයේ (28) ධීවර පිරිසක් විසින් සොයාගෙනතිබේ.. 29 December 2025
