IMG-LOGO

2025 මැයි මස 10 වන සෙනසුරාදා


කිරිඇල්ලගෙන් අනතුරු ඇඟවීමක්

විපක්ෂයට ගිය ආණ්ඩුව යළි ගැනීමේ ඇමති කිරිඇල්ලගේ මෙහෙයුම-12

 

රටේ ඇති වී ව්‍යාකූලත්වය කෙසේ හෝ තුරන් කළ යුතුය යන මතයේ එක්සත් ජාතික පක්ෂයත් සෙසු දේශපාලන පක්ෂත් නොවෙනස්ව සිටියහ. මන්ත්‍රී ලක්ෂ්මන් කිරිඇල්ල කියා සිටියේ රටේ ඇති ව්‍යාකූලත්වය නිසා මහජන කැළඹීමක් ඇතිවිය හැකි බවය.


එහෙම වුණොත් මේ රට මහා ලේ වැගිරීමකට ලක්වේවි. අපේ වගකීම තමයි ඒ තත්ත්වය වෙනස් කිරීම.” ලක්ෂ්මන් කිරිඇල්ල එසේ කීවේ අරලියගහ මන්දිරයේ පැවැති පක්ෂ නායකයන්ගේ හමුවකදීය.


“මේ ප්‍රජාතන්ත්‍ර විරෝධී ක්‍රියා මාර්ගය පාලනය කළ යුත්තේ ප්‍රජාතන්ත්‍රවාදයෙන්මයි. අපට තවම අධිකරණය ගැන ගැඹුරු විශ්වාසයක් තියෙනවා. අපි මේ ප්‍රශ්නය අධිකරණයට අරගෙන යමු.” ලක්ෂ්මන් කිරිඇල්ල යෝජනා කළේය. ඒ අනුව අලුත් අගමැතිට හා කැබිනට් මණ්ඩලයට තනතුරු දැරීම වැළැක්වීමේ අතුරු තහනම් නියෝගයක් ඉල්ලා පාර්ශ්ව ගණනාවක් අභියාචනාධිකරණයට පෙත්සම් ඉදිරිපත් කළහ.


එම පෙත්සම්වල තීන්දුව ප්‍රකාශයට පත්වූයේ දෙසැම්බර් 3 වැනිදාය. එම තීන්දුව ගැන පාර්ලිමේන්තුවට කරුණු අනාවරණය කරමින් මන්ත්‍රී වජිර අබේවර්ධන මෙසේ කීවේය.


වජිර අබේවර්ධන මහතා : ගරු නියෝජ්‍ය කාරක සභාපතිතුමනි, ඉතාම අවාසනාවන්ත තැනක රට තිබෙන අවස්ථාවක අපේ කථානායකතුමා ජාතික වශයෙන් ඉතා වැදගත් තීරණයක් පසුගිය කාලය තුළදී ගත්තා කියා මම හිතනවා. ඒ නිසා ගරු කථානායකතුමාට ජාතියේ ගෞරවය හිමිවිය යුතුව තිබෙනවා. මේ සභා ගර්භය තුළදී පෑනක්, පැන්සලක් හෝ නොමැතිව හිටපු පොලිස් නිලධාරීන්ට ඉතාම අශෝභන විදියට පහර දීම් සිදුකරපු අවස්ථාවක් මුළු රටම දැක බලාගත්තා. එවැනි වෙලාවක අපේ කථානායකතුමා ගත් තීරණ සම්බන්ධයෙන් එතුමාට විවිධ චෝදනා මාධ්‍ය හරහා එල්ල වෙමින් පවතිනවා. ඒ නිසා වැදගත් කාරණයක් සටහන් කරන්න මම හිතුවා. ඇත්ත වශයෙන්ම, අභියාචනාධිකරණය විසින් 2018 දෙසැම්බර් මස 03 වැනි දින දෙනු ලැබූ අතුරු තහනම් නියෝගය මෙය මගේ මතයක් නොවෙයි. සියලු දෙනාගේ දැනගැනීම සඳහා මම කියවන්නම්, ගරු නියෝජ්‍ය කාරක සභාපතිතුමනි, එහි මෙසේ සඳහන් වනවා.


මෙම අභියාචනාධිකරණය හමුවේ ඇති නඩුවට අනුව මන්ත්‍රීවරුන් 225 කින් සමන්විත පාර්ලිමේන්තුවේ මන්ත්‍රීවරුන් 122 ක බහුතරයක් විසින් වර්තමාන ආණ්ඩුවට විරුද්ධව විශ්වාසභංගයක් සම්මත කරගත් බවට නඩුවක් ගොනුකර ඇත. එම පෙත්සමේ සඳහන් කර ඇත්තේ අග්‍රාමාත්‍ය ධුරය, කැබිනට් අමාත්‍යවරුන්ගේ ධුර සහ අනිකුත් අමාත්‍ය ධුර ව්‍යවස්ථානුකූල නොවන බවයි. මෙම අධිකරණය මගින් මෙම අතුරු තහනම් නියෝගය නිකුත් කිරීම මගින් රටේ අග්‍රාමාත්‍යවරයෙකු, කැබිනට් අමාත්‍යවරුන් සහ වෙනත් අමාත්‍යවරුන් නොමැති තත්ත්වයක් උද්ගත වන බව සැලකිල්ලට භාජනය කර ඇත. එමෙන්ම මෙම අධිකරණය විසින්, මෙම පෙත්සම්කරුවන් විසින් ඉදිරිපත් කරන ලද තර්කයන්ට අනුව  මෙම නඩුවෙහි විත්තිකාර පාර්ශ්වය නීතිමය ප්‍රතිපාදනයන්ට අනුව අදාළ තනතුරු දරමින්  රාජ්‍ය ආයතන එලෙස පවත්වා ගෙන යන්නේ නම් විශාල හානියක් සම්මතයක් වශයෙන් රටට විය හැකි බව සැලකිල්ලට භාජනය කර ඇත.


මෙම අධිකරණය මගින් රටෙහි පාලනය පවත්වා ගෙන යෑමට අග්‍රාමාත්‍ය ඇතුළු කැබිනට් අමාත්‍යවරුන්ට සහ අනිකුත් අමාත්‍යවරුන්ට විශාල බලයක් ව්‍යවස්ථානුකූලව සහ වෙනත් නීතිමය රාමුවලට අනුව ලබා දී ඇති බව සැලකිල්ලට ගෙන ඇත. එමෙන්ම එම තනතුරු දරන ඕනෑම කෙනෙකු හට ඉතාමත් වැදගත් සහ වගකිවයුතු තීරණ ගැනීමට හැකියාවක් ඇති අතර, එමගින් රටෙහි අභ්‍යන්තර කටයුතු සහ ජාත්‍යන්තර වශයෙන් විශාල බලපෑම් ඇතිවිය හැක. එම වැදගත් සහ වගකිවයුතු තීරණ නැවත ආපස්සට හැරවිය නොහැකි බව අධිකරණය විසින් සැලකිල්ලට භාජනය කර ඇත.


එමෙන්ම මෙම අධිකරණය මෙම අතුරු තහනම් නියෝගය මගින් ඇතිවන තත්ත්වය මත විත්තිකරුවන්ට තමන්ට අදාළ රාජ්‍ය ආයතනවල රාජකාරි කිරීම තහනම් කිරීමෙන් ඇතිවන බලපෑම සහ හානිය වගේම මෙම පෙත්සම්කරුවන් විසින් ඉදිරිපත් කරන ලද පෙත්සම ප්‍රතික්ෂේප කිරීමෙන් ඇතිවන බලපෑම සහ හානිය ද සැලකිල්ලට භාජනය කර ඇත. තවද පෙත්සමට අදාළව ඉදිරිපත් කර ඇති අතුරු තහනම් නියෝගයට අනුව අග්‍රාමාත්‍ය ධුරය සහ කැබිනට් මණ්ඩලය සහ අනිකුත් අමාත්‍ය ධුර පවත්වාගෙන යෑම වගේම එම රාජ්‍ය ආයතනවල ඔවුන් රාජකාරි කිරීම තහනම් කිරීම ද සිදුවිය යුතුය. එම නිසා අධිකරණය විසින් මෙම අතුරු තහනම් නියෝගය මගින් අදාළ විත්තිකරුවන් අදාළ රාජ්‍ය ආයතනවලින් රාජකාරි කිරීම බැහැර කරලීම සැලකිල්ලට භාජනය කර ඇත. එමෙන්ම අදාළ අතුරු තහනම් නියෝගය මගින් පුරප්පාඩු වන ධුරයන්හි රාජකාරි කිරීමට අදාළ රාජ්‍ය ආයතනවල රාජකාරි කිරීමට පත් කළ යුත්තේ කවුරුන්ද යන්න මෙම අධිකරණයට අදාළ නොවන අතර එම වගකීම් පැවරී ඇත්තේ ව්‍යවස්ථාව අනුකූලව තනතුරු පත් කිරීමට බලය ඇති බලධාරියාටය. තවදුරටත් මෙම පෙත්සම්කරුවන් පාර්ලිමේන්තු මන්ත්‍රීවරු 122 දෙනා ඉදිරිපත් කර ඇති මෙම පෙත්සම නිවැරදි නම් රටෙහි වර්තමාන තත්ත්වය වන්නේ නීත්‍යානුකූල අග්‍රාමාත්‍යවරයෙකු, කැබිනට් මණ්ඩලයක් සහ වෙනත් අමාත්‍යවරුන් නැති රටක් නිර්මාණය වීමයි.


එවැනි තත්ත්වයක් තුළ අතුරු තහනම් නියෝගය නිකුත් කිරීමෙන් ඇතිවන තත්ත්වයට වඩා පෙර තත්ත්වය භයානක සහ අවදානම් බව සඳහන් කරමු. එම නිසා මෙම නඩුවට අනුව පෙත්සම්කරුවන් එකසිය විසිදෙදෙනා විසින් ඉදිරිපත් කරන ලද පෙත්සම නීතියට අනුකූල බව සඳහන් කරමි. මෙම තත්ත්වය මගින් පැනනගින තවත් ප්‍රශ්නයක් වන්නේ විත්තිකරුවන් අදාළ රාජ්‍ය ආයතනවල රාජකාරි කිරීම තහනම් කිරීමෙන් විසඳිය නොහැකි ගැටලු සහ ව්‍යාකූලත්වයක් පැන නැගිය හැකි ද යන්නයි. මේ සම්බන්ධයෙන් අධිකරණය සුබවාදීව ප්‍රශ්නය සලකා බැලීම කර ඇත. මේ සම්බන්ධයෙන් අධිකරණයේ මතය වන්නේ නීත්‍යානුකූල නොවන පිරිසක් විසින් අග්‍රාමාත්‍ය ධුරය, කැබිනට් අමාත්‍ය ධුර සහ වෙනත් අමාත්‍ය ධුර දරමින් සිදුවන ගැටලු සහ ව්‍යාකූලසහගත තත්ත්වය අතුරු තහනම් නියෝගයක් නිකුත් කිරීමෙන් ඇතිවන තත්ත්වයට වඩා බරපතළ බවයි. සමස්තයක් වශයෙන් එම තත්ත්වය දීර්ඝ කාලීන ලෙස සමස්ත රටට බලපාන සාධකයකි. එවැනි අවස්ථාවක අවසන් තීන්දුව දීම අත්‍යවශ්‍යම වේ. ඉහත හේතුව දක්වා ඇති කරුණුවලට අනුව මෙම අධිකරණය පහත සඳහන් තීරණ ඉදිරිපත් කර ඇත.


1. මෙහි සඳහන් පළමුවැනි විත්තිකරු අග්‍රාමාත්‍ය ධුරය දැරීම සහ කැබිනට් අමාත්‍ය ධුර දැරීම අවසාන තීරණය ලබා දෙන තෙක් සහ පෙත්සම් තහවුරු වන තෙක් තහනම් කිරීම.
2. මෙහි සඳහන් දෙවැනි විත්තිකරුගේ සිට විසිනව වැනි විත්තිකරු දක්වා පුද්ගලයන් කැබිනට් අමාත්‍ය ධුර සහ වෙනත් අමාත්‍ය ධුර දැරීම වළකාලමින් අවසාන තීරණය ලබා දෙන තෙක් සහ පෙත්සම තහවුරු වන තෙක් තහනම් කිරීම.


3. මෙහි සඳහන් තිස්නවයේ සිට හතළිස් එක දක්වා විත්තිකරුවන් අමාත්‍ය ධුර දැරීම අවසාන තීරණයක් ලබා දෙන තෙක් සහ පෙත්සම තහවුරු වන තෙක් තහනම් කිරීම.
4. මෙහි සඳහන් හතළිස් දෙකේ සිට හතළිස් නවය දක්වා විත්තිකරුවන් නියෝජ්‍ය අමාත්‍ය ධුර දැරීම අවසාන තීරණය ලබා දෙන තෙක් සහ පෙත්සම තහවුරු වන තෙක් තහනම් කිරීම.


මෙම අධිකරණය විසින් නියමිත කාල වකවානු ඇතුළත මෙම නඩුව අවසන් කර නඩු තීන්දුවක් ලබා දීමට අවශ්‍ය සියලු පියවර ගැනීමට කටයුතු කරනු ඇත.


සභාපති, අභියාචනාධිකරණය
අර්ජුන ඔබේසේකර


මම එකඟ වෙමි- අභියාචනාධිකරණ විනිසුරු.


ගරු නියෝජ්‍ය කාරක සභාපතිතුමනි, මම විශේෂයෙන් මෙම තීරණය සඳහන් කළේ වර්තමාන අපේ කථානායකතුමා කළ කාර්ය භාරය සම්බන්ධව මාධ්‍ය ආයතන විවිධ විදියට විවේචනය කරමින් පහර දෙමින් ක්‍රියා කරපු නිසායි. මම හිතන විදියට සමස්ත මාධ්‍යයට, රටවැසියන්ට, සමස්ත ජනතාවට, දැන් තේරෙන්නට ඕනෑ. පාර්ලිමේන්තුවේ කථානායකතුමා ඇතුළු මන්ත්‍රීවරුන් එකසියවිසි දෙදෙනා කළ කාර්ය භාරය හරි බව අධිකරණයට හැඟී ගිය නිසා තමයි මේ අතුරු තහනම් නියෝගය පනවා තිබෙන්නේ කියන කාරණය.

 

මතු සම්බන්ධයි.
සකස් කළේ : 
ප්‍රසන්න සංජීව තෙන්නකෝන්
ඡායාරූපය අන්තර්ජාලයෙනි



අදහස් (0)

කිරිඇල්ලගෙන් අනතුරු ඇඟවීමක්

ඔබේ අදහස් එවන්න

 

 
 

කොලම

වෙල්ගමට පහර දුන්නැයි දෙදෙනකු අත්අඩංගුවට
2022 මැයි මස 27 4970 0

පාර්ලිමේන්තු මන්ත්‍රි කුමාර වෙල්ගම මහතාට සහ ඒ මහතාගේ පුද්ගලික ආරක්ෂක පොලිස් නිලධාරියාට හා රියදුරුට පහර දී එම මෝටර් රථයට ගිනි තබා විනාශ කිරීම සම්බන්


සජිත්ගේ අලසකම්
2020 මාර්තු මස 28 14799 2

සජිත් ප්‍රේමද‌ාසට පමණක් නොව ප්‍රේමද‌ාස පවුලේ හැමටම ඉංග්‍රීසි භාෂාව ඉගැන්වූ රාජකීය විද්‍යාලයේ ඉංග්‍රීසි භාෂා ගුරුභවතෙකු ලෙස සේවය කළ වත්තල සාහීඩ් සර


පක්ෂ ඇතුළේ බල පොර
2020 මාර්තු මස 28 5825 0

‘‘ජාතියේ පියා’’ ලෙස විරුද‌ාවලී ලත් නිදහස් ලංකාවේ ප්‍රථම අග්‍රාමාත්‍ය මහාමාත්‍ය ඩී. එස්. සේනානායක මැතිතුමා 1952 මාර්තු 22 වැනි දින ගාලු මුව දොර ව්‍යායාම් ක


සාම කතා මැද මතුවූ කොටින්ගේ පාවෙන අවි ගබඩාව
2020 මාර්තු මස 28 583 0

‘‘කමක් නැහැ. ඔය ප්‍රදේශයේම රැඳී ඉන්න. අපට ලැබුණු තොරතුරු ඉතාමත් විශ්වාසනීයයි’’ ‘‘රොජර් (එසේ කරන්නම්) සර්’‘


ඇමතිවරුන්ගේ නොකෙරෙන වැඩ
2020 මාර්තු මස 14 1455 0

දිනක් මා දන්නා ඥාති සහෝදරියකගේ නිවසට ගොඩ වූයේ කලක් තිස්සේ අසනීපව සිටින ඇයගේ අම්මාගේ සුවදුක් සොයා බැලීම පිණිසය. මා එහි සිටි අවස්ථාවේ එම ඥාති සොයුරිය එක


යුද බිමේ ඔත්තුකරුවෝ
2020 මාර්තු මස 14 2595 0

2003 වසරේ අප්‍රේල් මාසයේ දෙවැනි සතියේ නැවත වරක් L.T.T.E. ආයුධ නෞකාවක් නැගෙනහිර මුහුදු ප්‍රදේශයට ඒම පිළිබඳව සංඥා පණිවිඩයක් නාවික හමුදා මූලස්ථානයෙන් ලැබිණ. සෝ


මේවාටත් කැමතිවනු ඇති

හරිත සරසවියේ දෙවැනි අදියර පිම්මක් ඉදිරියට පනී 2025 මැයි මස 09 406 0
හරිත සරසවියේ දෙවැනි අදියර පිම්මක් ඉදිරියට පනී

ශ්‍රී ලංකාවේ විශිෂ්ටතම මට්ටමේ ජාත්‍යන්තර සරසවිය වූ NSBM හරිත සරසවිය ජාතියේ පහන් ටැඹ ලෙස විරුදාවලිය ලත් ලංකා බැංකුව සමග රුපියල් බිලියන 7.3ක් හෙවත් රුපියල්

First Capital සමාගම සමඟ එක් වී ඒකක භාර අරමුදල් ආශ‍්‍රිත ආයෝජනය කර ආකර්ෂණීය ප‍්‍රතිලාභ අත් විඳින්න 2025 අප්‍රේල් මස 29 1342 1
First Capital සමාගම සමඟ එක් වී ඒකක භාර අරමුදල් ආශ‍්‍රිත ආයෝජනය කර ආකර්ෂණීය ප‍්‍රතිලාභ අත් විඳින්න

රටක් දියුණු වීමට නම්, ජනතාව තුළ නිවැරදි මුල්‍ය සාක්ෂරතාවක් පැවතීම අනිවාර්ය වේ. එමෙන් ම මුදල් ඉතිරි කිරීම හා ආයෝජනය කිරීම පිළිබඳ දැනුම මෙන් ම අදාළ ක‍්‍ර

HelpAge Sri Lanka ඉදිරිපත් කරන ’Symphony of Hope’  - පෙනීම යළි ලබා දීම වෙනුවෙන් වූ පුණ්‍ය ප්‍රසංගය 23 වැනි දා. 2025 අප්‍රේල් මස 29 344 2
HelpAge Sri Lanka ඉදිරිපත් කරන ’Symphony of Hope’  - පෙනීම යළි ලබා දීම වෙනුවෙන් වූ පුණ්‍ය ප්‍රසංගය 23 වැනි දා.

අසරණභාවයට පත් වැඩිහිටි පුද්ගලයන් ගේ ජීවිතවලට ආලෝකයක් ගෙන දෙන HelpAge Sri Lanka ආයතනය, HelpAge අක්ෂි රෝහල සඳහා අරමුදල් රැස් කිරීමේ අරමුණින් Symphony of Hope නමින් විශේෂ පුණ්‍ය ප

Our Group Site