2025 මැයි මස 08 වන බ්‍රහස්පතින්දා
දේශීය කෘෂිකර්මාන්තය සහ ගොවීන් නගාසිටුවීමේ අරමුණින් ශ්‍රී ලංකා කෘෂි ව්‍යවසායකයන්ගේ සංසදය (SLAF) සහ හැටන් නැෂනල් බැංකුව (HNB) එක්ව අනුරාධපුර දිස්ත්‍රික්කයේ රාජාංගනය ප්‍රදේශයේ මිරිස් වගාව පිළිබඳ වැඩමුළුවක් සංවිධාන කළේය. මෙම වැඩමුළුවේ මූලික අභිප්‍රාය වූයේ, මිරිස් වගාවේ ඇති අභියෝග ජය ගැනීමට අවශ්‍ය දැනුම, ප්‍රායෝගික කුසලතා ගොවීන්ට ලබා දීමයි. පළිබෝධනාශක භාවිත සහ ඉහළ මිරිස් අස්වැන්නක් ලබා ගැනීමේ විවිධ ක්‍රම පිළිබඳව මෙහිදී මූලික වශයෙන් සාකච්ඡා කළේය.
රාජංගනය ප්‍රදේශයේ ගොවි මහත්ම මහත්මීන්, කෘෂිකර්ම දෙපාර්තමේන්තුවේ රාජාංගනය කාර්යාලයේ මහත්ම මහත්මීන් ඇතුළු 65 දෙනෙක් පමණ මෙම වැඩමුළුවට සහභාගි වූහ. ප්‍රධාන දේශක ලෙස සහභාගි වූ හේලීස් ඇග්‍රිකල්චර් සමාගමේ උපායමාර්ගික ව්‍යාපාර සංවර්ධන ඒකකයේ නියෝජ්‍ය සාමාන්‍යාධිකාරි කේ.ඒ.කේ. බොරලැස්ස මහතා විසින් නවීන වගා තාක්ෂණ ක්‍රම, පළිබෝධ කළමනාකරණය ඇතුළු ඉහළ අස්වැස්නක් ලබා ගැනීමේ ක්‍රමෝපාය පිළිබඳව වැඩමුළුවේදී ආවරණය කරන ලදී. එමෙන්ම, පළිබෝධනාශක භාවිතය පිළිබඳව ප්‍රායෝගික ක්‍රියාකාරකම් ද සමගින් එය අස්වැන්නේ ගුණාත්මකභාවය සහ ප්‍රමාණය කෙරෙහි ඇති විශාල බලපෑම ඉස්මතු කළේය. වගා ක්‍රමෝපායන්ට අමතරව, හැටන් නැෂනල් බැංකුව විසින් ගොවීන් සඳහා මූල්‍ය ආරක්ෂාව පිළිබඳව ද දේශනයක් පවත්වන ලදී. මෙහිදී ගොවීන්ට විශ්වසනීය බැංකුවල ඉතිරි කිරීමේ වැදගත්කම, ජීවනෝපාය සඳහා නොව ආයෝජන සඳහා පමණක් ණය ගැනීම, වංචනික ව්‍යාපාරවලින් වැළකීම, OTP (One Time Password) අන් අය සමග බෙදා නොගැනීම සහ ඩෙබිට් කාඩ්පත් වංචාවලින් ආරක්ෂා කර ගැනීම වැනි මාතෘකා ආවරණය විය.
වැඩසටහනට සහභාගි වූ ගොවීහු ඔවුන්ගේ වගා ගැටලුවලට විසඳුම් ලබා ගැනීමට මෙවැනි වැඩසටහන් ක්‍රියාත්මක කිරීම පිළිබඳව අගය කළහ. මෙම අවස්ථාව දැනුම හුවමාරු කිරීමේ වේදිකාවක් ලෙස පමණක් නොවෙ, මූල්‍ය ආයතන, කෘෂි සංවිධාන හා ගොවීන් අතර සහයෝගිතාවේ වැදගත්කම ඉස්මතු කළේය. මෙමගින් කෘෂි ක්ෂේත්‍රයේ තිරසාර වර්ධනය උදෙසා අවශ්‍ය සහයෝගිතාව ගොඩනැගීමට උත්සාහ ගන්නා ලදී.
ශ්‍රී ලංකා කෘෂි ව්‍යවසායකයන්ගේ සංසදය (SLAF) මගින් මෙවැනි වැඩසටහන් සංවිධාන කිරීමෙන් ශ්‍රී ලංකාවේ කෘෂිකර්මාන්තය නගාසිටුවීමට පිටිවහලක් වීම, එමගින් දේශීය ගොවියා මුහුණ පාන ගැටලු ජය ගැනීමට අවශ්‍ය දැනුම ලබා දීමෙන්, සාර්ථක සහ ඉහළ අස්වැන්නක් ලබා දෙන ඵලදායි මිරිස් අස්වැන්නක් ලබා ගනිමින් මිරිස් වගාව වඩා වැඩි ලාබ ලබන වගාවක් බවට පත් කිරීමට දායක වීමට බලාපොරොත්තු වන අතර, ඉදිරියේදී ද මෙවැනි වැඩසටහන් ක්‍රියාත්මක කරමින් රට පුරා ගොවීන් නගාසිටුවීමට කටයුතු කරනු ඇත.
කලාපීය ආර්ථිකය ශක්තිමත් ස්ථානයක සිට තවත් ඉදිරියට ගමන් කරමින් සිටියත් ඉදිරියේදී ඇතිවිය හැකි අවිනිශ්චිතා බොහෝයි වත්මන් තත්වය පිළිබඳව කලාපයට සෑහීමකට
වියට්නාමයේ රාජ්‍ය සංචාරයක නිරත ජනාධිපති අනුර කුමාර දිසානායක මහතා වියට්නාමයේ වින්ගෲප් (Vingroup) සමූහ ව්‍යාපාරයේ ඉහළ කළමනාකාරීත්වය හමුවී සාකච්ඡා පැවැත්වී
ශ්‍රී ලංකා මහ බැංකුව පසුගිය අප්‍රේල් මාසයේදී මෙරට මූල්‍ය වෙළෙඳපොළෙන් ඇමෙරිකානු ඩොලර් මිලියන 160 ක ඩොලර් ප්‍රමාණයක් මිලදී ගෙන ඇතැයි නවතම දත්ත වාර්තා පෙ
අද (06) දිනයේදී පැවැත්වෙන පළාත් පාලන මැතිවරණය හේතුවෙන් කොළඹ කොටස් හුවමාරුවේ ගනුදෙනු පැය තුනකට සීමා වන බව එම හුවමාරුව පවසයි. ඒ අනුව පෙරවරු 9.30ට ආරම්භ කෙරෙන
ශ්‍රී ලංකාවේ සංචාරක කර්මාන්තය තවදුරටත් සංවර්ධනය කිරීම අරමුණු කරගනිමින් එමිරේට්ස් හා ශ්‍රී ලංකා සංචාරක ප්‍රවර්ධන කාර්යාංශය (SLTPB) ඔවුන්ගේ හවුල්කාරීත්ව
කොළඹ කොටස් හුවමාරුවේ ලැයිස්තුගත හේලීස් පීඑල්සී සමාගම රුපියල් බිලියන 7ක් රැස් කරගැනීම සඳහා සිදු කළ ණයකර නිකුතුවට අධි දායකත්වයක් හිමි වූ බව පවසයි. ඊයේ (05)
2025 අප්‍රේල් මස 29
1185
1
රටක් දියුණු වීමට නම්, ජනතාව තුළ නිවැරදි මුල්‍ය සාක්ෂරතාවක් පැවතීම අනිවාර්ය වේ. එමෙන් ම මුදල් ඉතිරි කිරීම හා ආයෝජනය කිරීම පිළිබඳ දැනුම මෙන් ම අදාළ ක‍්‍ර
2025 අප්‍රේල් මස 29
298
2
අසරණභාවයට පත් වැඩිහිටි පුද්ගලයන් ගේ ජීවිතවලට ආලෝකයක් ගෙන දෙන HelpAge Sri Lanka ආයතනය, HelpAge අක්ෂි රෝහල සඳහා අරමුදල් රැස් කිරීමේ අරමුණින් Symphony of Hope නමින් විශේෂ පුණ්‍ය ප
2025 අප්‍රේල් මස 18
1333
0
2007 නොබෙල් සාම ත්‍යාගයේ (උප සභාපති, IPCC) සම-ජයග්‍රාහකයා සහ 2021 බ්ලූ ප්ලැනට් ත්‍යාගලාභී මොහාන් මුණසිංහ මහතා, 2025 අප්‍රේල් 13-14 දිනවල ඩුබායි හි පැවති ගෝලීය නොබෙල් ස
කෘෂි ව්‍යවසායකයන්ගේ සංසදය - HNB එක්ව රාජාංගනයේ ගොවීන්ට මිරිස් වගා වැඩමුළුවක්