කොමර්ෂල් බැංකුවේ සහකාර සාමාන්‍යාධිකාරී - පෞද්ගලික බැංකුකරණ කපිල ලියනගේ මහතා, මයික්‍රෝ කාර්ස් ලිමිටඞ් සමූහයේ අධ්‍යක්ෂ අසේල ලිහිණිකඩුව මහතා සමඟ අවබෝධතා ගිවිසුම හුවමාරු කරගත් අවස්ථාව.

මයික්‍රෝ කාර්ස් ලිමිටඩ් සමාගම දේශීයව එකලස් කරන හෝ නිෂ්පාදනය කරන සියලුම වාහන පරාස සඳහා ආකර්ෂණීය ලීසිං පහසුකම් ලබා දීමට කොමර්ෂල් බැංකුව එම සමාගම සමඟ හවුල්කාරිත්වයකට එළඹී ඇත.

2026 මාර්තු 31 දක්වා ක්‍රියාත්මක වන මෙම ප්‍රවර්ධනය යටතේ සමාගම් දෙකම ලීසිං ගනුදෙනුකරුවන්ට විශේෂ ප්‍රතිලාභ ලබා දෙන බව බැංකුව පවසයි.

මෙම ප්‍රතිලාභ මයික්‍රෝ සමාගම නියෝජනය කරන සියලුම වෙළෙඳ සන්නාම වන  MG, Chery, Proton, KGM – SUV  රථ සහ අධි සුඛෝපභෝගී බස් රථ සඳහා ද අදාළ වේ.

Chery Tiggo4Pro SUV රථ සඳහා රු. 50,000 ක වට්ටමක්, Proton Saga මෝටර් රථ සඳහා පළමු වසරේ පූර්ණ රක්ෂණ ආවරණයක් සහ වසර දෙකක හෝ කිලෝමීටර 40,000 ක සර්විස් පැකේජයක් නොමිලේ ලබා දීමට සහ Rexton Sports  පිකප් රථ සඳහා පළමු පාරිභෝගිකයන් 50 දෙනා සඳහා නොමිලේ වාහන ලියාපදිංචි කිරීමට මෙම ප්‍රවර්ධන වැඩසටහන යටතේ මයික්‍රෝ සමාගම කටයුතු කරනු ඇත.

මීට අමතරව, MG ZS MCE  පළමු පාරිභෝගිකයන් 300 දෙනාට විශේෂ හඳුන්වාදීමේ මිලක් සහ  MG ZS Hybrid+" MG HS PHEV, MG S5 Sedan" MG S5 - EV iy MG4 - EV  වාහන සඳහා විශේෂ මිලක් සමාගම ලබා දෙනු ඇත.

කොමර්ෂල් බැංකුව විසින් දැනට සිටින සහ නව ගනුදෙනුකරුවන්ට ආකර්ෂණීය සහ දැරිය හැකි ලීසිං වාරික ගෙවීම් සහිත අභීරුචිකරණය කරන ලද ගෙවීම් සැලසුම් ලබා දෙන අතර මෙම ඒකාබද්ධ ප්‍රවර්ධන වැඩසටහනෙන් නව වාහනයක් මිලදී ගැනීමේ අවස්ථාව නිර්මාණය කරයි.

කොමර්ෂල් බැංකුවෙහි සුපර් ලීසිං පහසුකම යටතේ වසර හතක ලීසිං පහසුකමක් සඳහා සෑම රුපියල් 100,000 කටම රුපියල් 1,598.00 ක අඩු වාරික අය කරනු ලැබේ.

කොමර්ෂල් බැංකුව ලෝකයේ හොඳම බැංකු 1000 අතරට පත්වු පළමු දේශීය බැංකුව වන අතර කොළඹ කොටස් වෙළෙදපොළ බැංකු අංශයේ ඉහළම වෙළෙඳපොළ ප්‍රාග්ධනකරණයක් ඇති බැංකුව වේ. ශ්‍රී ලංකාවේ සුළු සහ මධ්‍යම පරිමාණයේ ව්‍යාපාර වලට විශාලතම ණය සම්පාදනය කරන්නා මෙන්ම දේශීය බැංකු ක්ෂේත්‍රයේ ඩිජිටල් නව්‍යකරණය සඳහා ප්‍රමුඛයකු වන කොමර්ෂල් බැංකුව ශ්‍රී ලංකාවේ පරිසරයට කාබන් මුදාහැරීම සියයට 100ක් තුලනය කළ ප්‍රථම බැංකුව ද වේ.