තමන් වැරදිකරුවන් කිහිප දෙනකු හෙලිකෝප්ටරයකින් බිමට දමා ඇති බවත් ඉදිරියටත් දූෂණ හා වංචා සිදුකරන නිලධාරීන් හෙලිකොප්ටරයකින් බිමට අතහැරීමට කටයුතු කරන බවත් පිලිපීන ජනපති රොද්‍රිගෝ ඩුටර්ටේ කියයි.

පිලිපීනයට බලපෑ සුළිකුනාටුව ගැන සිදුකළ කතාවකදී ඔහු මේ පැවසූ අතර ආධාර වලින් වංචා කරන ඕනෑම අයකුට මෙම දඬුවම ලබා දෙන බවද පැවසීය.

“මම මේක මීට පෙරත් කළා.ඇයි මට ආයේ කරන්න බැරි“යැයි ඔහු කීවේය.

මීට පෙර ප්‍රාණ ඇපකරුවකු මැරූ මංකොල්ලකරුවන් පිරිසකට හෝ මංකොල්ලකරුවකුට මෙලෙස සිදු කළ බවට ඉඟියක් ඔහු ලබා දුන් බව විදෙස් මාධ්‍ය පවසයි.

ඔහු මෙවන් ප්‍රකාශ කිහිපයක්ම සිදු කළ අතර යම් ප්‍රකාශ සම්බන්ධයෙන් පරීක්ෂණ ද පැවැත්වෙයි.