තමන් කෙළෙසී යැයි තමන්ට ප්‍රතිකාර කළ වෛද්‍යවරයා මරා දමා ඔහුගේ ජනනනේන්ද්‍රිය කපා ඔහුගේ බිරිද වෙත යැවූ කාන්තාවක අත්අඩංගුවට ගැනීමට ඉන්දියාවේ ගොවින්ද් නගර් පොලිසිය සමත් වී තිබේ.

මුලදී තම නිවසට පැමිණ ප්‍රතිකාර කිරීමට පුරුදුව සිටි වෛද්‍යවරයා පසුව තමන්ට ඔහුගේ සායනයේ කටයුතු වලට උදවු වන්නට පැමිණෙන්න යැයි ආරාධනා කළ බවත් දුප්පත්කම නිසා එය පිළිගෙන ඔහු යටතේ සේවය කිරීමට ගිය බවත් සැකකාර කාන්තාව පොලිසිය හමුවේ පවසා ඇත.දිනක් තමන්ව ඛෙහෙතක් විද මත්කළ වෛද්‍යවරයා තමන්ව කෙළෙසූ බවත් එදා සිට දිනපතාම වාගේ ඔහුගේ අතවරයන්ට තමන් ලක්වූ බවත් ඇය කියා ඇත.

වෛද්‍යවරයා තම සොහොයුරිය දෙසටද ඇස ගසන්නට වීම නිසාවෙන් තමන් වැටුනු වළේ ඇයත් නොවැටී රැක ගැනීමේ අරමුණින් වෛද්‍යවරයාගේ කෝපි කෝප්පයට ඖෂධ වර්ගයක් දමා ඔහු  මත් කළ තමා ඔහුගේ ගෙල කපා ඔහුව මරා දැමුවේයැයිද අනතුරුව ඔහුගේ ජනනේන්ද්‍රිය කපා වෛද්‍යවරයාගේ බිරිද වෙත තැපැල් කර හැරියේයැයිද ඇය පවසා තිබේ.

වෛද්‍යවරයාගේ බිරිද කළ දැනුම්වත් කිරීමකට අනුව පරීක්ෂණ මෙහෙයවූ පොලිස් නිළධාරීන් සැකකාර කාන්තාව අත්අඩංගුවට ගැනීමට සමත්ව තිබේ.

මැයට මානසික රෝගයක් පවතින්නේදැයි සොයා බලන බව පොලිසිය කියයි. සැකකාරිනිය නුදුරේදීම අධිකරණය හමුවට ගෙන ඒමට නියමිතය.