රූපවාහිනී වාර්තාමය වැඩසටහනක් වෙනුවෙන් රෝගකාරකයන් විහින්ම ආසාදනය කරගන්නෙකි බි‍්‍රතාන්‍යය ජාතික ආචාර්ය මයිකල් මොස්ලි.

මෙම වසර සදහා ඔහු පටි පණුවන්,මදුරුවන්,කූඩැල්ලන්,තඩියන් වැනි රෝග වාහකයින් ඇසුරේ දිවි ගෙවීමට නියමිතය.

පෙර සූදානමක් ලෙස ඔහු පටි පණුවන් දැනටමත් ආසාදනය කරගෙන සිටින අතර දැන් එම පණුවන් තමන්ගේ උදරයේ ජීවත්ව සිටින්නේයැයි ඔහු කියයි.

දුෂිත ආහාර හා ජලයෙන් ආසාදනය වන පටිපණුවෝ මිනිස් කුඩා අන්ත‍්‍ර බිත්තියේ එල්ලී ලේ උරා බොමින් ජීවත් වෙති.මෙම පණුවෝ බිත්තර ආශ‍්‍රයෙන් බෝවන අතර වරකදී බිත්තර දහස් ගණනින් දමති .

පණුවන් ආසාදනය වීම නිසා හදුනාගත හැකි රෝගාබාධයන් වනුයේ රක්තහීනතාව,ආහාර අරුචිය,මලානික භාවය වැනි දෑය.

නමුත් මේ කිසිවක් තවමත් තමාට සිදුවී නැතැයි ආචාර්ය මයිකල් කියයි.පණුවන් ආසාදනය වීම නිසා ආහාර අරුචිය ඇති විය යුතු වූවත් දැන් තමන් වෙනදාටත් වඩා වැඩි ආහාර ප‍්‍රමාණයක් අනුභව කරන බව ඔහු පවසයි.

පණුවන්ගෙන් පසු මදුරුවන්,කූඩැල්ලන් වැනි රෝග වාහකයින් ආශ‍්‍රයේ සිට ‘‘රෝගාබාධ‘‘ විහින් ආසාදනය කරගැනීමට ඔහු බලාපොරොත්තු වේ.