දරු උපතකදී මවක විලි රුදාවෙන් කරනා කෑගැසීම් වලට දඩයක් අය කරනා රෝහලක් ගැන වාර්තා වන්නේ සිම්බාබ්වේ වලිනි.

දුෂණයට එරෙහිව ක්‍රියාත්මක වන ඇමරිකා සංවිධානයක් වන ‘ට්‍රාන්ස්පෙරන්සි ඉන්ටර්නැෂනල්  සිම්බාබ්වේ හිදී සිදුකළ විමරශනයකින් මේ රෝහල සොයාගෙන තිබේ.

දඩ අයකරනවාට අමතරව මෙම රෝහල දඩ ගෙවීමට ප්‍රමාද වන්නේ නම් ඊට පොළියක්ද අය කරන බවත් ඇතැම් අවස්ථාවන්හි දරුවා ලැබූ මව දඩය ගෙවන තෙක්ම බලහත්කාරයෙන්ම රෝහලේ රදවාතබාගන්නා බවත් මෙම විමර්ශනයේදී හෙළියැය. මෙය සිම්බාබ්වේහි රෝහල් බොහෝමයක දක්නට ඇති තත්ත්වයක් බවද ට්‍රාන්ස්පෙරන්සි ඉන්ටර්නැශනල් සංවිධානය කියයි.

එක් කෑගැසීමකට ඩොලර් 5 බැගින් අයකෙරෙන බව කියැවේ.සිම්බාබ්වේ හි සම්පූර්ණයෙන්ම පාහේ විනාශව ඇති ආර්ථීකයට නිසාවෙන් සාමාන්‍ය පුද්ගලයෙකුගේ වාර්ෂික ආදායම ඩොලර් 150 ක් පමණ වේ.එයිනුත් ඩොලර් 5 බැගින් රෝහලට ගෙවන්න සිදුවේ නම් ඉතිරියක් නොමැති බව

දන්නා සිම්බාබ්වේ වැසියන් දරු උපතකදී රෝහලක් කරා යොමු වන අවස්ථාවක් ඇත්තේම නැති තරම් වන බව විමර්ෂණය සිදු කළ කණ්ඩායම කියයි.මේ නිසාම සිම්බාබ්වේහි නිසි වෛද්‍ය උපදෙස් නැතිව සිදුවන දරු උපත් නිසාවෙන් මියයන මවුවරුන් සංඛ්‍යාවේද ඉහළ යාමක්ද දක්නට ඇතැයි පැවසේ.

ආර්ථීක අර්බුදය නිසාවෙන් සිම්බාබ්වේහි සියලූ දෙනා උත්සාහ කරන්නේ කුමන කරුණක් ඉදිරිපත් කර හෝ මුදල් සොයා ගැනීමට බව විමර්ෂණ කණ්ඩායම කියයි‍.