බි‍්‍රතාන්‍ය තරුණියක් ලැම්බර්ත් නුවර කිංග්ස් කොලේජ් රෝහල් රථ ගාලෙහි දරුවකු බිහි කළාය. ජෙසිකා වින්ටර් (21) නම් ඇයට කේයි නමින් රාත්තල් 6කුත් අවුන්ස 5 ක පිරිමි දරුවකු ලැබිණි.

ඉතා දරුණු කොන්ද කැක්කුමක් දැණුනු ඇය අළුයම 3 ට පමණ අවදි විය. තම දියණිය ප‍්‍රසූතිය සඳහා සූදාණම් වන බව දැන ගත් ඇගේ මව කි‍්‍රස්ටීන් හා පියා ඩැවෝන් ඇය රෝහලට රැගෙන යන ලදි.

දිග ඇඳුමක් ඇඳ සිටි ඇය වාහනයෙන් බසින අවස්ථාවේ රබර් තාරාවකු දෙපාදයේ ඇතිල්ලෙනවා වගේ දැනුණු බව කියන්නීය. ඒත් සමගම බිළිඳෙක්  හැඬිය. තමා දරුවා බිහි කර ඇති බව දැනගත් ඇය ‘ඔහු මෙහෙට ඇවිත්’ යනුවෙන් කෑ ගැසීය.

ඒත් සමගම ඇගේ පියාගේ දැන්වීමෙන් වෛද්‍යවරු අට දෙනෙක් මිනිත්තු කිහිපයක් ඇතුළත එහි පැමිණියත් ඒ වන විටත් බිළිඳා ඉපදී අවසානය. ඉතා යහපත් සෞඛ්‍ය තත්ත්වයකින් පසුවන මවත්, බිළිඳාත් වෛද්‍යවරු පරීක්ෂා කිරීමෙන් අනතුරුව එදිනම නැවත නිවසට පිටත් කර යැවීය.

මේ ආකාරයෙන් එංගලන්ත තරුණියන් කිහිප දෙනෙක්ම නාන කාමරයෙහි, කාරයක, පොලිසියේ වැසිකිළියේ ආදි ස්ථානයන්හි බිළිඳුන් බිහි කළ අවස්ථා වාර්තා වී ඇති අතර එසේ කිරීමට හේතුව තරුණ අවදියේ පසුවන අය දරු ප‍්‍රසූතිය හෝ ගැබිණි සමය පිළිබඳ නිසි අවධානයක් හෝ අවබෝධයක් නොමැති නිසා බව බලධාරීහු චෝදනා කරති.