මළපහ වලින් ගල්අගුරු නිපදවීමේ ක්‍රමයක් සොයාගැනීමට බි්‍රතාන්‍යය ජාතික විද්‍යාඥයෙක් සමත්ව ඇත.

ආර්ද්‍රෝෂ්ණක කාබොනීකරණය නමින් හැදින්වෙන ක්‍රියාවලියක් අවසානයේ මෙසේ මල අපද්‍රව්‍ය ගල් අගුරු බවට හැරවීමට මෙම ක්‍රමයෙන් හැකි බව සදහන් වේ. මළ අපද්‍රව්‍ය පමණක් නොව ඕනෑම ආකාරයක කාබනික කැළි කසළ මේ සදහා යොදාගත හැකි යැයි පැවසේ.

අපද්‍රව්‍ය වලින් ගල් අගුරු සෑදිීම ආචාර්ය ඩොමිනික් පියුස්ගේ සොයාගැනීමකි. ඔහු ප්‍රධානත්වය දරන ඇන්ටැකෝ නම් සාමාගම මෙම වසරේ මාර්තු මාසය වන විට බ්‍රිතාන්‍යයේ ප්‍රථම කාබනික අපද්‍රව්‍ය ගල් අගුරු බවට හරවන යන්ත්‍ර සහිත කර්මාන්තශාලාවේ ඉදිකිරීම් කටයුතු අවසන් කරනු ඇත.

කර්මාන්තශාලාවේ ඉදිකිරීම් සදහා බ්‍රිතාන්‍යය රජයෙන්ද පවුම් ලක්ෂ 10 ක මුදල් ආධාර ලබා දී තිබේ.

කාබනික අපද්‍රව්‍ය සෙල්සියස් අංශක 200 ක පමණ උෂ්ණත්වයකදී හා බාර් 20 පමණ පීඩනයකදී ගල් අගුරු බවට පත්වේ.මෙය පෘථීවි අභ්‍යන්තරයේ සිදුවන ක්‍රියාවලියක් අතර අද අප භාවිතා කරන ගල් අගුරු වසර සිය ගණනක් මුලූලේලේ මෙම ක්‍රියාවලිය සිදුවීමෙන් නිපදවුනු ඒවා වේ.

නමුත් ආචාර්ය ඩොමිනික් පවසන ආකාරයට ඔහුගේ ක්‍රමයෙන් ගල් අගුරු නිපදවා ගැනීමට ගතවන්නේ පැය කිහිපයකි.

ස්වභාවධර්මයා නිපදවා දෙන ගල් අගුරු වල සල්ෆර් අඩංගු වුවත් මෙම ගල් අගුරු වල සල්ෆර් අඩංගු නැති බව සදහන්ය.සල්ෆර් යනු දහනයේදී විෂ වායු නිකුත් කරන්නක් වන අතර මෙම ගල් අගුරු දහනයේදී එවන් අවදානමක්ද නොමැති වනු ඇත.

තවද මෙම ගල් අගුරු කිසිත් ගැටලූවක් නොමැතිව දැනට තිඛෙන ගල් අගුරු බලාගාර වලට යොදාගත හැකි යැයිද ඔහු කියයි.