ඉන්දියාවේ නව අගමැති නරේන්ද්‍ර මෝදිගේ දිවුරුම් දීමේ උළලේ ආරක්ෂාව තර කිරීමට ඉන්දීය ආරක්ෂක අංශ තීරණය කරයි.

 ගුවන් හමුදාව ප්‍රකාශ කළේ ගුවනින් එල්ල විය හැකි තර්ජනයකට මුහුණ දීම සඳහා ගුවන් අවි නාශක ස්ථානගත කර ඇති බවයි.

දිවුරුම් දීමේ උළෙල පැවැත්වෙන ඉන්දීය ජනපති මන්දිරය වන රාෂ්ට්‍රපතිභවන් ආසන්නයේ පිහිටි සියලූ මාර්ග වසා දැමෙයි.

ජනරජ උළෙලට වඩා වැඩි ආරක්ෂාවක් නරේන්ද්‍ර මෝදිගේ දිවුරුම් දීමේ උළෙල සඳහා සැලසීමට සියලූ කටයුතු සූදානම් කර ඇතැයි ඉන්දීය බලධාරීහු පැවසූහ.

නරේන්ද්‍ර මෝදි අගමැතිධූරයේ වැඩ බාර ගැනීමෙන් අනතුරුව එරට ඉහළ පෙළේ නිලධාරීන්ට  අගමැතිවරයා සමඟ ඕනෑම වේලාවක රැස්වීමකට සහභාගී වීමට සූදානමින් සිටින ලෙස දැනුම්දී ඇත.

ඉන්දියා රජයේ දෙපාර්තුමේන්තු 84ක් එම දෙපාර්තුමේන්තුවල කරුණු දැක්වෙන මිනිත්තු 20 බැගින්   කෙටි විස්තරයක්  ඉදිරිපත් කරන ලෙස ද මෝදි නියම කැර ඇත.

දිවුරුම් දීමේ විශේෂ උත්සවය ජනපති නිල මැදුර වන රාෂ්ට්‍රපතිභවන්හි එළිමහනේ දී පැවැත්වෙනු ඇති අතර 3,000 ක පිරිසක් ඊට සහභාගී වීමට නියමිතය.  

 (එන්.ඩී.ටීවි)